之前都听唔同朋友仔提过意乐餐厅好受食客欢迎。意乐将日式、意式嘅烹调风格融合，创出适合香港人口味嘅意日 Fusion菜。餐厅选用从世界各地入口嘅优质食材，不会将货就价，仲定期推出创意新菜式，每每为食客带嚟惊喜。最重要是亲民，餐厅又宽敞，包保食得舒适又开心。

夏日推介：烟三文鱼冷麵 配 青芥末汁或鳗鱼汁

炎夏最好食冷麵！肥美烟三文鱼下面係清爽凉浸浸嘅日式冷麵，麵条沖冰水后弹牙幼滑，配埋紫菜、芝麻，仲有特别调製嘅青芥末汁或鳗鱼汁一齐食，更觉开胃醒神。烟三文鱼充满烟燻香，又有三文鱼嘅丰腴嫩滑感，燻香肉嫩，更觉滋味。同系列另有温室青瓜鸡柳冷麵，仲可以配搭由日本直送讚歧乌冬添！

海鲜集荟：帆立贝海鲜浓虾汁焗珍珠饭

天气咁热，口味可能会拣择啲，唔想食肉嘅时候，最好就係食海鲜！呢个有帆立贝、虾、鱿鱼、青口、蚬……超丰盛海鲜嘅帆立贝海鲜浓虾汁焗珍珠饭，配料仲有健康有益嘅菇菌同蔬菜，浓郁虾汁更係配搭海鲜嘅perfect match！珍珠饭吸晒海鲜同虾汁嘅鲜甜，滋味倍升！

鲜甜烟韧：鲜蚬蒜香烟肉忌廉天使麵

锺意creamy嘅我，最锺意食cabonara，但食得多都会想换下口味，朋友就叫试下呢个加上香甜原只蚬嘅鲜蚬蒜香烟肉忌廉天使麵，果然一食爱上！满满鲜甜嘅蚬肉，配惹味嘅香蒜同烟肉，加埋沾满幼滑忌廉酱汁嘅天使麵，实在係大满足呀！

清新甜点：方格西多士配和风抹茶炼奶

身为甜品控，饭后当然要来个甜品喇！好似一砖砖黄金嘅方格西多士，大厨先将麵包反覆沾满蛋酱再高温炸到金，外脆内软，配埋混合清新抹茶与甜蜜炼奶嘅自家製和风抹茶炼奶，用呢个清香甜品作结嘅一餐，真的非常呀！

意乐餐厅

地址：新界沙田禾輋广场2楼227号舖

查询电话：2598 8080

网址：www.itamomo.com.hk