1

日本女生票选世界遗产级靓仔球星

11｜基奥特（Olivier Giroud）

出生日期：1986年9月30日(31歳)
身高：192 cm
国籍：法国
位置：前锋
法国型男基奥特拥有俊俏的样貌、模特儿般的身材，令佢一直都係广告商的宠儿。虽然基奥特被香港球迷戏称为银河第一(唱出嚟就会明白)，但佢从英超球队阿仙奴转会到车路士持续交出好表现，试问呢个又好波，又靓仔的球星，女士们又点可以错过呢？

10｜马高莱斯（Marco Reus）

出生日期：1989年5月31日(29歳)
身高：180 cm
国籍：德国
位置：翼锋

有唔少女网民都认为德国队根本係一支模特儿军团，而莱斯更是模特儿军团中的表表者！司职翼锋的莱斯BB除了靓仔外，亦是脚法、射术、速度兼备，可惜多年来经常受伤患困扰，曾经因伤退出2014年世界盃及2016年欧洲国家盃。未知莱斯今年能否协助德国夺取佳绩？

9｜尼马（Neymar Jr.）

出生日期：1992年2月5日(26歳)
身高：175 cm
国籍：巴西
位置：翼锋

贵为足球王国巴西现时的当家球星，相信小编唔需要多介绍边位係尼马，呢位巴西翼锋脚下功夫出众、花巧悦目，外表充满阳息，不过小编就觉得佢总係有种MK味道，依家仲整咗个被网民评为意粉头的髮型 不过各花入各眼啦！

8｜基沙文（Antoine Griezmann）

出生日期：1991年3月21日(27歳)
身高：174 cm
国籍：法国
位置：前锋

27岁的基沙文有齐典型法国子的特徵，棕髮、粗眉、蓝眼睛，无论係以前一头长髮定依家剪咗个平头装，都一样咁型仔！呢位法国当家球星在前线有极强威力，近年不断有多家豪门向其招手，但佢最终都係选择留效马德里体育会，靓仔又忠心！

7｜武藤嘉纪

出生日期：1992年7月15日(25歳)
身高：178 cm
国籍：日本
位置：前锋

日本杂誌选举，好自然就有日本球星上榜啦！25岁前锋武藤嘉纪有着浓眉大眼，眉宇间带着自信，阳光笑容非常吸引，喺亚洲地区有超多女粉丝！不过女球迷们唔好意思啦，人哋已经有个靓靓老婆！

6｜大岛僚太

出生日期：1993年1月23日(25歳)
身高：168 cm
国籍：日本
位置：中场

效力日本球队川崎前锋的大岛僚太，虽然喺今届世界盃并非必然正选，不过畀人感觉係个阳光大男孩，笑起来非常有亲切感。感觉贴地啲，唔似其他男神咁遥远，所以日本妹子特别喜欢？

5｜温拿臣（Rúnar Alex Rúnarsson）

出生日期：1995年2月18日(23歳)
身高：186 cm
国籍：冰岛
位置：门将

今届世界盃中，冰岛可谓一路奇兵，呢个人口只有33万的北欧小国首次参加世界盃就有出色表现，早前以一比一逼和劲旅阿根廷，夺得历史上第一分和第一个入球。除了第一场扑出美斯十二码的导演荷杜臣外，后备门将温拿臣原来都拥有超高颜值，好一个金髮美少年！

4｜柴崎岳

出生日期：1992年5月28日(26歳)
身高：175 cm
国籍：日本
位置：中场

去到第四位，日本妹子似乎都好支持自己人，26岁中场柴崎岳名列前茅，想必有其过人之处。不过比起其他球星，柴崎岳的外貌似乎就相对普通一点？反而柴崎岳嗰位靓靓未婚妻值得一提，佢同神剧《逃跑虽可耻但有用》女星真野惠里菜将于今年内注册结婚，爱情事业两得意！

3｜占士洛迪古斯（James Rodriguez）

出生日期：1991年7月12日(26歳)
身高：180 cm
国籍：哥伦比亚
位置：中场

基本上，任何咩靓仔球星榜都一定会有占士洛迪古斯的份，典型的南美洲阳光男孩，灿烂笑容与迷人眼神，令佢俘虏唔少女球迷；不过技术上乘的占士同样能俘虏男球迷的心，未知佢今届能否带领球队闯进十六强？

2｜C朗拿度（Cristiano Ronaldo）

出生日期：1985年2月5日(33歳)
身高：185 cm
国籍：葡萄牙
位置：翼锋

葡萄牙翼锋C朗拿度，C朗呀嘛！当今世上最知名球星之一。当年士砵亭爱卖弄脚法的花巧小子，如今已经係球会及国家队的灵魂人物，年届33岁的C朗仍然保持极佳状态，早前面对西班牙时几乎以一人之力逼和对手，个人连入三球！生得靓仔又好波，仲要人品好热心公益，简直係legend！

1｜保罗戴巴拿（Paulo Dybala）

出生日期：1993年11月15日(23歳)
身高：177 cm
国籍：阿根廷
位置：前锋

C朗都只屈居第二，因为第一名係来自阿根廷的保罗戴巴拿！年仅23岁的戴巴拿算係阿根廷近年少有的帅哥球员，五官标致，身形弗到漏，而且集技术、速度及创造力于一身，庆祝入球的招牌掩面姿势Dybask更令人津津乐道。可惜佢在国家队同老大哥美斯撞位，屈居后备居多，阿根廷现时出线危危乎，球迷都唔知仲有冇机会见到佢