减肥必食5种低碳水化合物零食

由于高碳水化合物的零食中添加唔少糖分，对于健康同体重容易产生负面影响，大家应该透过富蛋白质同植物脂肪嘅零食去减少摄取饮食中的糖分，先可以有效控制体重，不过蛋白质同植物脂肪都係需要长时候消化嘅食物，所以要配合少量碳水化合物先係最有效嘅减肥方法。

杏仁：

杏仁含有丰富蛋白质同钙质，仲有天然抗氧化成分，对身体有非常之好，除咗可以避免暴饮暴食外，仲可以增加身体所需养份，而且可以有效地减低胆固醇浓度，预防心脏病。杏仁亦有不饱和脂肪酸，而且含量非常少。 另外，杏仁嘅细胞壁仲会阻碍脂肪酶接触脂肪，从而减少对脂肪的消化吸收。

坚果：

虽然坚果係低碳水化合物嘅零食，但係都係适可而止比较好，始终热量唔少，超市有唔少以包装贩卖嘅坚果类食品，间唔中食一包就可以好几个钟都唔会肚饿。当然，由于坚果热量较高，所以记得要做返适量运动啊！

烚鸡蛋：

鸡蛋里面充满大量蛋白质，亦有人类最缺乏嘅营养成份—胆硷，其用处係可以保持大脑健康，建议大家可以一次过烚几只鸡蛋，摆入雪柜备用，当肚饿时就可以食啦。

莓果类：

莓果内充满水份，纤维等营养物质，係成为低碳水化合物零食嘅唔错选择，除咗可以直接食用之外，仲可以做成果酱或者沙冰，完全可以解决想食甜品又怕肥嘅慾望。

牛油果：

牛油果含有超过75％不饱和脂肪，而且牛油果可以製作好多有营养嘅零食，例如係用牛油果整成牛油果酱，用嚟点食物或者加上吞拿鱼同埋鸡蛋做成沙律。饱肚之余又健康，啱晒进行减肥计划嘅你啊！