1

90后轮班工作放工唔睇信息

放工理所当然觉得应该休息？

日前，有网民在香港讨论区以点睇用两部手机的年轻同事为题，指自己做儿童照顾工作，需要轮班，同事之间的沟通非常重要，例如与小朋友家人交代过什幺，都会在工作群组说。

但有3个90后同事，会分开工作及私人两部手机，他们收工后不会看工作信息，到再返工时，工作会有错漏。

楼主更指，有时工作有新安排，又要等他们上班在线才可以倾，但他们返工好多时是其他人放假，变相要其他同事牺牲放工时间就佢哋。最过份是他们上班不完成工作，到放工又理所当然觉得应该休息，搞到同事要执手尾。

前辈怒轰：要其他人牺牲私人时间就佢地

网民：市场会淘汰呢啲人

楼主不禁问，年轻人强调私人时间算不算自私？帖文一出，引起网民两极回应，有人力撑楼主，指年轻人没有责任心，应该要换过一批员工：

有部份职业有时真係要放工后处理一d跟进工作接受唔到就转行呢d同事要唔要都罢。 市场会淘汰呢啲人！再请人啦！而家咁多人揾工！ 返工前后交接好工作係最起码，咁都做唔到就要换人。 工作时间内都做唔好当天工作，就无尽到员工本份啦。 年轻同事责任心是差些了，又讲要公私分明，难以沟通。

换马啦，大把人肯做，佢呢类员工，做洗碗，落单，收钱就得，收工就收工，冇手尾跟。

唔明点解锺意请后生

有人亦指不明白为何老闆要请年轻员工，认为要升职时老闆会选择收工肯抽时间处理公事的有经验员工：

其实我唔明僱主点解锺意请后生、好多都冇责任心、收工后就乜都唔理唔睇、其实都唔係咁阻你时间呀、有时请中年人重好。 一个有经验收工又肯抽时间处理吓公司d野，同一个少经验但收工后就完全唔理公司d野嘅同事，你係上司会升边个？ 当年冇wtsapp，你老闆搵唔搵到你？

公司俾左钱24小时on call？

然而，亦有大量网民认为公私分明是道理，更反问楼主以前没有WhatsApp，收工后老闆如何找员工：

咁老实讲，私人时间真係唔应该做工作上嘅野嘅，做係人情唔做係道理。 返工咁辛苦为乜，想有个生活/好啲嘅生活啫，但做到连享受生活时间都冇埋，唔通真係捱到67十岁老ee，行都唔行得话去旅行，食多啲又话高血压先去享受美食咩 根本公司事唔应该依赖社交媒体，有任何工作上交带手尾应该用公司嘅系统。 你打紧工定做紧奴隶，放工咪休息下啰，唔到好鬼大获都唔会理，得一部手机不过大家明底线。 你公司俾左钱24小时on call？ 将心比己，当年冇wtsapp，你老闆搵唔搵到你？ 我70后，都唔觉得收工后有必要处理工作问题，你可以send俾我，但唔好谂住私人时间去处理。

我作为80后，好睇唔起啲将工作摆係人生首位既人。

你打紧工定做紧奴隶，放工咪休息下啰

应找出沟通问题的根源

亦有网民除了表态之外，认真讨论问题根源，更反驳楼主，指若然楼主认为90后上班才工作，会影响到当时放假的同事，那为何不体谅其他同事上班时正在放假的90后同事：

既然其他同事都唔愿意牺牲放工时间就佢哋，咁又点解要求佢哋牺牲放工时间去就你?有嘢唔可以办公时间讲？非要放工时间讲？

放咗工睇定啲message，第二日返工再做，就一定会做啱？第二日返工先睇然后跟住做，就一定做错？两者应该无咩关係，应该係指示清唔清晰嘅问题。 工作时间内唔完成工作嘅Root Cause 係乜？ 工作量定工作能力问题？同事要检讨之余，上司都要检讨一下。放咗工仲因为公事而搅住人，更加不该。 放工就係下班，唔再睇关于工作嘅野係叫正常，并不过份。问题係如果明知对方唔睇，就要谂另一套方法去做好交接，expect对方应该睇而唔用另外一种方法做好沟通，到头来蚀底都是自己。