1

蓝筹公司中层 问题冷门

日前，有网民于连登讨论区以见工做written test用电话搵答案有无问题？为题发文，表示女朋友见工时，笔试部分没有写明不可使用任何电子产品或者任何方法查找答案，于是她便用电话查答案，结果不用进入面试阶段便被直接请走。

楼主之后补充，女友见的是一间蓝筹港资公司的文职中层职位，并指笔试问题不是基本知识，而是偏冷门的问题。询问网民上网找答案有没有问题。

楼主问：见工做笔试用电话搵答案有无问题？

支持者：出黎做野个个用Google

帖文一出，引起网民两极回应，有网民支持楼主女友的做法，理据多数是现时时代不同，平时工作个个都会用Google，甚至有网民指自己曾经收到朋友见工时打电话求助：

出黎做野个个用Google，感觉似垃圾中资。 一定查，您唔查见同一份工嘅interviewee都会查。 无讲明就得架啦，何况出到黎做嘢有边个唔google。 有咩问题，咁唔通written test考计数，我拎计数机出黎计又唔得？ 支持楼主，2021年仲好似封建时代咁唔畀呢样唔畀嗰样，人人唔识都google?啦，请个人返去唔识咪又係google，唔通又唔畀人google？

试过朋友做written时打嚟问我点做，佢最后有offer。

网民：出黎做野个个用Google

网民笑问：面试可以叫Siri代答？

不过，亦有大量网民认为楼主女友的做法不妥，主要是认为见工与平时工作情况不同，并认为楼主女友应该问清楚可不可以用工具，更有人笑问面试时是不是可以可以叫Siri代答：

但你唔係做嘢，係见工呀老细。 第一次见工？做test唔俾查唔係默认?咩，除非条题目写明可以用。 做test用tools问清楚係常识。

你不如话interview个阵，有咩唔识答拎埋部siri嚟答。

网民：不如叫Siri答

偏门问题其实是基本知识

另外，有大量网民认为可能在该公司的标準，这些偏门问题其实是基本知识，想请不用Google都能回答问题的员工，因此认为楼主女友未够能力胜任此工作：

人地都想你写到啲关于份工嘅知识姐，咁都要上网睇，就知再落去都无谓，人地都觉得你无準备喇。 中层，佢应该都有d能力啦，洗唔洗查呀。 咩都google 唔使请你啦，问得嘅即係你应该识嘅，咁都答唔出，咁垃圾仲以为自己好醒？ 如果係冷门题目，公司角度应该都係想用条问题去筛选一个乎合佢地资格既识既candidate去做呢个位，唔识就reject，唔洗去further process做interview。 你到时做野係咪下下google?如果到时用自身判断，咁interview唔畀用google都好正常。 人哋间公司可能就係expect你啲冷门嘢係基本knowledge。 你条女冇错，但间公司想搵个唔google都识嘅，所以你条女唔合要求。

请定唔请决定权在公司

有网民就理性地指，楼主女友的个案没有绝对对错，但决定权始终在公司：

其实你呢个case冇绝对嘅对错，等于你要完成一个工作都唔一定得一个方法，咁但係请定唔请个决定权喺佢地到，佢地认为你条女用嘅方法唔适合佢地嘅公司，咁咪唔请啰。

大家又认为笔试时上网找答案有没有问题？

?