【编髮教学】日本髮型师教路 4款简易日系编髮
蓬鬆嘅丸子头畀人一种有精神嘅感觉，想编一个特别髮型时，丸子头係个非常唔错嘅选择！将后颈位置嘅髮线抽出，营造蓬鬆感係一大重点！另外，将丸子头稍为拉鬆，就能够增添休闲感。 就咁单一条麻花辫冇咩特别？稍微加多2个步骤，就可以编成一条超华丽嘅麻花辫！衬one-piece简直一流！ 然后係推荐畀长头髮嘅人嘅Down Style髮型。望落好似好难、好複杂咁，但其实只需简单方法同少少心思就扎到！Down Style嘅髮型更是适合经常戴帽嘅人，长头髮嘅你要学定喇！ 即使係短头髮，花点心思都能够编出各种可爱髮型?！喺女子会、约会等想增强女性魅力嘅场合下，非常推荐呢种Half-up编髮！1｜蓬鬆丸子头
编髮方法
保留左右两侧髮束，将其他头髮绑成一条马尾。
将(1)嘅马尾分成2等分，再分别以编绳子(参考文末影片)嘅方法编成2条辫。
将2条绳子辫捲于髮根，绑成丸子头。
将右侧嘅髮束边扭成条，边捲到丸子上。
左侧嘅髮束以同样方法捲到丸子上。
将从后颈抽出嘅髮丝，用曲髮棒捲曲便完成！
2｜麻花辫
编髮方法
于近头顶位置稍稍编成麻花辫。
将左右两侧嘅头髮拉到后脑并束成一条辫。
将(2)向内翻捲。
将(1)同(2)嘅髮束结合，并编成麻花辫。
将其余嘅头髮分成2等分，编成2条麻花辫。
将3条麻花辫编成一条麻花辫便完成。
##embed-label-2##
3｜Down Style
编髮方法
头顶束成一条马尾。
将右侧嘅头髮边扭成条，边捲到(1)嘅髮圈位置，然后用髮夹固定。
左侧头髮同样捲好后，用髮夹固定。
剩余嘅头髮都同样地边扭起边绑到髮束上。
将放落嚟嘅头髮以编绳子(参考文末影片)嘅方法扎起。
将头髮拉鬆，再用曲髮棒将髮尾同鬆落嘅碎髮捲起便完成。
4｜Bob Half-up
编髮方法
喺头顶束一条马尾。
喺马尾稍下嘅位置，攞少少头髮出嚟，再束成一条马尾。
将(2)向内翻捲。
将两侧嘅头髮拉到后脑，再绑成一条辫。
将(4)都向内翻捲。
攞少少髮束出嚟，将髮圈捲住，然后用髮夹固定，最后用捲髮棒将散落嘅头髮，同髮尾捲起便完成！
编绳子（Lops Braid）方法
本页关于 【编髮教学】日本髮型师教路 4款简易日系编髮内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。