1

楼主：Hea工同OT工点拣？

日前，有人于香港讨论区，以28,000 HEA 工五日半 VS 32,000 五日辛苦 OT工，点拣？？？为题发文，指自己收到两间公司的offer，两份工作性质类似，同行同工，年假、病假等公司福利差不多，唯一的分别是工作日数以及薪水。楼主因而发文希望收集广大网民的意见。

Ａ餐︰人工28,000元，返五日半，近屋企，即係星期一至五，星期六返半日，问过做过嘅朋友，工作内容都唔烦，有少少HEA，好似几好做，至少唔会太CHUR。不过星期六要返半日真係有少少浪费时间，而且又无嘢做嘅话，真係返去坐下就算。

Ｂ餐︰人工32,000元，返五日，有少少远，星期六日全日放假几爽。不过见工嗰时讲明有时要OT，仲可能会OT到半夜，无补水不过有的士钱可以问公司拎。胜在人工多4,000元几好使，又可以放两日假。

有人发文表示自己收到两个offer，但不知应如何选择。（图片：Unsplash）

网民：梗係A餐啦！咁辛苦做咩

帖文一出，引起网民热议。不少人认为返工最紧要轻鬆且无工作压力，认为楼主可以先选择A餐，之后再搵第二份工或在空余时间进修。

梗係A餐啦！平日準时放工 可以多啲私人时间做自己嘢，星期六都係返多半日工，星期六下午一样可以出街玩。 帐面又真係A餐好啲，B餐讲到明要OT， 除非楼主打算短炒做两三年走人，如果唔係，都係拣A餐，之后去进修再考虑转工啦！ A！咁都要问！继续搵工啦！再搵一份40,000蚊又hea又返5日又唔使OT!!! 多啲时间搵偏财

我係你梗係拣hea工，而且仲要一边搵第二份5日嘅工，因为返五日半都几辛苦！要OT嘅工分分钟要加到夜晚8、9点，仲要无饭食，饿亲个胃，会捱到病！

又有网民表示，就算A餐的人工较低，但胜在返工近、不用OT。有人更表示，假如选择B餐要加班的话，A餐的时薪或许更高。

当然A，咁辛苦做咩，4,000蚊做得啲咩先。 B餐OT无补水，平时又忙，唔求升职就一定要A餐。如果计埋加班啲时间嘅时薪，随时A餐高过B。 有网民指应选择一份轻鬆的工作。（图片：Unsplash）

拣人工高嘅offer 未来转工叫价更高

不过，有网民却持有相反意见，认为应该要选择人工较高的offer，楼主未来转工，叫价可以高于32,000元。

你要知道好多转工睇嘅，都係依家份工嘅人工，加10%至15%走。 假设两间公司除咗你讲嘅嘢，分别不大。依家多4k，即係成世每个月多4k。拣28K两年后搵下份工可能32k，再两年搵下份工可能37k；拣32K两年后搵下份工可能37K，再两年搵下份工可能43K。当然，如果你唔在乎个几K，想hea就另计。

多4K等于成世多4K， 所以应该拣B。 捱两年再搵过份有人工加嘅hea工，而且5日半同5日係差好远，5日工星期四晚已经係holiday mood，再简单啲谂，假设你返紧份5日工，老板叫你OT，你宁愿每日做夜啲定星期六返去？ 一定拣32K。下次转工可以搵36K，38K。 有人认为楼主应选择人工高的offer，捱多两年再搵一份有人工加的hea工。（图片：Unsplash）

有得OT等于公司发展好？

有网民表示，公司要求员工加班，代表业务发展得快吗，有发展潜力。有人则认为hea工裁员机会大，B餐的选择更加稳阵。

通常hea工比人裁员机会大好多，想稳定我会拣B 我会拣B，话哂过3万月入！2万8蚊人工可以有几hea啊！ 依家梗係睇边份稳阵，有时hea未必好。 睇个人，要OT就明显证明呢间公司发展得更快。如果你想发围肯定拣B公司，A公司咁兴鬆，证明无咩发展，自己谂。

如果楼主只求安稳、A係不错，但有机会公司生意同工作量成正比，难保未来（正在可Hea，容易找人代替），之前做过呢份工那人又因咩事走，你也参考吓自己前人嘅想法；B係辛苦，但如果出咗名，你仍有心有力，这份工作经验係未来会令你CV加分，或许你能力好、效率高不用夜夜OT！

有人认为1份工要OT就代表公司的发展快。（图片：Unsplash）

网民：唔应该只考虑人工

有网民则认为，无论是选择A餐或是B餐，楼主不应只考虑人工，亦须衡量那份工作的晋升前景、公司性质等因素。

睇下边份有晋升机会，前途好啲。同埋睇你几多岁，想hea做定博杀。有时唔係净係睇钱，要计好多嘢。

睇个人同咩公司。如果係政府工、年纪大、有家庭所以要準时走就拣A；如果要稳定工作（如你要供楼）、想要拣大公司或好生意，A同B都得；如果锺意5日工、要学嘢、想自我上进，就拣B（又多啲人工）。