1

捐款支持惜食堂 品尝国际名厨设计靓汤

大家只要即场捐款港币10元或以上畀惜食堂，就可以得到盛汤厨房换领券一张，凭券可以喺四款由Jason 设计嘅靓汤中入面拣选一款，包括神级Fusion汤、下火蛋花汤及佛系番茄汤都好好饮，不过我Miss Sunny最为推介嘅係仙气养颜汤，因为以南瓜、木瓜、红萝蔔熬製而成，抗氧化功效十足，最啱我仙气女神饮呀!

大家只需即场捐款港币10元或以上予惜食堂，就可以饮到靓汤一碗及免费拍摄家庭照一次。

四款靓汤都係用回收可用食物及其他新鲜食材烹煮而成，絶对係赋予剩余食材新意义。 今次盛汤厨房义卖嘅四款靓汤，全部由国际名厨王凯杰Jason Wang亲自设计。Jason烹製嘅汤水曾被地狱厨神Gordon Ramsay盛讚为无可挑剔。

回收食材撑环保　8款配料任加味更好

最撑环保嘅Miss Sunny，我就非常支持今次活动，因为四款靓汤的用料，全部也是以领展街市商户卖唔晒可供回收及食用嘅食材，精心製出嚟，好味兼健康更可以支持剩食回收。而且当我哋拣好靓汤之后，即场仲有8款配料任大家加入汤一齐饮，我强烈推介樱花虾乾及星型麵包多士，颜色又靓，口感变得更有层次，简直就係由完美变成神级美嘅境界。

大家仲可以喺8款配料之中，挑选合心水选择配料放入靓汤内，为味道加分。

免费玩潮拍长辈图 艺人撑场化身店长

当大家好似我Miss Sunny同屋企人饮完靓汤之后，记得唔好即刻走呀! 因为凭换领券，仲可以到潮拍长辈图摄影专区，免费拍摄一张开心家庭照。除此之外，今个星期六、日鼎爷李家鼎、大小姐林淑敏、送水辉许家杰、KC欧瑞伟及Terry李伟健，分别喺两个不同的活动场地化身为星级店长，同大家饮啖汤见吓对方。所以话，嚟到盛汤厨房既可以饮到靓汤同做善事，又可以同屋企人共聚及分享，更加可以拍摄靓靓家庭相，点都要把握最后机会去支持一吓!

饮啖汤见吓对方，今个周末你都带埋屋企人过嚟鲤鱼门广场及蝴蝶街市，参与呢个非常有意义嘅活动啦！ 饮完靓汤大家记得同屋企人齐齐去玩潮拍长辈图，免费影番一张靓靓家庭相啦。 免费即影即有实体相之外，大家仲可以扫描二维码将数码版本下载到手机，同屋企人开心Share！

盛汤厨房
地点：鲤鱼门广场
日期：5月26日
时间：下午1时至9时
星级店长：李家鼎 (下午2时至3时)；林淑敏及许家杰 (下午4时至5时)

地点：蝴蝶街市
日期：5月27日
时间：上午11时至下午7时
星级店长：欧瑞伟及李伟健 (下午2时至3时)