暑假必去！同3大本地体坛男神女神打卡selfie 免费睇「运动 x 艺术」figure展 @Miss Sunny

浏览 2021-04-11 20:00

? ? 韩国figure教父Coolrain 1:1 figure 零距离同男神女神打卡selfie 向本土运动员致敬一去到PopCorn一期一楼，即刻畀3个真细嘅男神女神figure吸睛~ 韩国figure教父Coolrain同过好多国际运动品牌合作，好似NIKE、PUMA、Converse等，最擅长做1:6嘅精细模

暑假,必去,本地,体坛,男神,女神,打卡,selfie,免费

韩国figure教父Coolrain

1:1 figure 零距离同男神女神打卡selfie 向本土运动员致敬

一去到PopCorn一期一楼，即刻畀3个真细嘅男神女神figure吸睛~ 韩国figure教父Coolrain同过好多国际运动品牌合作，好似NIKE、PUMA、Converse等，最擅长做1:6嘅精细模型，今次特别为3位香港杰出运动员打造1:1 figure，纪录其于赛场上挥洒汗水、大放异彩的时刻，每个运动员造型都唯肖唯妙，最得意係有埋专属嘅招牌动作，原汁原味纪录香港运动员在场上自信嘅一面！

女飞鱼欧铠淳企喺泳池跳台，自信满满，準备随时跃入水中嘅英姿。

跳高女神杨文蔚企喺1.88米嘅计分牌旁边，重现当时打破香港纪录嘅一刻。

羽毛球王子伍家朗就展示出球场上为胜利呼喊嘅激昂神情。

同场仲展出Coolrain亲手帮3位运动员做嘅1:6 figure，连道具啲细节位都超Detail！

运动科学体验馆等你挑机

有得睇，梗係仲有得玩啦！运动科学体验馆嘅三大赛区透过全新Kinect体感游戏，体验与冠军级人马同场较量嘅滋味，可以一边歎住冷气；一边以Kinect感受做运动嘅趣味，大人细路都话至Like！

先去游泳区挑战100米式，睇下你同欧铠淳边个快啲？

再去羽毛球场跟伍家朗学正宗羽毛球步法，要喺每球落地前抢点救球，考身手又考反应！

仲未攰？咁就去挑战埋杨文蔚1.88米嘅香港女子跳高记录，用体感游戏模拟跳高，挑战自己个人新高。

唔使飞首尔！睇Coolrain珍藏figure展

如果你平时既爱运动又爱玩模型，咁就啱喇！同场仲可以一次过睇晒Coolrain其他嘅运动x艺术珍藏figure﹗

最震撼一定係巴西足球球星尼马（Neymar） 1:1 真人比例figure，将佢入波之后嘅招积样完全表现出嚟！

同场仲严选出50座以体育为主题嘅招牌12吋 figure ，包括同尼马一样係巴西队嘅头David Luiz，NBA球星Kobe Bryant、Lebron James，仲首次展出NBA传奇Scottie Pippen嘅1:4figure，从球衣同表情都睇得出手工精细，真係值得影多几张相！最后记得睇埋 Coolrain 最出名嘅作品 Dunkeys 同 BBOY，无论作为运动迷或者玩具迷，都唔可以错过！