鞋痴注意

浏览 2021-04-07 12:00

10月天气开始凉，又有藉口为衣柜换季喇！自从2015年 SHIBUYA109 香港后，已经可以满足到一班经常专程飞东京扫货嘅朋友，云集12个日系品牌包括多个服饰、鞋、手袋、饰物、等，通通都係女生们嘅血拼目标。最近，更有两大初次抵港嘅日牌进驻 SHIBUYA109 ，分

鞋痴,注意,10月,天气,开始,又有,藉口,衣柜,换季,自从

10月天气开始凉，又有藉口为衣柜换季喇！自从2015年 SHIBUYA109 香港后，已经可以满足到一班经常专程飞东京扫货嘅朋友，云集12个日系品牌包括多个服饰、鞋、手袋、饰物、等，通通都係女生们嘅血拼目标。

最近，更有两大初次抵港嘅日牌进驻 SHIBUYA109 ，分别係女鞋品牌RANDA同日系校服CONOMi，喺东京同涩谷都属于人气之选，嚟到香港已经俘虏唔少鞋痴同锺意日系校服主题设计嘅女生！

人气鞋店、日系校服进驻

RANDA 喺日本好受 OL 同年轻女生欢迎，除咗有多元化嘅高踭鞋、短boot 同平底款之外，设计舒适亦係品牌其中一大卖点，多个款式都特设鞋内软垫，帮助卸走腿部压力，即使企足全日或者长时间走路都一样舒服。有部分设计亦加阔咗脚掌位，绝对係前脚掌较阔女生嘅恩物。

RANDA设计舒服贴心，而且斯文及casual款都有，所以好多日本女生锺意呢个牌子。

大部分日本鞋只得大、中、小码，但係 RANDA 另有 LL 加大码，即係相等于 41 号，连大脚板女生都照顾到。佢哋嘅价钱更係紧贴日本售价，一般都係$400-$600，鞋痴想买鞋实在唔需要出走东京！

麖皮2-Way Loafer（配活动装饰）各$528 ＠RANDA

绒面高跟鞋各$458 ＠RANDA

漆皮Oxford Shoes 各$528 ＠RANDA

旗舰店位于原宿嘅 CONOMi，以日系校服为服饰主题，半截裙、恤衫、手提包同襟章、煲呔等配饰设计有型又易衬，质地亦好厚实，全部都可以作为或mix & match嘅fashion items。

CONOMi嘅半截裙、书包和配饰款式都相当wearable，每款单品都可以衬到平日嘅服饰。

配饰如领呔、煲呔，颜色同款式都几多选择。

格仔半截裙 $946 ＠CONOMi

啡色仿皮手提包 $618 ＠CONOMi

云集 12个日系品牌

SHIBUYA109 内嘅12个日本品牌，例如SLY、NICE CLAUP、WEGO TOKYO，甚至品牌une nana cool，都係熟悉嘅牌子，另外仲有Ank Rouge、Secret Honey等香港其他地方搵唔到嘅日牌，最欣赏佢哋无论係种类、款式设计，抑或路线定位都非常多元化，我Miss Sunny就算相约唔同口味嘅闺密一齐shopping，大家都一样啱睇，SHIBUYA109可以话係女生嘅一站式购物热点！

SHIBUYA109有12间日本品牌店舖，一次过可以睇晒衫、裤、鞋、袋。

WEGO TOKYO喺东京已经被喻为budget buy嘅天堂，价钱大众化，数十至$100、$200都有交易。风格走原宿系路线，款式比较fancy，颜色亦相当colorful，除咗fashion items之外，仲有accessories，好似头饰、趣怪眼镜，仲有雪糕、水果等造型嘅手机套、散银包等，款式好吸睛！而且大部分都係几十蚊为主，可以毫不犹疑地买买买！