餐厅位于大厦2楼，空间阔落坐得舒服。

即日海鲜拼盘：新优惠人人有份

而家帮衬每枱都会免费送返一个用龙虾汁煮嘅即日海鲜拼盘（份量按人数比例而定），每份约有5至6款，种类视乎当日货源而定，所有海鲜会按季节时令喺海外同本地入货，每日仲有专人去鱼档拣料，保证係即日鲜。

当日嘅龙虾汁海鲜盛宴（4人份）就有、青口、虾、鱿鱼、蚬、花螺同北寄贝，汁香味鲜！

当日啲海鲜未煮熟前，仲喺水里面不停郁动同喷水，果然好生猛！

牛魔王盛宴：食足5大部位

晚市自助餐有两大必食皇牌，包括集齐牛肋骨、牛仔骨、牛柳、牛仔粒同埋牛舌，唔同部位嘅牛魔王盛宴，绝对係牛迷至爱！其中牛肋骨係必食推介，选用美国最高级别嘅PRIME安格斯牛，因为本身牛味浓郁、肉质嫩滑，所以只用黒椒、海盐同香草简单腌吓，就可以放入真空袋用45度慢煮3个钟，上碟时肉香与油香四溢，入口更加係细嫩无筋，所以一出好快就俾大家夹走晒！牛仔骨同样选用美国PRIME安格斯牛，只不过切法唔一样，同埋用咗黑椒调味。至于原条牛柳就够晒入味多汁；厚切牛舌饱满细緻；而牛仔粒就係小朋友至爱！

牛魔王盛宴一次过可以食匀牛肋骨、牛仔骨、牛柳、牛仔粒同牛舌，5大部位同食法，牛气沖天，係全场最受欢迎嘅美食！

牛肋骨选用美国最高级PRIME安格斯牛，平日单点要$488，每条约1kg重，配合慢煮令肉质变得鲜嫩多汁。

猪罗纪公园：肉魅逼人

假如你无猪不欢，一定会为另一道皇牌猪罗纪公园着迷！一整盘有齐原只德国猪手、惹味烧猪肋骨、春鸡同德国肠。德国猪手做到皮脆甘香肉质鲜嫩，独有嘅胡椒咸香愈食愈有后劲。而猪肋骨则用传统焗製手法去保持肉质细嫩，即使小朋友同老人家都可以轻鬆食到最嫩滑嘅骨边肉部位。咪住！点解会有慢煮春鸡嘅呢？原来负责人话春鸡係代表翼龙，真係好有童心同创意，可以等小朋友边食边发挥想力创作故仔，好开心！ 加埋啖啖肉嘅猪肉肠，真係大满足呀！

猪罗纪公园同样係食肉兽至爱招牌菜之一！

德国咸猪手味道正宗，平日单点要$188，而家晚市自助餐任食真係好抵！

为方便大家夹食，猪肋骨焗好后喺上菜前会先被切成条状。

酸菜鱼係今期推介嘅特色中菜，依照广州名厨烹调手法，减辣减酸并加入秘製香料增加风味，好味到连汤都饮埋。

同场仲可以任食多款沙律、热荤、小食同甜品，尤其甜品区可以DIY棉花糖、热辣辣焦糖爆谷，同任沟大热芋圆！小朋友仲有小礼物?！而家帮衬更可享高达6折优惠，加上任食4小时，唔怪得成日都满座啦！

新鲜沙律吧除咗数款特色沙律外，仲有芝士拼盘、意大利火腿、鲜製虾片同蒜蓉饱。

多款热荤美食同样各有风味特色，其中包括庶虾、糯米鸡翼等香口小食嘅魔膳小食拼盘，就好受大人同小朋友欢迎啦！

甜品区有10几款精美甜品，又可以DIY棉花糖、热辣辣焦糖爆谷，同大热芋圆，所以成日见到人龙。

餐厅布置非常用心，每个角落都有创作绘画及装饰。

餐厅门口布置成花园一样，颇有魔幻感觉。

魔膳厨房

地址：观塘开源道77号业发大厦一期2楼D室
电话：3955 1460/ 3955 1461/ 6319 2511

备注：自助晚餐供应时间：6pm 10pm

价目：星期一至四，$238*，小童(身高91- 130cm) $138*

星期五至日及公众假期及公众假期前夕 $268*，小童(身高91- 130cm) $168*

小童(身高90cm 以下) 免费

* 须另加一服务费