1

万圣节 上太空 搞鬼弹星际漫游

一入去时尚方地库，就见到星际反斗乐园场区，当中最抢眼一定係星际弹弹，布置成三大星球 木星、金星和火星，一边係弹；另一边就係软腍腍嘅南瓜海绵池，小朋友可以好似星际漫游咁随意弹跳，又唔怕受伤，最啱一班无时停，坐唔定嘅反斗小鬼。

飞身大字形扑入海绵池，姿态优美，满分﹗ 软腍腍的海绵池，大人见到都想玩埋一份。

南瓜层层塔 考臂力赢奖品

一轮热身后，真正的挑战终于要来。这个南瓜层层塔要求参加的小朋友在指定时间内，用大鎚有次序地将高塔逐层击倒。唔容易架﹗考眼界之余，仲要身手够敏捷，臂力当然唔少得。成功将层层塔瓦解，就可以得到精美礼物做奖品，加油呀﹗

要一层一层，又唔可以整跌其余的，真係几考功夫﹗

攞景好位 你要知

玩完两大游戏，应该都身水身汗。快啲抹吓汗，梳梳头，因为仲要影靓相。场内有两大布景畀大家随意selfie，想走入太空飞碟做吓驾驶员，得﹗想同太空人一齐感受无重状态，又得﹗想点影就点影！

救我呀﹗被捲入宇宙黑洞喇﹗ 边个想跟我哋一同坐飞船去太空探险？ 头髮飞起晒，果然进入了无重状态。

哗鬼巡游等埋你

在万圣节临近的周末(28-29/10)嘅2pm-6pm，仲会有一班可爱哗鬼巡游于黄埔新天地内，派糖之余，会同大家一齐合照，欢迎大鬼、小鬼扮鬼扮马出场，齐齐玩番餐，过一个热闹Halloween。

无论係外星人定太空女侠，摆起甫士，最紧要chok。 由14/10开始至29/10，逢星期六、日下午，小鬼们，记得来玩吓呀﹗

黄埔万圣节–星际反斗乐园

地址：黄埔新天地时尚坊地库 (显示地图)

日期：10月14至15日、21至22日 及28至29日 (星期六及日)

时间：1pm 7pm

参加办法：

于黄埔新天地任何商舖消费满港币200元，凭即日单一机印，即可参加星际弹弹乙次。活动每日名额有限，额满即止。 于黄埔新天地任何商舖消费满港币100元，凭即日单一机印，即可参加Pumpkin层层塔乙次。于指定时间内击落所有南瓜层层塔，即可获得精美小礼品乙份。活动每日名额有限，额满即止。