1. 婴儿湿纸巾

BB湿纸巾其实好方便又好用，性质够温和，除咗可食嘢前清洁双手同抹走唇膏，仲可以敷mask或搽cream前抹面，一包多用。

2. 胶原蛋白眼膜

Sunny每次出Trip都带定MTM Custom Blended Eye Mask旅行装，放喺化妆袋随时帮对眼急救。两款唔同嘅 Collagen Pad胶原蛋白眼膜，分别针对解决眼纹或黑眼圈问题，配合Custom-Blended Eye Expert Essence释放三种胶原蛋白，机程中帮对眼叉足电，落机唔怕有眼纹！

3. 椰子油

多用途天然 保湿 霜，装定细细支，随时搽喺髮尾、指甲边缘、嘴唇及乾燥皮肤上，有效锁水，唔怕皮肤乾到裂。

4. 保湿 防晒霜

搭长途唔少丝打都爱素颜上机，虽然机舱属于室内，但高空上嘅紫外线比地面力更强，所以上机必备一支SPF30以上嘅防晒霜，质地最紧要够润，保护同时keep住皮肤水润。

5. 口罩

机舱超级乾燥的空气对个鼻造成好大影响，Sunny每次都带定口罩用嚟隔离冷空气，有个口罩挡住仲无咁易抽乾块面啲水分！有鼻敏感嘅丝打除咗口罩仲可以考虑问空姐要热毛巾蒸气薰鼻，立即舒缓敏感不适！