1

勇敢于父母面前承认出柜 港男：真心多谢《大叔的爱》！

男主角表示原本自己同啊田一样，完全无谂过自己会锺意男人。当发现自己对男人有feel嘅时候，真係劲无助，唔知点算好！之后第一次同男人拍拖，非常束手无策，仲好介意街外人嘅眼光。就算拍咗2年咁耐，都一直唔敢同身边任何人坦白自己性取向。呢种无形压力一直成为呢段感情嘅负担，令男主角拍拖拍得好唔开心，好惊畀人发现自己唔正常。

（图片来源：《大叔的爱》剧照）（图片来源：Dcard）

而男主角都好心水清，明白到父母唔会接受自己係一个男同性恋者，亦知道大众对Gay Couple存在好大嘅歧视，所有就算想坦白交代，都无机会可以讲。直到ViuTV 热播剧集《大叔的爱》上映后，男主角有感，港人似乎对男男同性恋不但非常接受，仲好支持一班性小众勇敢做自己！所以感得呢个係好难得嘅机会，可以坦白承认同性恋一事??

（图片来源：《大叔的爱》剧照）（图片来源：Dcard）

大结局乘机与男友十指紧扣父母爆笑问：咁你係田田定阿牧？

《大叔的爱》大结局当日，男主角特意约男朋友到屋企，同两老一齐睇大结局。时机成熟时，男主角係父母面前拖起男朋友嘅手，十指紧扣。当大家都认定两老一定极力反对时，佢地嘅反应好出乎预料地，展现出支持嘅态度！真係好感动啊！男主角都话，好惊讶两老竟然无发火，仲同佢地倾诉，问佢地边个係田田、边个表白先。

（图片来源：《大叔的爱》剧照）（图片来源：Dcard）

男主角：终于可以光明正大拖住手出街 网民：要继续幸幸福福！

男主角事后亦表达对男朋友嘅感激，好多谢男朋友一直以来嘅体谅，同埋肯畀时间佢，等佢愿意坦白性取向时，先公开恋情。记者睇完，真係觉得劲Sweet啊！普通一对情侣能够行到2年，经已唔容易，更何况係一对地下情嘅男男同性恋者呢？真係要经历好多难过先可以行到呢一步！

（图片来源：《大叔的爱》剧照）（图片来源：Dcard）真係好替一班同性恋者开心啊！（图片来源：Dcard）有留言祝福男主角同男朋友要幸幸福福！（图片来源：Dcard）网民纷纷恭喜有终成眷属！（图片来源：Dcard）有人欢喜有人愁，有留言表示睇完剧集，反而仲唔敢坦白！（图片来源：Dcard）

其实无论係咩性取向都好，只要无伤害到任何人，就应该要勇敢企出嚟，做自己！希望一班性小众睇完男主角分享之后，都可以勇敢做自己，勇敢面对世俗目光～支持你哋～

撰文：Sumi｜图片：网络图片｜来源：Dcard