1

秋风起，唔好浪费好天气，一于跟我Miss Sunny出外走走，去大屿山同昂坪玩番转！呢个香港人后花园真係好多嘢玩，无论同闺密搭缆车影靓相，还是一家大细去大澳渔村玩一转，又或者行山露营做个山系旅人都得！动又得，静又得，包你可以过一个充实嘅周末！记得睇到最尾，有购票优惠攻略?！

大屿山动感体验攻略

踏入初秋，最适合亲亲大自然！大屿山有多条行山路线，无论係大东山、凤凰径等中高难度路线，定係轻鬆易行嘅昂坪栈道都有。

一家大细亦可以去昂坪市集投入武侠小说嘅世界！由即日至10月28日，每日有3场免费武术表演。唔单止可以近距离睇到少林同峨嵋两大门派嘅绝技，仲可以跟师傅学习劲力逼人嘅少林黑虎拳或峨嵋逍遥扇，有得睇又有得学！另外，亦可以去360舞台同360VR体验馆，喺经典电影拍摄现场同充满香港特色嘅布置下影相留念！

行到攰，想坐定定食餐好，昂坪市集唔止云集各路英雄，仲云集多达12间国际美食。当中不乏中式茶馆、老字号酒楼同经典地道小食，配合古式装潢，坐喺店中就好似喺武林小说嘅客栈入面，享受美食，笑看！

热爱户外体验的话，仲可以喺YHA昂坪戴维斯青年旅舍，乜都唔使带就可以露营观星。第二日更可以出发去有东方威尼斯之称嘅大澳感受渔村文化，食吓地道小食做早餐，又或者去长沙玩印第安独木舟??！

大东山每年10月尾、11月头都係芒草盛放嘅季节，金黄一片令人好感动！

武林高手喺眼前大耍少林流星锤、峨嵋逍遥扇同长穗剑等兵器，惊险刺激！ 只要事先登记，仲可以得到高人指点，学习少林黑虎拳或峨嵋逍遥扇等武林绝技??！

360盟主之争 少林vs峨嵋

日期: 即日至10月28日

地点: 昂坪市集

时间: 每日12:45pm / 2:30pm / 4:00pm (每节约15分钟)

现代英雄除咗一身好武功，当然要有武打特技帮助！另一边嘅360舞台就可以令你置身经典电影白髮传奇同武林夺经嘅拍摄现场，睇到鲜为人知嘅幕后製作花絮。 而360VR体验馆充满香港特色，处处都係影相位，仲有多个虚拟实景体验及多媒体互动游戏。 想食点心同潮州美食就一定要去有50年老字号嘅百乐潮州酒楼，潮式糖醋麵、素菜太极羮都係招牌菜！ 平时露营要带好多嘢，但YHA昂坪戴维斯青年旅舍推出嘅Glamping就啱晒懒人，咩都唔使带就可以过夜。除咗观星，仲可以登上凤凰山睇日出。 游完山，係时候去玩水！不妨嚟到大澳，嚟个水乡之旅，仲可以买虾酱虾膏做手信??！ 当然唔少得食吓虾猪饼同炭烧鸡蛋仔，再同大墨鱼影吓相！ 长沙有滑浪风帆、帆船、印第安独木舟、滑浪、冲浪等好多水上活动玩，最啱爱刺激嘅朋友。

佛系玩乐

想轻轻鬆鬆亲近大自然，唔使用脚嘅，坐缆车一样可以有风景睇，一样可以影相打卡，仲唔係最好嘅佛系行程？喺水晶车厢入面，沿途可以360度远眺辽阔嘅南海，亦可以俯瞰翠绿嘅北大屿山郊野公园，有山有水，想点影就点影！

到达昂坪市集可以与佛同行，话唔定顿悟到真正嘅大智慧！之后仲可以到天坛大佛祈个福，睇吓缘份几时来！行到攰亦可以歎个中式下午茶，再出发去心经简林，喺雾霞与日落间，享受仙境！

喺水晶车厢入面一样可以亲亲大自然！ 就算唔用脚行，坐喺缆车上面，翠绿嘅北大屿山郊野公园景色一样可以一览无遗！ 成日讲佛系，你又了解几多？今次畀个机会你与佛同行，了解释迦牟尼成佛嘅一生，话唔定顿悟到真正嘅大智慧！ 天坛大佛仗高26.4公尺，以250吨青铜铸造而成，完全可以感受到大佛下自己係几渺小！ 平时 afternoon tea 歎得多，不如试吓歎杯中式茶。立农茗茶每日更有3场茶艺表演，可以一睹工艺花茶嘅魅力。 昂坪市集附近嘅心经简林位处高山，一带偶然有雾霞出现，俨如仙境！

?

买飞攻略！88折免排队方案

要到大屿山享受假期，我Miss Sunny就会选择搭昂坪缆车。唔想排队的话，提提你！而家去预早1+1来回缆车门票有88折优惠，去程搭水晶车厢往昂坪，回程搭标準车厢返东涌，一张飞有两种不同体验，仲唔使排队直达登车，悭番唔少时间?！

大屿山咁多嘢玩，去一次又点够。而家只要$550就可以买360全年通，任搭昂坪缆车，2018年10月1日至12月31日期间购买仲可享有4张半价同行优惠券(总值港币470元)，带埋朋友齐齐搭??！

昂坪360网站：www.np360.com.hk