1

学校没教的搭车礼仪！

1. 切勿大力闩车门

呢一项係大忌嘅第一位！很多人平时搭开的士，因为惊闩唔实车门，所以习惯大大力闩车门。但私家车嘅车门比起的士嘅车门设计更为複杂，可能有很多按钮，所以相对上较脆弱，大力闩车门分分钟震坏车门上嘅零件，整一整又要几千蚊，车主真係多得你唔少！所以大家下次闩车门嘅时候记得温柔返啲喇。

大力闩车门容易震坏车门上嘅零件，车主最憎。（图片来源：pexels.com）

2. 切勿唔睇清楚就开车门

唔开大个车门点落车！？开大车门当然係无问题，问题係无睇清楚车门外面嘅情况就一嘢用力推门。很多时候，车门外可能係栏杆或者石壆，如果呢两样嘢的高度比较低，遮住视线，搞到一开门就刮花车门。最惨係开门果阵撞花咗隔离车的车门，到时都唔知边个赔好。

无睇清楚就一下开大个车门，容易撞到栏杆或者石壆。（图片来源：pexels.com）

3. 唔好一嚟就坐后座，净返车主係前面

唔讲你可能唔会为意，坐私家车时一黎就坐后座，留空副驾，净返车主係前面渣车，其实十分不尊重。无论係因为大家搭的士习惯了，又或者係觉得副驾位唔敢乱坐，但咁样会俾人一种当人係的士司机的感觉。因此，如果只係得你一个，或者架车未坐满人嘅时候都尽量唔好留空副驾位，以示对车主嘅尊重。

一上车就坐后座，净返车主一人係前面，令人有种当人係的士司机的感觉。（图片来源：pexels.com）

4. 一上车就係副驾睡觉=唔尊重

就算你避开了上一个行为，好醒目咁坐上副驾位，但你都可能会犯这个禁忌。就係一上车就在副驾训觉，特别係坐长途车／自驾游嘅时候，咁样一样会令到车主唔係太好受。因为揸长途车其实都几攰，所以最好就适当地同车主倾下计，令到佢无咁苦闷。不过如果你真係好攰，可以尝试轻轻同车主说明原因才去睡，相信佢都会体谅，唔好误会你。

一上车就係副驾睡觉=唔尊重车主（图片来源：pexels.com）

5. 係车上面食嘢要小心

好多车主都唔钟意乘客係佢车上面食嘢，特别係盐酥鸡、薯片、等等嘅食物，一来容易被车内的物料会吸味道，二来碎屑多，难以清理，容易惹虫，清洁十分麻烦。

唔係个个车主都唔介意人係车上面食嘢，为避免尴尬，都係问清楚先好啲。（图片来源：pexels.com）

6. 唔好係咁乱?啲掣／开柜

坐车随意乱?车上的掣或者乱开人啲柜，係非常失礼嘅行为。道理同去人屋企一样，你都唔会去到人哋屋企就随便入房开人哋个衣柜啦。

係咁乱?啲掣／开柜是十分没礼貌的行为。（图片来源：pexels.com）

7. 勿对人哋架车评头品足

好多男人都当架车係第二个老婆，你弹人哋架车旧、牌子垃圾，或者颜色唔好睇，就等于直接同佢讲你Taste好差！一样，无人会想听。所以都係厚道啲，除非人地问你意见，如果唔係都係收下把口啦。

对人哋架车评头品足，容易得罪人而不自知。（图片来源：pexels.com）

唔知大家有无曾经唔觉意做过失礼乘客呢？下次坐朋友车就记得要留意喇！各位车主仲有无遇过其他1秒激嬲你嘅行为呢？

撰文：Mila｜图片来源：网上图片、新假期资料库

即睇更多：日本电车乘客票选扰民行为TOP15！最乞人憎第1位好多游客都有做！｜好生活百科

（图片来源：新假期资料库）

即睇更多：00后潮语你识几个？13个新世代潮语 坏过凯婷、6uo、Fam J係乜？睇唔明证明你老喇｜网络热话

（图片来源：新假期资料库）