愉景湾酒店
配合今年圣诞节，Café bord de Mer & Lounge特别推出佳节自助餐，锺意食海鲜要留意，因为有波士顿龙虾、鳕场蟹脚和北海道带子等。另外仲有秘製蒜香西冷、香煎法式胡椒牛柳、羊架伴普罗旺斯杂菜配露丝玛利汁、焗三文鱼柳酿蟹肉慕丝酥皮卷等。当然唔少得圣诞主角烤火鸡同埋见到都开心嘅圣诞节甜品啦！ 如果想静静地同挚爱食烛光晚餐，The Bounty Entertainment & Sports Bar会喺平安夜同埋圣诞夜推出5道菜圣诞晚餐，除了前菜香煎黄金吞拿鱼、甘栗南瓜黑松露忌廉汤、柠檬柑橘雪葩，主菜三选一包括：烧酿火鸡卷伴椰菜仔及蜜饯栗子配火鸡汁、三重芝士焗波士顿龙虾米配加菲蟹肉千层麵、或慢煮牛仔膝伴南瓜蓉及意式杂菜配砵酒汁，仲有甜品圣诞香脆榛子红桑子蛋糕。一边欣赏现场乐队演出，一边品尝滋味美食，好浪漫呀！ 今年圣诞假期想同一家大细或另一半留港消费，呢个圣诞美食住宿优惠就啱晒，圣诞美食住宿优惠由HK$2,588起，优惠包括二人入住山景客房一晚并享用自助早餐以及佳节自助晚餐；浪漫圣诞住宿优惠由HK$2,888起，优惠包括二人入住山景客房一晚并享用自助早餐以及5道菜圣诞晚餐。只需另加HK$310起，仲可带同一位小童（3-11岁）共同享用优惠，小朋友仲可以参与酒店活动中心嘅圣诞节活动，包括可以参加手作工作坊同埋有专人帮你画花脸，係特定时段更可大玩近期最hit嘅switch，小朋友就最开心！ 由12月24日至26日参加酒店观光马车畅游，仲可亲身坐上充满圣诞装饰嘅欧陆古典马车，畅游洋溢欧陆风情嘅愉景湾北部。圣诞主题马车更会喺圣诞节当日早上11时至中午12时停泊喺海滨白教堂前，可以尽情同佢影相同selfie！ 由即日起至2018年2月28日酒店入面嘅Spa Botanica推出有机蜡烛全身同埋温感贝壳有机精油，令你身心舒缓。每项75分钟的温暖疗程只需$990*。同时推出佳节香薰礼物篮，每套优惠价$779，内附有机沐浴露、香薰吊饰套装和香薰润肤液，自用或用嚟做圣诞礼物送畀挚爱亲朋都适合！ ? *以上所有价钱须另收加一服务费。 地址：大屿山海澄湖畔路88号 （显示地图） 订座电话：2295 8355 网址：www.aubergediscoverybay.com ?圣诞自助餐食匀全世界
净係睇呢个海景都够煞食啦！
红蟳米糕，以满满嘅膏蟹铺喺糯米饭面，蟹膏超多蟹肉鲜甜，香气四溢、口感丰富。
香煎法式胡椒牛柳，牛柳煎得好香同时又保留到入面肉汁，牛魔王最爱！
酱汁酸甜得来带点香辣，十分开胃，大虾鲜爽惹味。
XO酱爆黑毛猪柳，炒得有镬气，猪柳够嫩滑。
羊架伴普罗旺斯杂菜配露丝玛利汁，羊肉味浓而不羶，切开中间呈粉红色，口感鲜嫩柔软。
圣诞节又点少得法式圣诞朱古力树头蛋糕，仲有美式糖姜核桃批、圣诞杯子蛋糕同埋圣诞老人草莓吉士挞等，甜度适中，卖相吸引，大人小朋友见到都开心！
酒店大堂布置好有圣诞气氛，bear bear圣诞树最抢眼！
同场加映：180度海景食五道菜圣诞晚餐
5道菜圣诞晚餐 $588 （每位）
愉景湾酒店住宿优惠
坐圣诞欧陆古典马车
冬日水疗呵护
香港愉景湾酒店
本页关于 愉景湾酒店内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。