点知，佢失败咗……
女朋友答咗一个好老套嘅答案：未Ready。

由于阿耀谂住自己一定成功，所以Plan好行程第一日就去京都，点知 求婚失败 ，搞到成个大阪旅程同女朋友都面左左。

其实阿耀有暗示过想结婚，因为屋企人年纪大，想凼下父母开心。
但女方一方面唔想将自己终生幸福用嚟凼人哋嘅父母。
更重要嘅係，女方根本唔想嫁畀阿耀。虽然两个人係好开心，佢亦锺意阿耀，但未锺意到要嫁畀佢……

以上呢个血淋淋嘅，係事后女方自己讲出嚟。

点解叫事后？！
因为到第三日，阿耀终于顶唔顺，畀钱买多张机票，自己搭飞机返香港。

情侣闹交可以扮无事，只要花时间，沉住道气慢慢凼，一定可以和好。
但求婚失败，自知短期内无法改变，亦无可能凼到对方戴上戒指。

闹交可以用买嘢嚟凼。
但求婚钻戒，已经係拍拖购物清单中最终极嘅项目，女仔唔收只戒指，你仲可以买啲乜令佢回心转意？

阿耀自己一个返咗香港，佢女朋友去完成个旅程之后，都无再搵阿耀，只係Send咗呢个满载嘅讯息畀佢。

呢个故事嘅结局，係因为求婚失败，而导致分手收场。
电视剧世界，有101次求婚。
现实世界呢？会唔会有第2次求婚嘅机会？

一个男人被拒绝之后，每日要面对住一个拒绝你嘅人，当无事发生继续拍拖，相信好少人做得到。

另一方面，求婚失败意味着对伴侣唔了解，连对方有冇同你结婚打算都未清楚，当求婚係一件五五波嘅。就算求婚成功，之后两个人嘅日子，都未必幸福。

延伸阅读