1｜迷你捲髮器

Sunny今季都剪咗个中长度髮型，唔用捲髮器set返个头真係唔见得人，但大大支实在太碍位，好彩畀我发现而家有啲mini嘅捲髮器，可同时捲到直髮同曲髮，热力足够仲有环球电压，咁就去到边都可set 到个头！

2｜眼镜盒装护肤品

细细个嘅眼镜盒其实好好用，将平日用嘅cream 及精华素装入去，唔怕漏够轻巧方便，袋喺化妆袋上机可随时补妆，旅途中唔怕皮肤乾燥或敏感。

3｜Cushion 遮瑕 笔

化妆品中Sunny最紧张底妆用品，除咗粉底，一支方便易用嘅 遮瑕 笔係超重要！旅途中溶妆都可随时补，所以Sunny超锺意Maybelline支cushion 遮瑕 笔，cushion头薄薄一层轻印就做到高coverage 效果，佢遮黑眼圈真係好掂，唔使带绿色红色嘅concealer，一支搞掂晒！selfie前补一补对眼即刻sharp晒！

4｜迷你保湿喷雾

旅行最怕皮肤乾到爆，自己可以用几滴玫瑰精油加蒸馏水，装入细细支保湿喷雾，补妆前喷一喷，除咗保湿，玫瑰香味仲令成个人即刻fresh晒，迅速赶走倦容。

5｜支装即弃眼药水

戴大眼仔con最容易令双眼乾涩，外地湿度有时乾过香港，带定细细支即弃眼药水，随时帮双眼保湿，唔怕对眼唔舒服，影相时亦唔怕出晒红筋！