1

赤柱芬兰市集 3大必去拍照打卡位

1. 星光玻璃屋玩埋VR睇极光　

海滨星空玻璃屋必定係打卡首选！幻想下置身于芬兰雪地中仰望繁星，再戴上VR眼镜欣赏极光。玻璃屋外墙满布闪烁灯饰，星光闪闪，男友们记得準备专业相机啦！

体验正宗芬兰浴

源自芬兰嘅芬兰浴点可以冇呢？芬兰 Jacuzzi 拍照区不时有烟雾效果，见到都有雪地feel，唔知着毛毛褛浸浴係咩玩法呢?!

巨型音乐盒

近4米高嘅超巨型雪地奇缘音乐舞台以蓝绿极光颜色为主调，加上七彩灯光折射，好似置身音乐盒中，舞台中央位置仲有得玩手动旋转添！零死角景点首选！

80间芬兰小屋 必扫芬兰美食、极光主题手作及节日精品

市集内香喷喷，有经典芬兰肉丸、肠仔，芬兰圣诞挞Joulutorttu，以及芬兰人最锺意食嘅蓝莓乾、麦片和Gin酒。本地档主亦花心思设计有极光同小镇夜景嘅手工曲奇、形象可爱嘅手製特色巧克力及手工糖果等。当然唔少得芬兰必买嘅手信星球玻璃精品，以及由芬兰工匠亲手製作嘅圣诞摆设同市集独有嘅手作精品，嚟赤柱芬兰市集全部送晒俾挚爱，够晒特别呀！

芬兰圣诞挞Joulutorttu 当然唔少得试吓地道芬兰热狗啦。 圣诞又点少得圣诞食品同糖果呢！

近距离亲亲芬兰圣诞老人

市集内嘅瞩目焦点当然係由芬兰远道而来嘅芬兰圣诞老人啦！佢将会係活动日4pm-7pm不定时出现係市集同大家影相，要野生捕获圣诞老人嘅话，记得把握机会啦！每日首100名参加者仲有机会得到圣诞老人村独家名信片连邮票邮戳一张，非常珍贵！

真圣诞老人，你又点可以错过？ 活动期间仲有唔同类型节日舞台表演，点可以唔去感受呢个奇妙圣诞呢！

Kuksa原木手工杯及热红酒换领

圣诞市集仲有专属纪念杯盛载热红酒，今次特别推出来自芬兰嘅原木手工杯Kuksa，极具收藏价值。由12月1至17 日期间于赤柱广场及芬兰圣诞市集内消费满600港元(最多2张^)，即可换领Kuksa原木手工杯一只连热红酒换领券一张*。(每日名额250个，先到先得，换完即止 )

赤柱广场芬兰圣诞市集 活动内容：

日期：2017年12月9-10日及16-17日（一连两个星期六及星期日）

时间：中午 12 时至晚上 8 时

地点：领展赤柱广场天幕广场

芬兰圣诞老人见面会：

日期：12月9、10、16及17日

时间：下午4时至7时 (每节20分钟)

圣诞节庆表演时间：

日期：12月9、10、16及17日

时间：下午2时至7时

大会特别增设免费穿梭巴士由海洋公园及筲箕湾往返赤柱广场，及免费穿梭船由香港仔海旁道4点梯台往返赤柱卜公码头，係活动日12nn – 9pm就可以搭啦，够晒方便。活动期间，赤柱广场泊车位只供预约泊车人仕，建议访客使用公共交通工具前往。