【便利店饿底】想食鲜竹卷？依家任何时候都歎到 @7-11 点心
不过香港人咁繁忙，饮餐茶都赶头赶命咁，想舒舒服服叹个点心？咁不妨试吓7-Eleven嘅自家品牌7-SIGNATURE新推出嘅鲜竹卷，事关佢係百份百人手製造，味道同卖相一啲都唔差，而且最紧要係够晒方便！只须用家用微波炉叮40秒就食得，如果用7-Eleven专用嘅微波炉，只需按2，叮20秒就食得啦，无论係屋企定夜晚饿饿地去便利店都一样好快手就可以食到！ 打开包装，一盒有三条鲜竹卷，鲜竹卷用密封袋牢牢包好，够晒安全卫生，唔怕一打开啲汁就飞到周围都係，咁简单嘅细节，已经睇得出用过心思。 鲜竹卷叮完之后，卖相都几有惊喜，因为佢唔似其他叮叮食物一样，叮完出嚟之后又燶又乾噌噌，而且仲见到少少蚝油汁keep住喺豆腐皮到，放喺只碟到，唔讲仲以为係酒楼出品嘅鲜竹卷，几可乱真。 味道方面亦一啲都唔输蚀。叮叮鲜竹卷不但有丰富嘅猪肉同蔬菜嘅馅料，外层嘅腐皮都一样足料，粗略估计都有10层，咬落都感受到层次十足，而且馅料都非常入味，口感爽脆弹牙，裏面有猪肉、红萝蔔、木耳等等多种配料，真係估唔到便利店叮叮点心都可以做得咁精緻！ 售点：全线7-Eleven 售价：$16 根据非正式统计，烧卖绝对係香港人最锺意食嘅点心之一！虽然烧卖都分好多种，除咗地道嘅猪肉烧卖，仲有草根啲鱼肉烧卖，而今次我哋就试吓最方便快捷嘅叮叮虾肉烧卖，贪佢肉爽又够鲜味。所以我哋就去便利店买咗三款常见叮叮虾肉烧卖，由份量、卖相、味道、口感逐一评分，睇吓边一款最好？ 先嚟睇吓呢一款经常喺便利店都见到嘅烧卖A，一包有10粒，的确係三者之中份量最多，平均价钱都係最平，不过外型就相当细粒，而且卖相都好求其，烧卖皮随意咁包住啲馅料，睇落似鱼肉烧卖多啲，提唔起食慾。 呢款烧卖B，一打开就有6粒，比平时酒楼食嗰啲一盅四件，份量多少少，而最重要就係，烧卖喺香港製造。睇返成份，材料都相当丰富，叮完闻到有虾肉香味，唔知味道会唔会令人有所惊喜呢？ 而呢款烧卖C，份量係三者之中最少，得4粒咁多，而且平均价钱都係最贵。至于卖相都好正常，油味略重，肉眼观察馅料睇落都算多嘅，唔知叮完出嚟会係点架呢？ ? 烧卖A叮完出嚟好结实，而且外皮好易变乾，口感似食紧小石仔，无咩咬口，味道都只属一般。 试吓烧卖B，只须用800W家用微波炉叮50秒就可以食得，十分之快手！叮完出嚟嘅烧卖层次分明，又唔会太乾，睇落都几精緻，加埋红萝蔔碎碎特别赏心悦目。而且裏面嘅馅料虽然由四种肉混合成成，不过虾味就相当突出，完全点出返虾肉烧卖嘅精髓。而且入口烟韧，好有咬口。 而烧卖C叮完出嚟之后係无之前嗰款咁硬，不过睇落好油，如果以虾肉烧卖而论，就有啲唔到题啦，事关食落去似食猪肉烧卖多过虾肉烧卖咁，一啲虾味都无，质地都有啲嚡。 所以今次便利店叮叮虾肉烧併，绝对係烧卖B —— 7-SIGNATURE 嘅虾肉烧卖获胜！ 销售点：全线7-Eleven 售价：虾肉烧卖 $12/6粒 上次记者就试完7-Eleven自家品牌7-SIGNATURE嘅翠玉饺，相当有惊喜，所以今次就试埋其他新推出嘅叉烧肠粉、鸡丝粉卷同潮州粉果，一齐睇吓味道究竟係点？ 首先试咗潮州粉果先，呢款潮州粉果如果用7-Eleven专用嘅微波炉，只需按3+1，叮40秒；而用800W家用微波炉嘅话，叮50秒就食得，1分钟都唔使，够晒方便。 拆开包装袋，一盒有三只粉果，份量同出面食嘅都差唔多。而且由于粉果皮好容易黏埋一旧，所以7-SIGNATURE好细心咁用胶兜将佢哋逐只隔开，咁样嘅话就算叮完之后，都唔会黐埋一齐、好难夹开。 登凳！叮完出嚟之后，发觉个粉果皮比起食开嘅叮叮系列，出奇地坚挺，冇出现倒塌、软冧冧嘅情况，效果相当理想。 靓嘅潮州粉果重点就在于外皮要够薄够烟韧，馅料当然要够丰富，花生和沙葛就绝对唔少得！切开粉果裏面一睇，呢款叮叮粉果都符合呢两大要求，食落去粉皮好薄好烟韧，加上沙葛、韭菜等，口感爽脆，味道都唔错，完全唔会因为係叮叮点心而有所逊色！ 跟住就到鸡丝粉卷，鸡丝粉卷用7-Eleven专用嘅微波炉，按3+3，叮1分钟，而用800W家用微波炉嘅话，叮1分40秒就食得啦，相比其他点心都係等多十几秒，但点讲都好，绝对叫简单快捷。 打开包装袋，都係一盒三条，份量都算几足。外皮白雪雪，望落好薄，而裏面嘅馅料都见到胀卜卜，卖相睇落唔错。 食鸡丝粉卷当然要配豉油啦！鸡丝粉卷叮完出嚟之后，外皮虽然变得比未叮之前薄，但就唔会又穿又烂。食落去外皮仲好嫩滑，值得一讚。 切开粉卷，可以见到馅料好丰富，有鸡丝、木耳、磨菇等等材料，而且皮薄滑溜，用筷子一夹，都唔会话啲料散到一地都係。入口有香滑嘅鸡肉，配口感爽脆嘅木耳丝，啖啖都好满足，绝对係诚意之作！ 最后食埋试埋新出嘅叉烧肠粉，佢嘅外形比起潮州粉果同鸡丝粉卷都大份一啲，用7-Eleven专用嘅微波炉，按2+3，叮50秒，800W家用微波炉就用1分20秒就搞掂，用嚟做早餐就最好不过，份量啱啱好，食完唔太饱又唔会咁快饿，应该可以挨到去lunch。 打开入面，一盒都有两条，睇落馅料遍布嘅範围都好平均，以咁嘅价钱嚟讲，性价比高！ 叉烧肠粉叮完出嚟之后，肠粉皮望落去滑溜晶莹，卖相出色。靓嘅叉烧肠粉有两大原则：首先皮唔可以穿，要有弹力，二就係叉烧唔可以硬实实，痴埋一旧。单睇外皮嚟讲，呢款叉烧肠粉已经符合第一个要求。 至于叉烧馅料方面，都好细心切到指甲咁嘅大细，啖啖都係肉。用筷子轻轻夹开，都唔见叉烧好硬实实，配埋豉油蘸住嚟食，宁捨特别香口入味！ 总括嚟讲，呢三款叮叮点心，出嚟效果都好出色， 值得一讚係馅料切得细细，就算畀小朋友、老人家食都唔怕佢哋难咬。叮分几钟就食得，无论係便利店，定係屋企，想几时食就食得，简简单单就已经好滋味！ 销售点：全线7-Eleven 售价： 7-Eleven嘅自家品牌7-SIGNATURE最近就新推出点心系列，分别有翠玉饺、叉烧肠粉、粉果、鸡丝粉卷等等多款选择，只要剪开包装一角，再放入微波炉叮一叮就食得，既然係新产品，记者当然要首先即刻开箱试食新出嘅翠玉饺，睇吓佢有几得先？ 打开内包装袋，一盒内有三只翠玉饺，份量同平时酒楼见到嘅一盅三只差唔多，不过等嘅时间就肯定短过喺酒楼食嘅好多，因为只要用7-Eleven嘅微波炉叮40秒就食得，够晒方便快捷。如果想买返屋企或者公司，只要用800W的微波炉叮1分20秒就可以食得，做法咁简单，用嚟当早餐或者宵夜都一流！ 每只翠玉饺外形都相当靓仔，唔会话因爲急冻嘢就扁晒，或者硬到石头咁。叮完出嚟嘅翠玉饺，都唔见有缩水嘅状况，而且外皮嘅皱摺都好分明，唔会变咗一嚿麵糰咁，以急冻嘢食嚟讲，都算係高质！ 翠玉饺馅料分别有猪肉、清水笋丝、红萝蔔、菇片等，一粒里面塞到胀卜卜，材料都相当丰富！以$16呢个价钱睇，都叫交到功课，诚意十足。 试食完之后，呢款翠玉饺嘅优点係好快就食得，而且入口keep住热辣辣，最啱赶时间又想饱肚嘅打工一族！而最值得一讚嘅係，翠玉饺个外皮做得好薄之余，叮完之后又唔会乾争争。翠玉饺咬落去都好爽口，唔会食到软腍腍一堆粉咁。猪肉馅料加上胡椒粉同芝麻油，够香之余，又少少辣辣地调味，相当过瘾。 销售点：全线7-Eleven
便利店烧卖拼 自家制虾肉烧卖有惊喜
Round 1 : 外观比拼
Round 2: 味道比拼
叉烧肠粉、鸡丝粉卷、潮州粉果新嚟报到 7-Eleven自家品牌点心逐个试
a9358-1_20858410715c540c2b332fe-800x800.jpg" />
a9367-1_20246780235c540c8682d11-800x800.jpg" />
潮州粉果 $12
鸡丝粉卷 $16
叉烧肠粉 $16想食点心几时都得 7-Eleven翠玉饺率先开箱试食
翠玉饺售价：$16
本页关于 【便利店饿底】想食鲜竹卷？依家任何时候都歎到 @7-11 点心内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。