1

新开业！养心殿台式养生锅 － KTV药膳养生火锅＋高质鲜肉及手工丸饺

新增设几间容纳到唔同人数嘅KTV房，等大家边食火锅边唱K！6款皇牌台式养生汤底，包括劲多胶原蛋白嘅美人锅、提升睡眠质素嘅宁神养心锅等。几十款配料包括海鲜、猪鸭鸡等肉类选择！仲有日本直送鱼生刺身同自家手工丸饺。另推介直送嘅翠丝水莲、A菜、原条珍珠笋及青江菜，同埋本地水耕菜。记得试埋最新引入，挂汤力一流嘅豆皮纸呀！喺指定时段入坐仲有半价或7折优惠！包房唱K每位$400起。

养心殿台式养生火锅 ： 6楼。电话：2657 6400。

豆皮纸拥有许多细孔，吸尽汤底精华。含原只乌鸡同大量桃胶嘅美人锅，润而不躁兼可养颜。手切 肥牛和手工丸拼盘，唔单止料靓，仲好考大厨功架。水耕菜清新爽甜，能平衡油腻感。

满屋日本料理 － 任食日式放题＋$28升级优惠

逾百款新鲜优质嘅刺身（日本直送）、寿司、卷物、串烧、天妇罗，仲有创作精选、一品料理同埋厨师推介！黑松露汁蘑菇芝士酿鸡翼、八宝酿蟹盖饭（松叶蟹）、车打芝士焗露笋、鲍汁花胶都係大厨得意新品！为庆祝七周年，只要加$28，即可升级任食南非、海胆刺身、煎法国鹅、日本佐贺和牛串烧等贵价食材，劲吸引！平日逾30款午市定食都係由$42起，真心抵食！

满屋日本料理：8楼。电话：3622 3366。

满屋日本料理会喺6月底以全新餐牌同大家见面，为大家带来更多味觉新享受。

太湖海鲜城 － 9年米芝莲推介 人情味超值心思粤菜

备受街坊同附近返工食客欢迎！呢度嘅食物水準，高质到入选米芝莲兼羸取国际奖项！最新夏日推介有柠香豉汁盘龙鳝、八宝冬瓜盅同鲜菠萝咕噜肉。约两斤重嘅原条盘龙鳝肉质爽口弹牙，以惹味豉汁同新鲜檬檬清蒸，既提升鲜度同味道层次又开胃解腻。八宝冬瓜盅以金华火腿、鲜鸡、猪骨、虾、蟹、瑶柱、海参、竹笙等海味食材熬煮，鲜味浓郁、解渴消暑。鲜菠萝咕噜肉果香飘飘无添加，新鲜菠萝嘅香甜令咕噜肉变得清甜脆嫩。呢度仲开到凌晨3点，啱晒猫头鹰或收夜一族。

太湖海鲜城 ：9楼。电话：2893 9882。

柠香豉汁盘龙鳝、八宝冬瓜盅同鲜菠萝咕噜肉，全部菜卖相精緻得体，同时富有丰富嘅滋道层次，其中鲜菠萝咕噜肉更加係最高荣誉金奖师父推介！

澳门台山水佬荣火锅专家 － 巨无霸航母海鲜盛宴＋辣汁杂菌花蛤鸡煲

皇牌必食航母海鲜盛宴，份量巨无霸，仲有齐澳洲肉蟹、新鲜大花甲、青口、、帆立贝等8种时令海鲜，加上镇店辣汁杂菌花蛤鸡锅汤底（自选辣度或走辣）调味，海鲜鲜香扑鼻、汤底浓郁鲜甜！记得点埋新鲜滑牛、手打牛肉丸同包心芝士丸等特色手工配料，佢哋嘅味道同荟萃多种海鲜鲜味嘅汤底真係好夹！食完鸡煲仲可以加高汤，变成另一款火锅汤底。6月底更有全新汤底，含丰富胶原蛋白嘅日本樱花猪骨虾锅登场呀！

澳门台山水佬荣火锅专家：5楼。电话：2866 1111。

航母海鲜盛宴唔单止种类丰富，仲好有气势，搞到大家都忍唔住要相机先食！水佬荣皇牌花蛤鸡锅同样鲜香惹味。日本樱花猪骨虾锅，无论大人小朋友都咁啱饮。

极尚大瀛喜日本料理 － 3小时任食二百几款 日本刺身＋特色美食

向来以高质放题做招徕，客人可以尽情喺3个钟头内任食2百几款美食，包括日本直送刺身、寿司、炸物、天妇罗、烧物、锅物等地道冷热日式美食，仲会帮每枱升级加烧烤炉，等客人可以开怀大吃。除咗日式美食外，呢度仲好特别咁提供埋风味热荤。甜品区就有马卡龙、芝士蛋糕等选择，小朋友同女生就最锺意。连冷热清酒、梅酒等酒类都係任饮，认真抵食！

极尚大瀛喜日本料理：11楼。电话：3188 8008。

呢度嘅刺身有成十几款咁多，而且每日由日本空运直送到店，保证新鲜优质。

潮江春 － 新派潮宴 吃出地道好滋味

潮州菜出名以清鲜简朴见称，潮江春既为大家準备一众传统潮洲家常菜式，好似好百年滷水鹅片、潮州黄金煎伊麵、潮州家乡煎蚝烙、砂锅普宁豆酱鸡等招牌名菜；同时加入崭新烹调元素，设计出多道卖相精巧吸睛，又符合男女老少口味嘅新派潮菜！无论家常饭聚，抑或公事应酬，定係知己相聚，都非常适合。

潮江春：2楼。电话：3692 5050。

潮式四喜拼盘（4位起），有齐海鲜、炸物、滷水同凉拌，四种潮式小食。师傅利用精湛刀工花尽心思打造出栩栩如生嘅造型，极IGable！

翠园 － 精緻气派粤膳＋每日即製烧味

食物出品向来有优质保证，皆因店内所有粤菜同点心，全由经验丰富资深老师傅驻场製作。40多年来以精緻可口嘅广东口味，演绎出无数巧手佳餚，好似招牌花胶瑶柱灌汤饺、桂花古法炒花胶柳、原只荷叶饭、铁板叉烧、士多啤梨脆肉排等。呢度更自设透明烤炉，每日新鲜即製新鲜又好味嘅广东烧味，同埋手工菜黄金脆皮糯米猪，而烧味更係每枱必点推介！

翠园：3楼。电话：2573 9339。

黄金脆皮糯米猪，自设明炉烧烤原只猪，外皮脆口爽化，肉甘香油润。糯米更加係粒粒分明，吸收晒猪嘅肉汁精华。

名苑 － 无尽创意＋精湛厨艺 製健康美馔

在中菜界屹立30年嘅名苑，係本地有名嘅广东菜专家，擅长以精湛厨艺结合当造食材，加上创新元素，製出一系列健康又好味嘅广东菜餚，例如奇翠珍珠、宫廷贵妃明虾球、鲜摘虫草花百合浸冰海草，同埋长白山鲜人参炖竹丝鸡煲等。无论係同屋企人饭聚，抑或三五知己假期叹返一盎两件，定係公事宴客等，都可以喺度搵到啱心水嘅名菜选择。

名苑酒家：7楼。电话：2893 1038。

生拆蟹粉扒蛋白龙虾球，单係人手鲜拆蟹粉呢道工序，已经好花时间同功夫！蟹粉鲜浓甘香，配以爽弹鲜味嘅龙虾球同滑溜蛋白，简单係味觉大享受呀！

Starbucks － 果味满溢的冰凉盛夏滋味

Starbucks今个夏天特别以香甜柚子配蜜糖，调製出柚子蜜糖啫喱酪星冰乐，同冰摇柚子蜜糖啫喱绿茶，两款特饮为大家驱走暑热！前者以酪星冰乐做主调，混合柚子蜜糖酱、柚子果肉啫喱同金黄柚子蜜糖圈Topping；后者就以冰摇薄荷香柠绿茶做主调，再糅合鲜甜美味嘅柚子蜜糖酱同柚子啫喱。同期仲有两款充满异国风味嘅甜品：芒果热情果慕丝蛋糕加鲜菠萝杏仁丹麦酥，帮大家延续味蕾上嘅夏日水果派对。

Starbucks ：2楼 ，电话2259 9375。

今个夏日Starbucks推出两款分别加入柚子、热情果和菠萝嘅水果特饮同甜品。

Coco都可茶饮 － 台式饮品专家 夏日消暑首选 　

喺铜锣湾行街行到又攰又渴，最好就係买返杯冰凉透心，又有粒粒珍珠咬吓嘅台式饮品，消暑降温啦！呢度所有手调茶饮都选用优质茶叶，而果茶就精选咗季节鲜果调製，新鲜又好味！有时咁啱食完饭后，太饱唔想食甜品咁Heavy，都可以饮番杯茶杯或果茶，解腻消滞?。

CoCo都可茶饮：地下G02号舖。电话：2896 1229。

?

Coco都可茶饮源自，并坚持选用优质茶叶同季节鲜果调製手摇茶。

铜锣湾广场2期

地址：铜锣湾骆克道463-483号（港铁铜锣湾站C出口）

泊车：附设停车场，B2楼设有2个中速充电装置。

备注：以上资料如有改动，一切以有关餐厅及商户之决定为準。如有疑问或查询，请直接致电有关餐厅及商户。