1

酒店自助餐 首度现场即製刺身丼 必食!!

食 酒店自助餐 最紧要係食物新鲜，喺呢到嘅刺身全部空运之余，最无敌嘅就係大厨现场即席为我製刺身丼，肥美带子、油甘鱼、鲜甜甜虾、北寄贝，简直好食到食唔停口。仲有即场火炙三文鱼寿司、海胆虾寿司，配上独家秘製酱汁，我Dining娜未食完已忍唔住大叫：好~好~食呀！

刺身丼的米饭饱满又保持湿润，与刺身结合成日系美食。

?

健师傅最后为刺身丼洒上菊花，令刺身丼外貌再加分，真係色香味俱全。 你睇带子、三文鱼、油甘鱼、甜虾、北寄贝、八爪鱼全部肥美到想一啖食晒佢哋落肚~ Oishii！

?

刺身丼只限午市供应，不过晚市一样有现场即製手捲，刺身手捲同样鲜甜，不过我Dining娜就深深被软壳蟹手卷俘虏住，香口鬆脆又惹味，好好食。

?

深受欢迎的冰上海鲜、即开生蚝、长蟹脚、龙虾仔、青口继续源源不绝任我哋食到够为止。

日本名物~好食到停唔到口

除了即製寿司，我Dining娜一样锺情日本地道小食，我发梦都无谂过，我竟然可以坐喺旺角酒店自助餐入面，又可以试到香喷喷嘅铁板烧和牛粒、充满关西风味嘅海鲜大阪烧、道顿堀情怀嘅章鱼小丸子及鸡肉串烧！全晚最令我Dining娜念念不忘嘅，一定係日式麵豉焗半壳带子，齿颊留香之余，絶对感受到带子同条脷谈咗一场浪漫恋爱一样。

本来只係日本普通街头小食嘅御好烧，大厨竟然烧出比日本更和味呀！ 章鱼小丸子非常香口，外层酥脆，内层热辣辣之余又有爆酱口感，手势一流。 大量高档日式串烧任拣任食，我Dining娜推介大家必食牛舌、三文鱼，一口入魂。 铁板烧和牛粒香喷喷，肉质又腍又够多汁，我Dining娜都Encore咗3次，辛苦晒师傅不停为我烧完又烧。

日式麵豉焗半壳带子，鲜味肉厚，带子肉够晒弹牙！

我要食十碟~现场即造梳乎厘班戟

我Dining娜真係估都估唔到，食自助餐竟然有今期人气大热嘅梳乎厘班戟，仲要係现场即柯打。唔好以为即整就要等好耐呀，等大概5分钟就食得！仲有靓仔大厨亲手製畀我食??！

靓仔大厨仲为梳乎厘班戟加上雪糕、蜜糖等配料。 梳乎厘班戟空气感十足，震腾腾?！ 日本最流行甜品，樱花士多啤梨卷蛋，实在太，我一口气食咗3件去。 呃Like一流嘅蜜瓜蛋糕，入面充满清凉开胃慕丝，浓浓嘅蜜瓜味，絶对惊喜。 Dining 娜觉得 The Place 地方够阔落，而且今次布置充满和风味道，一大班人gathering真係似全部朋友齐齐飞咗去日本一样。 餐厅门口有一个和风浴衣打卡区，原来只要係背景前影返一张最有趣嘅相，放上IG，加标籤 #CordisHK #ThePlaceHK，就有机会赢到二人自助晚餐餐券一张！

THE PLACE

地址：旺角上海街555号 (显示地图)
电话：3552 3028

夏 ·日和风自助餐

供应日期：即日至7月31日
自助午餐
供应时间：每日下午12时至2时30分
价钱：
星期一至五：: 港币$338; 小童及长者: 港币$268
星期六、日及公众假期：: 港币$408; 小童及长者: 港币$308

自助晚餐
供应时间：每日下午6时30分至9时45分
价钱：
星期日至四及公众假期：: 港币$618; 小童及长者: 港币$438
星期五、六及公众假期前夕：: 港币$658; 小童及长者: 港币$478