尖沙咀必食 吸睛中菜 未食先打卡

如果大班朋友食饭，3楼嘅煌府就最好坐，一张大圆枱，够晒热闹。佢哋唔止摆酒出名，其实晚饭小菜都好多选择。好似早几日食过嘅金沙鹹蛋虾，好够镬气，又唔似平时食惯果啲肥淋淋喎！鹹蛋黄炸到脆卜卜，成班争住嚟捞饭呀﹗仲有个冰镇咕噜肉，外层係脆皮?！冰冰冻，外冷内热，甜甜酸酸，好好味！

煌府装修富丽堂皇，原来不止做酒席，晚饭小菜水準也很好。

大肉蟹炆鸡 $238(a)

蟹和鸡味道原来非常夹，一个字，够鲜，就连上面的乾葱也好好味！

金沙咸蛋虾 $168(a)

比坊间食到嘅乾身得多，唔会食到一口油，鹹蛋黄酥香脆口，虾肉又爽弹。

冰镇咕噜肉 $168(a)

入口冻冰冰，酸酸甜甜，外皮以拔丝嘅方式製，好脆口，夏天食，正！

摩登中菜 创意爆灯

想食得再特别啲，我介绍去隔离唐宫小聚，佢哋由前菜到甜品都创意爆灯，前排食过一个甜点叫枣蓉合桃，成粒合桃咁，好可爱！全枱女仔忍唔住逐个打卡，香脆酥皮下包住枣蓉同合桃碎，味道清新，又唔觉腻。呢个天气，每次去我都必点话梅石榴，用话梅番茄嘅做法，不过石榴食起上嚟更爽脆，清新开胃。仲有只白玉王鸽都係必点，即炸热辣辣，戴上手套就食，好juicy，一人一只，最开心！

唐宫小聚係新派中菜，由装修到食物都飞甩老土，最啱年青人饭聚。

枣蓉合桃 $39(b)

从未见过造型如此别緻嘅中式甜点，外层是酥皮，内馅有枣蓉同合桃碎，甜而不腻。

白玉王鸽(前) $29、话梅石榴(后) $49 (b)

每人先来一只即炸鸽，皮香肉嫩；再加个酸爽香脆的话梅石榴，好开胃。

白玉王鸽(前) $29、话梅石榴(后) $49 (b)

每人先来一只即炸鸽，皮香肉嫩；再加个酸爽香脆的话梅石榴，好开胃。

姊妹淘 舒服好坐美国菜

唔係次次食饭都约齐人，有时几个姊妹行完街，想搵个地方坐得舒服，我就会去Ruby Tuesday，大大杯鲜莓特饮，足足28安士，再加个凯撒沙律。慢慢坐，再拎啲战利品出嚟睇下拼下，储够energy，落楼下继续血拼。

座位宽敝嘅Ruby Tuesday，坐得舒服，最适合shopping完歇歇，休息一吓。

嚟撑脚枱，唔好忘记打个卡，记录一下开心时刻。

烧排骨鸡翼拼盘 $318 (c)

很有份量嘅拼盘，招牌烧排骨腌得入味、鸡翼香香辣辣，仲附送一份杂菜，最啱开心share。

凯萨沙律(前)$168、焕然一新(右)$146、鲜莓特饮(左) $146(c)

几个姊妹嚟，想食得清淡啲，呢个组合最好，一大杯冻饮，可以慢慢饮，慢慢倾偈。

必食流心西多

同层另一间北海道牧场餐厅都係我另一间最爱。佢嘅滑蛋超好味就人人都知，其实个流心芝士西多都吸引，一切就有芝士流出，明知好，但次次都忍唔住会点！

北海道牧场早晨全餐 $44(d)

好丰富嘅all day breakfast有：3.6牛炒蛋、烟肉、热狗肠、番茄、茄汁豆及多士，应该先食边件呢？

厚切牛餐肉3.6牛番茄汤通粉 $40(d)

番茄汤香甜浓郁，配上厚切午餐肉係唔少香港人嘅comfort food。

流心芝士西多士 $36(d)

一切就有芝士流出，好呀﹗

食平啲啲 但选择多多

至于平时拍拖，我就锺意到地库大食代，food court有17档唔同食肆：日式拉麵、四川麻辣汤、蛋包饭、韩国石锅饭、烧味、小炒、点心，到甜品刨冰……应有尽有。选择太多，两个人，每档点少少，好似我，锺意食土司工房嘅叻沙，而男朋友通常食热辣辣嘅Pepper Lunch嘅黑椒牛肉饭，铁板上，吱吱声，香喷喷。有时又会去食台式铁板烧，睇住师傅喺枱前双铲齐飞，香得过份。最近出咗个餐：有龙虾、有、有扇贝鱿鱼，食到饱一饱，都係每人二百零蚊，大满足！

两个人食得唔多，最好去food court，可以每样点些少，灵活弹性，而且价钱相宜。

大食代有17间食肆，由点心到甜主菜，甚至甜品，式式俱备，好多选择。

星洲叻沙$58(配饮品)(e)

汤底香浓，椰香扑鼻，充满南洋风情。

传统土司套餐$35(e)

胃口唔开嘅夏天，一份香甜咖央多、两只半熟蛋加杯浓郁南洋咖啡，啱啱好。

大盛黑椒牛肉饭 $55(f)

热辣辣嘅铁板上肉香四射，配上店家特製嘅黑椒汁，完全演译咗咩叫做色香味俱全。

望住师傅喺面前双铲齐飞，即煎即食，特别好味。

龙虾海鲜二人盛$538 (g)

有龙虾尾、、扇贝、鱼柳，连青菜白饭，食得饱饱，每人都係二百零蚊。

(a)煌府 (shop 307)

(b)唐宫小聚 (shop 303)

(c)Ruby Tuesday (shop 304)

(d)北海道牧场餐厅 (shop 305)

(e)土司工房 ( B01)

(f)Pepper Lunch(B01)

(g)圆铁板烧(B01)

?

新港中心

地址：尖沙咀广东道30号 (显示地图)

查询电话：2735 9208