Oishii！湾仔食乜好！世界串扬代表 正宗大阪风味 薄脆黄金炸衣裹藏诱人鲜味
热爱大阪或关西美食嘅你应该有听过，甚至帮衬过Jan Jan呢个大阪串扬品牌，佢哋首家店舖源自新天阁，而家係大阪同东京有13家分店，而香港更加係品牌首个海外分店，之后亦有喺上海开设分店，朝向世界串扬代表嘅目标版图进发，以关西美食宣扬日本文化。好多人会形容串扬係B级美食，皆因一众串扬专门店都以服务社会各阶层为主，以平实亲民、价廉味美同选择多样，呢三大特点做招徕，B级其实係形容紧佢哋有几亲民贴地同受大众欢迎。 Jan Jan三年前进驻香港，除提供40几款串扬美食外，仲加入20款串烧，更依循日本料理不时不食嘅传统，按时令增添各种季节性食材同饮料，畀大家可以品尝到该种食材全年最佳风味同营养，同时又畀到成日帮衬嘅熟客每次嚟到时，既食到平日喜爱嘅串扬同串烧，同时又有其他味觉新惊喜，呢个都係好多日本居酒屋嘅不成文款客之道。负责人石先生表示，Jan Jan香港特别结合串扬、串烧酒屋，三种日本酒足饭饱嘅特色元素，以迎合香港客人嘅口味同市场喜好。 究竟Jan Jan嘅串扬有几好食，可以炸到冲出本土，成为国际串扬代表？Dining 娜上星期就亲身到访过佢哋嘅居酒屋同厨房观察，同时向负责人同行政主厨请教，综合得出以下结论。 首先Jan Jan由空间到食物，以至客人嘅衣服，都唔会出现或沾有任何油膉味！呢点係极少数炸物店能够做到嘅，好处係可以令客人专心享用眼前嘅食物，好好投入当下嘅用餐环境气氛。细问下，原来佢哋特别严选3种优质植物油嚟调配成专用炸油，加上全程低温炸物绝不冒（白）烟，既保留食材最纯粹嘅味道同本质，更唔会释出任何有害物质，称得上係聪明用油。同时令串扬做到酥香脆薄，却不腍不腻嘅特点，就算食几多串都唔会有滞腻感。 上佳嘅串扬要做到炸衣酥脆甘薄犹如金色和纸！炸衣既要鬆化乾身、金黄酥脆，又要呈现出食材原有模样。第一口咬落去会即时感受到食材嘅细緻原味，而余下部分依然係炸衣同食材紧密贴合唔会剥落。要做到呢点真係好靠师傅嘅经验、手势同临场发挥，当然靓食材同秘密配方都好紧要啦！幸好香港分店有日籍行政主厨猜山英树助阵，严格监控同训练每位厨师遵守每个串炸程序，并按照每款食材特质，即场调控炸浆同炸粉嘅完美比例，兼且精準掌控炸油温度同时间。 喺大阪总店已服务十几年嘅日藉行政主厨猜山英树，经验丰富熟练、厨艺精準扎实，嚟港前喺日本专责监控同训练厨师，确保所有分店达到品牌最佳质素。佢同负责人石先生均表示，日本料理向来祟尚减法原则，藉简单细緻嘅烹调手法，去烘托润饰出食材最纯粹嘅滋味；而好嘅串扬会透过炸衣去提升食材本身嘅鲜度、味道同质感。炸衣同食材同等重要，所以会由日本及世界各地，严选引入最合时节嘅时令特产。 呢度有好多日本食客光顾，反映出佢哋有几正宗地道，而且由午餐、晚餐到宵夜时段都几乎满座，加上好多客人都会饮酒，气氛非常好，而每款酒都会有指定酒杯配饮，方便客人闻到该酒嘅最佳风味。同时每款串扬、串烧都有专用调味酱料，因行政总厨曾喺日本嘅法国餐厅工作，所以部分酱汁会搵到淡淡嘅法式风味。高丽菜係自助任食，建议喺下一道串扬送上前食用，方便清新味蕾。由于酱汁係同浸，所以只能喺未食时蘸点酱油，严禁翻浸呀！ 最后想讲想呢度嘅CP值真係几高！午市平均约$100几；晚市平均大概$300几，仲可以拣套餐或者自选。由于人气度高，建议嚟之前记得先打电话订位呀！ 营业时间： 午市：星期一至五 12pm-3pm 星期六及日 12:30pm-3:30pm 晚市：星期日至四 6pm-11pm 星期五及六 6pm-12am
炎炎盛夏有咩爽得过，一路享受热脆鲜味嘅串扬，一路大呷冰冻日本啤酒、冷清酒同果实酒呢！所有食材都係当季时令，配合精準利落嘅手法製，叫人一食即刻忍唔住大叫Umai！
大阪串扬名牌Jan Jan Kushikatsu 首设海外分店
湾仔店面积约千呎，并划分出L型吧枱同塌塌米挖洞座位（VIP房），提供共42个座位。
逾60款串扬串烧美食居酒屋
免治鸭胸配芥茉葱酱以法国鸭胸自家製成免治炸香，再配以自家製他他酱、芥茉同红洋葱粒，藉微辛辣味刺激味蕾，增添整体味道同质感上嘅层次变化。
炸蚝配荷兰他他酱兵库县直送当季特产！内的室津海港水质优良孕育出鲜甜肥美嘅蚝王，生蚝上下分别搽咗自家製他他酱，同埋人手打成嘅蛋黄酱空气泡沫，嚟提鲜同增添风味。
天使虾採用米芝莲餐厅至爱嘅澳洲蓝水晶虾！生长喺斐澳纯净海域嘅法属小岛New Caledonia，出名虾味浓郁且脚身幼细，经油炸后虾脚口感激似极幼虾条，令人忍唔住一脚不留！
从串炸过程看日匠厨艺精神
三文鱼籽海鲜球一般居酒屋只用虾肉製作，但呢度特别加入北海道帆立贝增加风味，配合大大粒鲜美三文鱼籽，营造出外皮鬆软热脆，入口瞬间爆浆，继而似有股海潮气息注满味蕾同鼻腔，令人食出小确幸心情。
黄金炸衣包住最好食材
每个串扬製作程序都跟足大阪总店正宗做法，由食材到烹调每个细节一丝不苟。
好嘅黄金炸衣能够烘托出食材原有嘅鲜味Umami，好似图中嘅北海道帆立贝咁，就因为外酥脆内鲜甜而备受食客欢迎！
日籍行政总厨驻港严监出品
海胆汤叶卷选用京都百年历史、人手製作、黄豆味浓嘅汤叶（腐皮），加上日式料理中最常用嘅天然Umami调味海藻，圈串炸成脆腍层次丰满嘅串扬。最后点上日本三大稀有珍味之一嘅北海道海胆，营造出浓淡有致嘅铺排变化，大推！
日本水果番茄精选静冈县名物做醒胃前菜，因甜度较其他番茄高出1.5倍，特别鲜甜多汁、爽脆可口，最啱直接冰镇食用，仲可以点少少海盐提升鲜甜度??！
三文鱼烧饭糰茶渍高汤色清味纯，三文鱼油润丰腴，饭糰饱满含蓄，成为整个居酒屋味觉旅程中，体验结尾缔め料理嘅首选。
备受本地及日本食客捧场
两间VIP房以传统居酒屋绳暖廉做间隔，超有气氛！
墙壁黑板上有当日10大厨师推介嘅手写菜单。
Jan Jan香港强调提供无差别服务，唔会因为你係日本同乡就会有特别待遇。
Jan Jan Kushikatsu串扬专门店（湾仔店）
地址：皇后大道东100号2楼
电话：2157 1408
本页关于 Oishii！湾仔食乜好！世界串扬代表 正宗大阪风味 薄脆黄金炸衣裹藏诱人鲜味内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。