1

建议路线：上水火车站 A3 出口 (约 0.35km) > 单车特卖场 Bike Store HK (约 2.2km)> 梧桐河 (约 0.8km)> 大水管(约 0.6km) > 罗太豆花 (约 1.5km)> 得月楼警岗 (约 2.2km)> 信义新村 (约 4.6km)> 落马洲湿地(全程约 12.2km)

落马州单车路线第一站：上水出发租单车

上星期五天气唔错，廿几度，又有少少凉风，最啱踩单车！Miss Sunny 就约咗几个朋友，朝早 10点出发租单车。租单车嘅地方都几易搵，上水火车站A3 出口行大约 5分钟就到单车特卖场 Bike Store HK。普通车 $50租一日，比起沙田平呢！如果想踩得舒服啲，可以租有高级避震嘅单车，都只係 $120租一日。检查清楚，相机、地图、蚊怕水都带齐就可以出发了！

上水火车站A3 出口行大约 5分钟就到单车特卖场 Bike Store HK 沿单车路直行就会见到租单车嘅地方。 呢度有得租或买单车。 普通车 $50/1day ; 高级避震单车 $120/day。

落马州单车路线第二站：畅游梧桐河畔

接着就係大约半小时的路程，先上天桥，经深港中心后，沿梧桐河向北踩。梧桐河左面係一片片农田，田边又好几间铁皮屋。沿路仲会见到唔少雀仔同牛牛，好有乡村风味！一路踩，有少少凉风，感觉好舒服。虽然过了行人天桥后，马路上嘅汽车数量变得非常少，不过大家都要注意安全啊！

过行人天桥时记得落车推。过天桥后就会见到梧桐河。 沿着梧桐河旁边一直踩，不禁落车影番张靓相。 沿路已经见到唔少牛牛。 虽然过了行人天桥后，马路上嘅汽车数量变得非常少，不过大家都要注意安全啊！

落马州单车路线第三站：摄影圣地大水管

沿着梧桐河一路踩到尽头，就係今次旅程中最靓嘅影相位之一。火车係头顶驶过，高高嘅电线杆，穿插着一条条又粗又大嘅水管，景色非常独特。如果唔太晒的话，大家可以泊低单车，係水管间影吓相，休息吓。不过影还影，唔好踩上水管呀！

梧桐河尽头就係大水渠嘅位置。 可以见到港铁喺头顶经过呢！ 喺水管间影相别有一番风味。 其实水管係输送东江水嘅管道。

落马州单车路线第四站：$12任食豆腐花

踩多 8分钟左右，十字路口附近会有路牌指示，指示你去到罗太豆腐花。大家踩到攰都係时候休息吓！呢度最出名就係 $12 豆腐花同豆浆放题。身水身汗嘅时间食碗嫩滑嘅豆腐花，真係够晒歎！食几碗豆腐花都唔够饱的话，呢度仲提供两餸饭同餐肉煎蛋公仔麵，不妨係度充充电！

十字路口附近会有路牌指示，指示你去到罗太豆腐花。 豆腐花 $12 任食，Miss Sunny 就一口气食咗几碗！ 人流唔算多，大部份都係附近工作嘅人同单车友。

落马州单车路线第五站：边境地标得月楼

休息够又要继续行程。踩大约 20分钟左右就会见到近年先嘅得月楼村。呢度係边境禁区之一，村民要有禁区纸先可以入去。虽然得月楼村与港铁站仅一河之隔，但得月楼村长满树木，与人来人往嘅港铁站同深圳罗湖口岸联检大楼，有明显嘅对比。当然，Miss Sunny 没有禁区纸，我们一行人就只可以经过得月楼警岗，看看呢个特别嘅景色。

得月楼警岗係为村民检查禁区纸嘅地方。 得月楼村要有禁区纸先入得去，相当神秘。

落马州单车路线第六站：返璞归真信义新村

喺得月楼警岗向西边，一直踩就係信义新村。沿路主要都係农田同草地，仲有好多芒草??！踩半小时左右就会到马草垄信义新村合作社。虽然外表简陋，但就係旅程嘅最后一个补给站，要好好把握时间休息。再经过马草垄会见到一个小水塘，望远少少就已经见到深圳嘅高楼大厦，形成强烈对比。

沿路有唔少芒草。 马草垄村同料壆村都係边境村庄，人迹稀少，十分纯朴。 沿经一个公厕，大家可以去方便一吓。 信义新村合作社外表简陋，但就係旅程嘅最后一个补给站，要好好把握时间休息。 小水塘，望远少少就已经见到深圳嘅高楼大厦，形成强烈对比。 沿路大多数都係农田，很难想像自己身处喺香港。

落马州单车路线最后一站：宁静的落马洲湿地

过咗信义新村就係落马洲，好多人都会选择回程，但其实呢度都有唔少嘢睇。向新田方向出发，经过 落马洲公共交通转车站，再经过新田购物城，从惇裕路一直踩，大约一个钟就会到今次落马州单车路线最后一站！落马洲湿地係由港铁管理嘅人工湿地之一。因为要保护啲候鸟，一般都唔会对外。不过係旁边欣赏，都已经好舒服，想思绪平静一吓嘅人，一定会好锺意！

向新田方向出发，踩大约一个钟就会到今次落马州单车路线最后一站。 途中会经过落马洲公共交通转车站同新田购物城。 宁静嘅环境，好舒服。 村民係船上工作，好简单、纯朴。 湿地就喺正落马洲站隔离，离远都见到好多候鸟喺度搵食。 可能係因为已经入冬，有唔少候鸟由北方飞落嚟过冬，停低喺外围一阵，已经见到唔少雀仔喺头顶四围飞呢！

落马州单车路线 小总结

今次嘅落马州单车路线远离烦嚣，可以亲亲大自然。加上大部份都係平地，适合假日游。不过，踩单车、影靓相嘅同时，都要做足安全措施同爱护环境呀！记得自己垃圾自己带走啊！