1

18岁蚊子专家 养近4,000只蚊！

这集《マツコの知らない世界》请来咗热爱蚊嘅18岁少年，田上大喜做嘉宾。田上在约6年以前，就开始用自己做饵去树林採捕野生嘅蚊，然后带返屋企放入蚊房做研究，屋企养咗近4,000只蚊！

嘉宾田上大喜，係美国回流日本嘅天才少年！ 田上嘅梦想係创造人蚊共存嘅世界，所以亲自喺屋企养蚊做研究！

交配后雌性蚊才吸血

用嚟饲养蚊嘅蚊屋係由田上自己用纸皮箱+胶樽自製，一箱大概有50-80只！

蚊屋由田上自己用纸皮箱+胶樽自製。

田上指，会吸血嘅只有交配后嘅雌性蚊，咁係为咗得到足够嘅营养产卵。所以除咗用蜜糖水餵蚊，佢甚至会献血畀蚊！完全係当成自己嘅仔女咁嚟养。

会吸血嘅只有交配后嘅雌性蚊，咁係为咗得到足够嘅营养产卵。

O型血最吸蚊 A型血最防蚊

据调查所得，1年里面杀人最多嘅生物头5位，第1位竟然唔係人，係蚊！所以防蚊措施真係好需要?！

1年里面杀人最多嘅生物头5位，第1位竟然係蚊！

咁咩人会特别吸引蚊咬呢？曾经有过研究指，根据血型嘅唔同，受蚊欢迎嘅程度都唔同，O型最吸引蚊咬，而A型就相对地少蚊咬。但原来，血型唔係唯一原因！

研究指，根据血型唔同，被蚊咬嘅机率都唔用！

脚上细菌愈多 愈易被咬！

田上经过研究同实验后，得出一个新原因，就係脚上细菌多嘅人，愈容易被蚊咬！

脚上细菌多嘅人，愈容易被蚊咬！

人类体内以及皮肤上有称为常在菌嘅细菌，顾名思义，就係经常存在喺人体内嘅菌，而呢啲菌嘅种类愈多，就愈惹蚊咬！

呢啲菌嘅种类愈多，就愈惹蚊咬！

日本节目实测

田上搵来妹妹?千笑一齐做实验，测试5分钟内2人各自被蚊咬咗几多挞！而结果係，妹妹脚上细菌比哥哥多近3倍，被蚊咬嘅次数达81次，而哥哥就只有25次！

兄妹2人嘅结果分别相当吓人！

虽然係做实验，但叫个妹去餵蚊都未免太惨！原来田上係一见到有蚊停留，就会扫走只蚊，并立即喺佢停留过嘅地方贴上红色贴纸做计算及记认。

田上会喺蚊停留过嘅地方贴上红色贴纸做计算及记认。

防蚊方法原来超简单！

于是田上就谂到，出街前用消毒杀菌湿纸巾抹脚，可以有效减少被蚊咬嘅次数！佢再叫来妹妹做实验，对比番杀菌前同杀菌后嘅被蚊咬次数，发现由81处，减至27处！总数减少至1/3！惹蚊嘅你，下次可以试下用呢个方法防蚊喇！

出街前用消毒杀菌湿纸巾抹脚，可以有效减少被蚊咬嘅次数！ 蚊咬处足足减少至1/3！

撰文：Carmen｜图片：《マツコの知らない世界》｜资料来源：《マツコの知らない世界》｜编辑：GW