1

唔知大家有无留意最近新假期有篇想出去玩得开心又放心 计划离港外游前5个必读旅游业赔偿基金注意事项！呢？相信大家读完篇post后，都会对赔偿基金有咗一定嘅认识。今次我哋就同大家进一步了解赔偿基金嘅重要一环——徵费印花，解答5大徵费印花常见问题！

1. 徵费印花係咩嚟？有咩作用？

为咗令外游旅客可以得到赔偿基金嘅保障，《 旅行代理商条例 》（第 218 章）要求持牌旅行社需要就每笔已向外游旅客收取咗嘅外游费， 向香港旅游业议会缴付相等于外游费全数0.15% 嘅印花徵费。喺持牌旅行社缴付印花徵费后，旅行社所发出嘅收据正本上就会见到印咗一个清晰显示徵收金额同日期嘅印花。例如：如果你畀咗旅行社HK$10,000购买香港至东京机票连当地酒店住宿套票，张收据正本上嘅印花就应该显示已缴交HK$15 嘅印花徵费。如果大家畀咗外游费后发现收据上无徵费印花、印花模糊不清或者印花徵费额不足(少过已付外游费全数嘅0.15%)，记得提你哋帮衬嘅旅行社纠正番呀。

目前嚟讲，大部分持牌旅行社都係用紧传统印花机盖印。不过喺社会迈向电子化嘅大趋势下，印花徵费系统亦都跟随呢个大趋势，逐步迈向电子化。由2018年3月1日开始，旅游业赔偿基金管理委员会已引进电子印花徵费系统，作为印花盖印机以外嘅另一种发出印花方法。截至2018年12月底，已经有超过100间持牌旅行社使用电子印花徵费系统。喺现阶段，电子印花徵费系统并未完全取代印花盖印机，由电子印花徵费系统发出嘅电子印花同传统印花机发出嘅印花拥有相同嘅法律效力！大家可以留意下列印花嘅式样 。

由传统印花机发出嘅徵费印花嘅式样：

由电子印花徵费系统发出嘅徵费印花嘅式样：

2. 购买甚幺外游服务先会喺正本收据上盖上徵费印花？

根据《旅行代理商条例》，旅客向持牌旅行社购买下列全部或任何2项旅游服务后，便属于外游旅客：

由香港出发去内地或海外嘅交通； 喺香港境外任何地方嘅住宿； 由持牌旅行社安排喺香港境外任何地方嘅活动。

持牌旅行社需要向外游旅客发出盖上徵费印花嘅收据正本。

根据以上嘅定义，旅客如果向持牌旅行社购买以下4类之中任何一类嘅旅游服务，相关收据就唔会盖上徵费印花：

喺香港境外地方集合并解散的一天团； 单独购买机票、船票、巴士票； 单独购买酒店住宿; 购买冇明确指定可以兑换上段所提及任何两种或以上旅游服务嘅旅游现金券或优惠券。

3. 拥有已盖上徵费印花正本收据嘅外游旅客，可以获得赔偿基金甚幺保障？

如拥有已盖上徵费印花嘅正本收据，外游旅客可以获得赔偿基金两类嘅保障：

损失外游费嘅保障：呢个情况一般发生喺持牌旅行社倒闭嘅情况下。如果外游旅客购买外游服务后持牌旅行社倒闭，赔偿基金可以为受影响旅客提供所损失外游费90% 嘅特惠赔偿。 喺外游活动中遇上意外伤亡嘅保障：如果万一唔好彩，外游旅客喺持牌旅行社提供或举办嘅外游活动中意外伤亡，係可以得到总数高达 HK$300,000 嘅特惠赔偿以报销当地医疗、殓葬/遗体（包括骨灰）运返香港以及亲属因旅客伤亡而往访当地所招致嘅实际开支。

4. 宜家唔少外游旅客都会选择透过网上旅行社购买外游服务，呢班外游旅客会唔会受到赔偿基金嘅保障？

只要旅客买咗多过一项外游服务（即係第（二）题所讲嘅三项服务中嘅两项或以上）， 无论喺持牌旅行社嘅实体店或者网站购买，都会受到赔偿基金嘅保障。

但係大家如果透过网上旅行社购买外游服务，记住要留意该网上旅行社係唔係持牌旅行社。 另一方面，如果喺网上购买旅游服务，亦应该喺付款后儘快向旅行社索取印花收据。

5. 既然外游旅客已受到赔偿基金嘅保障，是否仍需购买旅游保险？

虽然赔偿基金能够为外游旅客提供一定嘅保障（即係第（三）题所讲嘅两类保障），但始终保障嘅项目同金额有限，建议外游旅客出发前亦要记得买番份适合自己嘅旅游保险，双重保障自己嘅旅程！

想知更多关于旅游业赔偿基金嘅详情，可以浏览https://www.ticf.org.hk。

而有关于徵费印花的问题，可以联络香港旅游业议会，电话：2969 8188。