1

台妹9步抢人男朋友！ 台妹：没有拆不散的情侣

版主表示自己27岁，顺利抢走人地嘅未婚夫！因此开Post教导一众心机女如何由第三者成功上位变大婆！即管睇吓呢位板主嘅出位言论啦！佢理直气壮嘅态度，认真睇到令人为之则目！

（图片来源：《三十而已》剧照）

第1招：营造不同形象，激发男人新鲜感！

版主表示第一步係要营造到自己形象与目标老婆不一样，满足男人对不同理想型的期待。简单嚟讲，就係要畀到男人新鲜感！始终一开始几爱都好，对得耐都厌?嘛～差异化强大嘅外表同性格，可以令男人有一种强烈刺激和新鲜感。

各位男人，记得唔好畀一时嘅新鲜感累事，放弃一段值得珍惜嘅感情啊！

（图片来源：《金秘书为何这样》剧照）

第2招：建立善良人设，接近目标对象！

相信大家都唔难发现，第三者人设通常都好善良。呢个係好多男人嘅原因之一！因为感觉呢位女仔睇起嚟无害，开始产生好感。其实呢种咁有机心嘅人设，会随住时间而露出真面目！通常当第三者正式坐正之后，善良人设就会消失，男人就会惦挂前任，后悔莫及啦～

（图片来源：《金秘书为何这样》剧照）

第3招：製造藉口，令男人失守！

版主表示最关键嘅一步係製造时机落手！只要係男人犹豫、纠结时候，製造一个藉口畀佢跨出最后底线，你离成功就迈进一大步啦！版主仲大胆表示，大婆在明，第三者在暗，係比较会有优势。要令男人係不知情情况下，跌入你精心策划嘅陷阱，先可以令男人自愿离弃大婆。无论如何都要保持温柔体贴咁话喎～各位男人遇到呢种心机女，记得避之则吉啦～同呢种人发展，往往都唔会有好结果?！

（图片来源：《妻子的》剧照）

第4招：永远讚美认同，满足男人虚荣心！

即使男人喺第三者面前犯错，或者做咗伤害第三者嘅事，第三者都应该要包容、理解及接纳。绝对唔可以发脾气，咁就可以造成反差，令佢地係正室面前，感受到束缚、责任等压力。正所谓，忠言逆耳，真正爱你嘅人係会想你进步，而唔係不断付和。各位男人记得睇清楚，到底边个先係对自己好啦！

（图片来源：《Run On》剧照）

第5招：扮脆弱无助，激发男人保护欲！

版主更教路，做人第三者一定要识展现弱态。点解男人成日同大婆讲：佢比你更加需要我。，并唔係因为大婆有几坚强，而係第三者识得展示脆弱，捉住男人好强心态。呢招相信係好多男人都抵挡不了，但心水清嘅你，又点会唔知面前呢位心机心玩紧咩技俩呢？

（图片来源：《经常请食饭的漂亮姐姐》剧照）

第6招：扮以真爱为名，表示不求回报！

呢个世界上，最伟大嘅爱係不求回报，没有目的的爱。所以当大婆斤斤计较时，第三者就要表现出我爱你，没有原因，只要可以偶尔见你，见到你开心，我就满足啦！版主仲教路，呢个时候应该要劝男人返大婆身边，令佢更离唔开你！

扮哂与世无争，唔想同任何人争，只係想静静地咁爱你。其实根本最想抢人嘢果个就係佢！唔好畀佢呃到啊！

（图片来源：《男朋友》剧照）

第7招：将错误全揽上身，激发男人亏欠感！

第三者最核心价值係满足男人嘅存在价值，令佢感到开心舒服，咁就可以令男人不知不觉间企係你呢边啦。例如：都怪我，如果唔係我，你们都唔会行到呢一步。、是我没有控制好自己感情，唔可以怪你。要令男人係大婆度受嘅气，能够係第三者身上释放，咁就可以令男人产生对第三者嘅亏欠感。扮哂所有错都係自己问题，唔关任何人事，其实心底里係想男人觉得自己好惨好善良！各位男士唔好咁傻啦！

（图片来源：《爱的迫降》剧照）

第8招：展现超强忍耐力，绝对唔发脾气！

嚟到第8招，相信你都成功介入咗人地段关係?啦～版主表示，之后就係换位思考，要继续拉开自己同大婆嘅距离，令男人觉得同自己一齐先係最舒服。讲真，呢种扮出嚟嘅性格，又可以维持几耐呢？一个本质咁差，钟意抢人嘢嘅人，试问脾气又会好得去边？

（图片来源：《境遇之数》剧照）

第9招：演分手戏码，迫男人做选择！

最后一招，亦係最妙嘅一招，你要同男人玩心理攻防战。时机到，你就要主动提出退出，当然唔係真係退出啦，而係迫个男人做出最后选择。版主表示，先发制人永远对男人有用，因为男人天生係嘅动物，佢地更喜欢会随时失去嘅嘢！各位男人，同呢种女人一齐，随时变咗係你戴绿帽，仲要唔知几多顶！遇到呢种女人，记得走啦！

（图片来源：《喜欢的话请响铃》剧照）

最后板主更发表超大胆言论，表示大婆总係企係道德高地去约束男人，其实只是将男人一步步推向自己。记者睇完就表示侧目啦～咁样日日夜夜咁机心生活，实在係太攰啦，绝对唔建议啊！

网民惊讶版主理直气壮 闹爆：到底有没有羞耻心？！

一众网民睇完当然清一色表示惊讶啦！点解做人第三者都可以咁大条道理？！不禁纷纷留言问板主，到底佢有无羞耻心。更有网民表示，爱情点嚟就会点走，板主迟早做下一个受害者咁话喎～唔知你又点睇呢？

（图片来源：Dcard）（图片来源：Dcard）（图片来源：Dcard）（图片来源：Dcard）（图片来源：Dcard）（图片来源：Dcard）

?

虽则话感情係控制唔到，无分对与错，但爱一个人又唔一定要将佢私有化嘅～你都唔想心爱嘅人承受住、第三者罪名啦！用呢种旁门左道抢人男朋友，感情都好难维持长久～

撰文：Sumi｜图片：网络图片｜来源：Dcard