尖沙咀食乜好！在港日本人最爱居酒屋 大阪正宗串扬＋串烧 午餐+ 晚餐CP值极高！
相约上司、同事收工后去居酒屋食嘢饮酒，向来都係日本独有嘅生活文化，而尖沙咀因为有好多在港日本人喺呢区聚居同工作，所以开设咗好多日本餐厅、酒吧酒屋，成为大家想食正宗日本料理嘅好去处。最近经过赫德道25号嘅尊豪坊，发现原来成栋大厦都係由日本人开设嘅酒吧，由于呢啲酒吧比较多日本客人，所以网上暂时未有咩中文分享，但就成为呢区鲜为人知又正宗地道嘅日式餐饮消谴热点，而Jan Jan正係成栋大厦唯一一家居酒屋餐厅！好多日本上班族都会喺呢度食完串扬，再到楼上嘅酒吧消谴；或者酒过三巡后落嚟Jan Jan点叫串扬填肚。 虽然话尖沙嘴同其他地区相比，正宗嘅日本食肆选择繁多，但一讲到要食正宗大阪串扬，就真係5只手指数得晒！居酒屋就可能有5间，但如果想喺尖沙嘴食串扬，就只得Jan Jan一间，因此成为好多居港日本人同香港吃货，近期经常光顾嘅居酒屋之一！皆因品牌源自大阪，喺大阪同东京已开设咗13家分店，只要喺东京或者大阪住过嘅人，或者哈日一族，都会认识呢个串扬名牌，对于思乡味浓嘅日本人，自然有种他乡遇故知嘅亲切感。 虽然居酒屋喺香港蹤影处处，但想同时食到正宗串扬同串烧，相信走匀全港唯有Jan Jan 能够提供！就算成班朋友嚟到有人唔食串扬，都可以点叫呢度做得同样出色嘅串烧嚟食！或者食腻咗串烧时，又可以转食串扬，不时转换吓口味，而且因为係逐串计（当然也有抵食套餐提供），就算係一个人、三五知己定係一大班人嚟食，份量同口味都可以完全自己话事！ 呢度嘅食物种类多样，单係串扬已有逾40款选择，串烧都有20款。日本食客忠诚度非常高，但为咗令每星期都会嚟光顾嘅客人，既品尝到平日最喜爱嘅食物，同时亦有一定程度嘅新鲜感，Jan Jan会按照季节时令，由日本同世界各地引入当造食材同饮料。虽然成日强调日本特质，但呢度所有工作人员保证对每位客人一视同仁，唔会因为你係（或唔係）同乡就会有待遇差别。 呢度几乎每晚都座无虚席，由于好受日本朋友欢迎，所以好有日本传统屋酒屋气氛，尤其係週末同假期前夕！晚餐、宵夜以外，佢哋嘅午餐都好抵食！以星期一至五为例，每份午餐由$68至$138不等，当中包括串扬定食（5款）、特选串扬定食（6款）同日本素食串扬定食（6款），前两者包含海鲜、肉类同蔬菜，好味又营养均衡；后者就有口味较特别又健康嘅富士苹果同山药！仲有蛋包大阪烧烧麵同牛扒丼定食等口味选择。新开张期间仲送指定套餐免费升级，又可以免费添饭一次，同送指定热饮，真心抵食！ 营业时间： 午市：星期一至五 12pm-3pm 星期六及日 12:30pm-3:30pm 晚市：星期日至四 6pm-11pm 星期五及六 6pm-12am
点样分辨好嘅串扬？首先炸衣要薄如金纸，仲要呈现出食物完整形状。咬完第一口，未食嘅部分依然同炸衣连埋一齐。在港日本人至爱 串扬专门店 Jan Jan Kushikatsu
虽然係居酒屋，但Jan Jan对挑选食材有严谨要求，仲经常引入好多季节性当造美食。
免治鸭胸配芥茉葱酱自家製法国鸭胸免治上，涂有自家製芥茉他他酱同红洋葱粒，透过微辛辣味刺激味蕾，同时又可去除鸭肉味，营造丰富味觉层次。
炸蚝配荷兰他他酱兵库县直送生蚝，属季节性食材故特别鲜甜肥美，更有蚝王美誉！生蚝上有用人手打成空气感十足嘅蛋黄酱泡沫，令脆皮保持温酥；而底部就搽咗自家製他他酱嚟提鲜。
天使虾严选连三星米芝莲餐厅都选用嘅澳洲蓝水晶虾。生长自纯净法属小岛New Caledonia水域（澳洲同斐济之间），唔单止虾味出众、肉质嫩滑，更因脚身幼细，经油炸后变得格外酥脆可口！
愈多日本人光顾 愈正宗地道
海胆汤叶卷选用京都百年手工名物汤叶（腐皮），黄豆味尤其香浓，混合海藻（海带）圈串起再油炸，最后加上主角北海道海胆，营造出脆腍夹杂、难以名状嘅多重鲜味（Umami）。
三文鱼籽海鲜球海鲜球以虾肉和北海道帆立贝製成，配以蛋味浓郁、减去大量沙律酱嘅自家製他他酱汁，味道更见鲜爽清新。
本地唯一居酒屋 提供串扬串烧
日本水果番茄严选静冈县特产番茄，由于甜度较普通番茄高出1.5倍，好似水果咁鲜甜多汁、爽脆清香，所以直接用冰镇方法食用最原汁原味，仲可以点少许海盐嚟提升鲜甜度。
三文鱼烧饭糰茶渍日本珍珠米饭糰结实饱满，泡浸在长时间熬煮嘅鲣鱼高汤里面，成为传说中居酒屋酒足饭饱嘅最后一道缔め料理。
任拣逾60款串扬及串烧
Jan Jan出品嘅串扬，非常讲究师傅嘅经验同手势，仲有掌控炸油嘅温度同埋时间，当然用咩油同炸粉比例等都好关键啦！
抵食推介：平日指定午餐免费升级！
尖沙咀新店分别设有一般座位、吧枱座位及挖洞座位（VIP房），迎合唔同客人嘅喜好需要。
VIP房採用挖洞座位设计，好处係唔驶好似塌塌米咁屈住对脚，就算坐几耐都咁舒服，最啱成班知己欢乐聚餐。
门口以充满简约禅意嘅竹植，同可爱嘅石像公仔作装饰。
Jan Jan Kushikatsu串扬专门店（尖沙咀新店）
地址：赫德道25号尊豪坊1楼
电话：2157 1410
本页关于 尖沙咀食乜好！在港日本人最爱居酒屋 大阪正宗串扬＋串烧 午餐+ 晚餐CP值极高！内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。