（Present by漫活堂）

本地有机蔬果入馔

一踏入漫活堂就见到餐厅周围贴有无味精、无鸡粉、无激素、有机、健康5大食材特色，贴心提醒忙碌嘅都市人，唔好忘记由饮食方面着手注意健康。材料方面，部份蔬菜会从自家本地农场直送到厨房，午市餐单同晚市餐单亦会按季节时令，分别每两星期同三个月更新一次，俾到大家新鲜感之余，亦食到当季食材最丰富嘅营养。餐厅角落仲设有鱼菜共生系统，等大家可以边欣赏鱼乐，边叹健康美食。

餐厅嘅海鲜同肉类都会採用外国有机或天然认证，确保品质优良同来源安全，好似有用无抗生素同激素嘅天然走地鸡及法国黄油春鸡；喺橡树林最少放养 18个月，食橡子果、香草同橄榄长大嘅西班牙伊比利Bellota橡果级（国宝级）猪肉；百分百天然壳物饲养嘅美国天然猪，同埋较软滑多汁既澳洲和牛；喺北极圈生长嘅挪威刺身级三文鱼；缅甸野生捕获优质海虾；仲有按回教律法屠宰嘅新西兰AFFCCO羊肉等！连串认证唔单止俾到大家食安信心，亦代表一众食材拥有出众嘅味道同质感！

餐厅门口设有专卖架有机健康食品。

为迎接炎夏，以下全新菜式将会喺5月11号开始推出：

“醒胃”油甘鱼薄片配青芥辣沙巴翁(晚) $108

鲜嫩嘅油甘鱼片，配以酸辣醒神嘅酱汁，清新开胃，係今夏必点前菜。

流心芝士番茄沙律配本地原居文化陈皮南枣酿(晚市) $78

番茄同水牛芝士沙律够晒轻宜醒胃，佐以香醇突出嘅本地陈皮南枣酿酱汁，变成一道特色地道香港美食。

皇帝蟹脚配咸蛋黄忌廉汁，老字号虾子麵(晚) $328/ set

呢道菜结合咗中、西、日嘅煮法！皇帝蟹脚鲜甜多肉，而香港老字号虾子麵分别以煮同炸嘅方法呈现，再洒上惹味咸蛋粒增香提鲜。

?

漫煮美国天然鸭胸配血橙汁(晚市) $258

专为夏天设计嘅新菜式，慢煮鸭肉细嫩入味，仲用咗更香、更多营养嘅血橙製成果酱汁，减去肉类嘅浓腻感。

野捕海虾夜行堡 (下午茶）$98/ set

野捕海虾爽甜多肉，以多甜微酸嘅菠萝同微辣沙律酱调味，配埋本地新鲜沙律，属份量十足嘅下午茶美食。

?

意式马铃薯糰子配黑松露酱(晚市) $158

夏日创意新菜，将马铃薯搓成可爱糰子形状，拌以香味浓郁嘅黑松露酱，味道独特出众。

(左) 牛油炒自家农场菜苗 $48。 (右)自家製菜苗饺配菇清汤 (下午餐) $68

採用自家农场种植之微菜苗，唔单止绝无添加，而且营养价值比一般蔬菜高，健康之余又食得安心。菜苗饺中的猪肉更用上本地农场黑毛猪，特别惹味多汁。

漫煮黑啤烩澳洲和牛牛面肉(晚市) $268

长期皇牌产品之一！呢款係改良版，透过低温慢煮令本身已经软滑嘅和牛，更加入口即溶，比以前保留咗更多软弹质感。底部配以薯蓉同黑啤汁，再用女士们至爱嘅Le Creuset盛载，实属值回票价之选！

保加利亚有机玫瑰花减糖雪糕 $28/球 ，$38/两球

全港独家味道，以保加利亚有机玫瑰花焗成花水，再加入北海道牛奶製成香滑细腻嘅少甜雪糕。

营养餐：减压、醒神、美肌、排毒

漫活堂最近仲与本地营养师合作，设计咗一系列低卡有营、少盐少油嘅营养餐，仲特别分为减压、醒神、美肌、排毒4款特色功效同口味。每款餐单都低过500卡路里，绝对适合离紧夏天需要Keep fit嘅一众女士们。营养餐踏入6月就会推出啦！详情可留意漫活堂嘅Facebook或网页。

营养餐：漫煮鲜三文鱼配紫薯球（>500卡路里）$138

集鹹甜酸鲜多种滋味同均衡营养于一身，更适合老友记同小朋友食用。

餐厅角落仲设有售卖架，陈列好多本地同世界各地有机及公平贸易嘅产品，等大家叹完美食觉得好味，仲可以即时买返屋企。

由缅甸NGO主理嘅天然纯蜂蜜($100)，唔单止通过国际级化验，仲可以支持帮助到当地妇女自力更生，担起社会责任。

餐厅好支持本地社企同弱势社群，特设寄卖区售卖各类NGO作品。

逢星期六上昼，餐厅仲会邀请心光盲人院暨学校到店表演。大家不妨搵个周末嚟支持下佢哋，为学员打打气。

后记：虽然有人会觉得漫活堂定价比一般西餐厅稍贵，但真心讲句一分钱一分货，要食到同样三无、有机、有认证，仲可以慢慢坐嘅高质餐厅，喺成本高企环境吓仍然生存到嘅小店绝对需要支持一下！访问当日仲发现餐厅会要求员工定期试食自己煮嘅菜式，睇得出厨师们同公司都希望带到优质食品俾大家享受， 绝对值回票价！其实好多明星都有嚟帮衬，就睇吓大家下次有无机会喺餐厅撞到平民特首啦！

漫活堂

地址：九龙太子道西214号地下(花墟内、邻近火车桥)

电话：2687 0866

网址：slowlife.hk

时间：

午餐：星期一至五12:00-15:00

下午茶：星期一至五15:00-17:30

晚餐：星期一至日18:00-22:00(21:30 last order)

星期六、日及公众假期：11:30-17:30，特设brunch set