1

工地附近晒衫　晒完仲污糟咗？

而其实都有唔少网民民指出附近有工程进行紧，距离晒衫山坡只有约50米距离。工程扬起嘅尘土随时将洗完嘅衫变返污糟。不过似乎班街坊都少理，只要件衫乾到就得。

为咗晒衫爬上山坡 居民都表示其实如果太阳晒唔到个单位，香港天气又潮湿，结果就係成屋都焗到好潮湿，仲可能搞到发霉，件衫又乾唔到。而屋邨配套又唔足够，咁大个屋邨只係得一两个泊车位咁大嘅地方畀人晒衫。

附近有工程进行紧 山坡铺满衣服 爬上山坡晒衫 居民不顾自己安危

欣明苑人情味浓　篮球场任晒唔嬲

有网民发现将军澳欣明苑挂满各式棉被衣服，已经被晒衫军攻佔。唔通居民为咗晒衫懒理规矩，霸佔球场？实情并唔係咁！网民指出，屋苑管理处每年喺五月左右都会篮球场畀居民任晒，原因係将军澳潮湿，好多屋邨业主立案法团5至7月搞晒被，除螨，方便居民夏天收纳。环保，德政！

将军澳欣明苑人情味浓，篮球场任晒唔嬲

唔少网民大讚屋苑措施利民：居屋一向有指定日子球场比住户晒被晒嘢的，仲有保安帮手睇住唔比外人入嚟晒被，又唔怕比人偷嘢、晒被係好过掠乾，正好多架！、咁如果个场无人用，环保晒下衫被都好嘅。

?