海洋公园 歎米芝莲餐厅总厨盛夏嚐味得奖菜 ＠Dining娜
相信好多美食达人对陈国强师傅都唔会陌生，陈师傅曾任米芝莲中菜餐厅嘅总厨，擅长製粤、京、川、淮扬菜，而且创意十足，不时有心思创作，所以无论喺国内定本地嘅饮食界都获奖无数，当中包括中餐烹饪世界锦标赛2015、全港青年厨师2018等等。 由陈师傅精心设计嘅夏季嚐味菜单，特别注入多种新鲜时令食材，如海鲜、蔬果等，务求做到健康、清新嘅感觉，令人食慾大增。佢亦贯彻海洋公园对海洋保护嘅坚持，严选可持续发展嘅环保海鲜入馔。 主菜用上由澳洲龙虾配酸酸地嘅青柠製成嘅三葱香柠澳洲龙虾，以洋葱、乾葱、青葱炒香后加入由奶油同青柠汁调配嘅酱汁；微酸嘅青柠汁清新怡人，龙虾爆香后鲜味加倍提升，鲜嫩滋味。蟹肉伴荞麦凉麵就大玩日韩fusion，将日式弹牙荞麦麵配鲜甜香口嘅韩式冻鸡汤，凉浸浸感觉当堂令人降温。另外，仲有特别以精选A4鹿儿岛和牛製嘅鸡?菌酱爆鹿儿岛和牛粒，配上来自云南嘅野生鸡?菌，健康有营，跟日本鹿儿岛A4和牛粒同炒，肉嫩juicy！ ? 而其中龙带玉梨香就由鲜嫩带子配爽弹虾胶及清香啤梨製，带子以低温56度水温慢煮8分钟，嫩滑口感充分保存，上面放上虾胶，底层配香甜啤梨片，海鲜同水果嘅两种鲜甜味道极夹！呢道菜仲係中餐烹饪世界锦标赛2015中嘅得奖菜式??，必食推介！ 套餐压轴登场嘅有雪胶仙翁米薏仁露，选用类似雪耳嘅雪胶，爽口清甜；仙翁米（又名葛仙米）被誉为绿色燕窝，将两种有营食材加入鲜奶、忌廉，后冻食，清凉怡神。呢款甜品滋润肺、养颜美白，又可以解燥，今个月闺密生日饭局就等我同姊妹们嚟呢度慢慢歎啦！ 夏季嚐味菜单六道菜及八道菜晚市套餐，分别每位$538及$728，喺海洋公园海龙王餐厅，犹如置身海底之中，食到咁丰富嘅星级套餐同得奖菜，性价比係咪高先！想食得尽兴，自备靓酒，仲免开瓶费添！预订晚餐仲可以喺黄昏6:30后免费泊车，先到先得，额满即止！夏季嚐味菜单期间限定到10月底，想食就要趁早book喇！ 单点美馔特别要推介掌上明珠（彩椒酱皇西班牙豚肉），呢款係海龙王餐厅厨师喺全港青年厨师2018-中菜组勇夺最佳创意奖嘅菜式，人气鹹蛋黄锅巴装住嘅係以港式香辣爆炒酱炒香嘅豚肉粒，香口惹味之余，fusion玩味亦好浓厚！另外，经典上海名菜蜜汁火方脆千层就由金华火腿先用蒸数分钟减淡鹹味，方脆千层就用咗腐皮将油同蛋白逐层扫上，再用温火以油淋鸡嘅方法炸至金黄鬆脆，一咬口感又脆又香，好有惊喜，一定要试！ 订座电话：3923 2323（10am – 6pm）
米芝莲星级大厨设计
陈国强师傅过去多次勇夺中菜殊荣，又曾任米芝莲中菜餐厅嘅总厨，由佢设计嘅夏日佳餚，一定有信心保证。
性价比高！ 海洋公园 6及8道菜晚市嚐味菜单
三葱香柠澳洲龙虾（夏季嚐味菜单六及八道菜套餐）
蟹肉伴荞麦凉麵（夏季嚐味菜单六及八道菜套餐）
鸡?菌酱爆鹿儿岛和牛粒（夏季嚐味菜单六及八道菜套餐）
龙带玉梨香（夏季嚐味菜单六道菜套餐）
雪胶仙翁米薏仁露（夏季嚐味菜单六及八道菜套餐）
不可错过的得奖菜
蜜汁火方脆千层（单点菜式）
置身于海龙王餐厅用餐，好似喺深海中同鲨鱼、七彩缤纷嘅鱼一齐食大餐，打卡一流！
海洋公园 海龙王餐厅
最低消费：HK$300/位；小童 (3-11岁) HK$150/位
网址
本页关于 海洋公园 歎米芝莲餐厅总厨盛夏嚐味得奖菜 ＠Dining娜内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。