10大精选！当造渔农产品！

1：清甜菜心

菜心够正气，不寒不燥，一家大细都啱食。冬天品种生长时间虽然较长，但糖份较多，尤其茎底爆口嘅菜心，名副其实甜到爆！

2：新鲜西洋菜

西洋菜要拣啲茎短，望落够挺身，深绿色而且菜叶浓密嘅就very good啦！

3：鹤薮白菜

粉岭旧时有只鹤薮白菜，已经喺香港失传咗好耐，好彩经过本地菜农同渔护署嘅努力，终于再次纯化同培植成功！

4：新鲜甘笋

新鲜甘笋口感爽脆，啱晒做前菜沙律，仲含丰富胡萝蔔素，食得多对眼都精灵啲！

5：爽甜车厘茄

车厘茄低卡又抗氧化，女神们摆定喺公司，口痕当小食一流！

6：本地新鲜蚝产品

比起夏天，踏入冬季嘅蚝产品更加肥美，肉质非常饱满而且带有光泽，用姜葱嚟煮最啱餐！

过年、开年呢啲日子点可以冇金蚝，每只都大大只、胀卜卜，买定啲过年用就最啱啦！

7：肥美乌头

啱啱捉嘅新鲜乌头，眼睛烔炯有神，够晒精灵，鱼嘴同鱼鳃都係鲜红色，简单用鹹柠檬蒸已经好好食。

8：肉多骨少宝石鱼

原产于澳洲昆士兰，肉多骨少，小朋友同懒人嘅恩物！仲含多元不饱和脂肪酸，有益又好味！

9：生猛沙巴龙趸

沙巴龙趸嘅肉质嫩滑，无论清蒸、红烧或炒球都得，煮法选择都好多。

10：鲜甜带甘黄鱲?

新鲜黄鱲?，识食一定係做封煎，慢慢煎锁住啲肉汁，外层香脆，鱼肉就软滑。

扫货时间！Mark实本地渔农美食嘉年华

讲咁耐，要有正菜食，始终都要有新鲜来货嘅！本地渔农美食嘉年华筹委会、蔬菜统营处仲有鱼类统营处举办咗个集合美食、优质渔农产品嘅嘉年华会。除咗有以上食材，仲会有本地新鲜蔬果、鲜花、厨具、家品等等，记得mark低以下日期拖埋妈妈一齐去啦！

2019 FARMFEST本地渔农美食嘉年华

Facebook：本地渔农美食嘉年华
日期:2019 年 1 月 4至 6 日
地点:旺角花墟公园
免费入场