1

但当我哋年龄愈大，愈无本钱去分手。
一来自知市场价值愈来愈细，又或者已经无心力耐性去习惯另一个人。
就算对方有缺点都会尽量迁就，性格不合就花时间去磨合，星座唔夹…就唔信星座啰。
于是，分手嘅原因所剩无几，最后得番…
当然啦，无论係男或女都有机会偷食，身边朋友亦发生唔少偷食个案，总结以下几个偷食原因都几搞笑。

１）老婆大肚
虽然医生话大肚可以有正常但唔激烈嘅性行为，但好多男人喺呢段时间都忍唔住出去偷食。大肚婆情绪起伏大，有时真係无mood做性事，男人就有藉口出去偷食。呢种情况最惨嘅係，好多女人都为咗肚入面嗰个而选择哑忍。

２）唔肯玩情趣玩具
有位女性朋友嘅男友，佢非常好锺意玩情趣玩具，仲愈买愈过分，女性朋友唔肯，仲闹佢。结果男方就以呢个做藉口出去偷食，仲话番佢转头：妳唔肯玩嘛！我咪出去同其他人玩啰！当然，结局係分手收场。
３）你咁短
呢个案例又係黐线，个女仔嫌男朋友满足唔到佢，结果出去搵其他男人。被揭发之后女方竟然亲口承认自己对呢方面非常有需求，仲话嗱我应承你唔好锺意其他人，净係one night stand。呢顶绿帽真係由头戴到落脚趾尾。

４）妳都係第三者咋
呢个最经典，连我係男人一听到都硬晒（拳头）。话说女方发现男朋友偷食，仲唔止第一次。点知个男人话：妳当初都係第三者嚟咋，妳识我第一日已经係呢种人。老实讲妳都无谂住同我一世?啦。喂大佬！你咁样点同你一世啊…
总结：
我理解喜欢新事物、贪新鲜係人嘅天性，十个男人有十个都係鹹湿。但当知道偷食嘅代价係破坏一段关係同埋令伴侣伤心，我会选择唔偷食啰。
有人认为向女友报告行蹤不夜归係怕女友／老婆嘅表现。
但我觉得，呢种唔係怕，而係唔想失去另一半。