1

01 |买埋好多唔等使嘢

唔关质素好定唔好事，明明平时都唔会用，但因为平，总之就买咗先，反正都係100円之嘛！

明明唔带饭盒，见到得意的饭盒袋、水樽套，又会忍唔住手买！（反正都係100円之嘛～）

02 | 超市、药妆店可能更平

100円店卖的商品，未必全部都係平，如零食及胶樽装饮品，超市或药妆店可能更平！

超市的胶樽饮品，通常都唔使100円。

03 | 收纳用品在家堆积如山

以为买咗会整理好屋企的杂物，但因为太平，愈买愈多，结果其实无用到，反而变咗屋企的杂物！（唔係个个都可以成为收纳达人！）

?

04 | 被200円、300円商品欺骗！

呢样100円咁抵?!畀钱的时候先发现，原来係200円或300円！

DAISO x Harris Tweed系列，每款要300~600円。

05 | 经常见到爆买的人

最近的100円店愈开愈大间，入面大部分都係疯狂扫货的人或泰国人。

东京其中一间DAISO大型店舖足立ひとつや店，3层高，可以用银联卡找数！

06 | 100円的碗碟唔易打烂

本来谂住如果屋企的100円碗碟烂咗，就会换过啲高级碗碟！但意外地，用极都唔烂，想换都无藉口换！

Seria的碗，又靓又耐用！

?

07 | 唔记得买本来想买的东西！

本来为咗买某件货品而去100円店，但结果买咗一堆无关係的货品，离开之后先发现唔记得买想买的东西！

?

08 | 店员唔知货品的摆放位置

因为货品种类同数目都非常多，成日都搵唔到，就算问店员，好多都答唔到你，结果同你齐齐搵！

DAISO的商品总数超过7万款，店员唔记得都好正常！

?

09 | 笔记簿品质差

100円店的笔记簿虽然平，但品质差劣，纸非常簿！

Cando笔记簿。

10 | 几支装的笔非常劣质

100円12支的颜色水笔，当中有一两支係写唔出色的！

11 | 针织製品一定拮肉

针织製品绝对只係100円的质素，如颈巾、手套，一定拮肉！

DAISO x Girls Trend研究所冷帽、冷颈巾、冷手套。

12 | 指甲油愈买愈多

因为平，所以见到有新颜色、新樽，都忍唔到手买，但最后，屋企储埋好多支，唔少开都未开过，或已经乾咗！

Cando指甲油。 Cando指甲油。

13 | 包装用品种类非常丰富，最帮到手！

包装纸、masking tape、贴纸、不织布袋等等，选择非常之多，送生日、圣诞礼物畀朋友或节时最帮到手！

DAISO的礼物盒。

14 | 以为好快会坏的货品，结果好耐用

买的时候唔期望佢襟用，结果用好耐！但之前成日听人讲话好好用的商品，结果好快坏！

15 | 商品转换得好快

用过好用想再买的商品，搵极都搵唔到，结果店员话已经唔再返货！

16 | 去到外国都会行100円店

唔知点解，去外国旅行，都会忍唔住走入100円店逛逛，睇下有无日本无卖的东西！

首尔的DAISO。

17 | 旅行用品选择多

衣物的收纳袋、可以摺埋的拖鞋、装洗头水化妆品的小胶樽等等，100円店有好多又平又实用的旅行便利用品！（香港人最常用应该係压缩袋！）

18 | 会仔细check清楚先买

虽然只係100円，但因为商品的质素好参差，通常都会check下先买！例如布製商品有无走线，又或者胶箱驳位有无胶水渍等。

19 | 会出现奇怪的字！

因为好多都係由或其他国家製造，成日都会出现奇怪的字，如シ会变成ツ、ン变成ソ！（除了日本人或识日文的人，係唔会发现！）

20 | 剪毛头机好好用

DAISO的剪毛头机非常帮到手，绝对係100円店人气best buy之一！

21 | 会去唔同的100円店买唔同嘢

想买实用的商品，会去DAISO，想买杂货的话，就会去Seria！

Seria比较多杂货。

22 | 周末排队有杀气！

日本人通常都会于周末时购物，所以收银处经常出现人龙，而间中会有人买1万円（即100件）商品，排队的人即刻出现杀气！

23 | DIY的製成品感觉係cheap嘢

经常见人气blogger或电视节目上的艺人，用100円店的商品做材料，都可以整到好靓的家居用品或摆设，但自己做起上来，製成品点睇都只係100円的cheap嘢！

Seria的网站每个月都会有DIY手作教学，畀埋个list你要买咩材料！

24 | 大部分都唔收

虽然可以用付款的店舖愈来愈多，但仍有不少只收现金。

25 | 100円店搵唔到自己个姓的印章

100円店内只有大路姓氏的印章，嗰一刻好羡慕姓佐藤、铃木同高桥的人！（补充1：唔少日本人工作上都要用印章，普通都要1~2千円一个！（补充2：香港的话，可能只得陈李张黄何！）

26 | 唔习惯变成108円

消费税由5%加到8%之后，100円店的商品变成108円，不少日本人都觉得贵了很多！

27 | 小朋友当100円玩具係宝贝

虽然品质差，但结果小朋友都好珍而重之咁玩，非常满足！

28 | 好多细路走来走去

100円店有好多玩具，细路自然好兴奋咁走来走去，平时日本的阿妈都会阻止，但100円店就通常都无，因为佢哋都沉迷于拣100円商品！

29 | 去到女仔房，发现100円店货品会好尴尬

如果讚好时尚的话，听的人应该会以为你寸佢，更唔可以问喺边度买啦！（香港人应该无呢个共鸣位！）

30 | 收银机前总见到掉低100円就走的大婶

常常会见到拎住一件货走去收银处，掉低100円就走的大婶！收银员叫停：要108円（连税）啊！但会畀大婶闹：又话係100円店！

下一页：DAISO、3COINS、CouCou高质300円商品攻略 ｜ 2018年4、5月新登场