1

佔地13,000呎嘅大快活电竞E-Max

全港首间大快活电竞由九龙电竞馆同大快活联手打造，呢间电竞餐厅已经九龙湾国际展贸中心E-Max！大快活电竞最特别嘅係可以喺打机途中，利用QR code落单，玩家就算唔使离开座位，都享受到美食。

佔地万三呎嘅大快活电竞设有六大区域，超过100个用餐座位同47个电脑位。

大快活电竞六大区域

1.电竞区

坐喺配备完善嘅电竞区打机，打到肚饿，仲可以边食边玩。玩家利用QR code网上落单，就算唔使离开座位，都享受到美食。

电竞区单人位置每小时只需$15 (金会员价)或$20(普通会员价) 玩到肚饭可以立即点餐

网上点餐服务，只需三个步骤：扫描座位上 QR code、网页即时落单再以电子付款方式结帐，坐定定等待美食送上，搞掂！

扫描座位上 QR code、网页即时落单 拣选自己想食嘅嘢 以电子付款方式结帐 阿活皇牌美食 阿活焗猪扒饭呀！

2.主舞台

主舞台设有10台电竞对战电脑同设置配备，对战台前更装咗10部LED高清电视播放比赛画面。各位选手可以喺呢个专业嘅电竞比赛场地进行交流。

3.用餐区

就算唔打机，都可以坐喺用餐区一路食嘢一路睇住人哋比赛。用餐区同主舞台相连，设有多部高清大电视，在比赛中能够让用餐者一同感受比赛嘅刺激。

非赛事时段可以睇重播赛事同电竞新闻。

4.竞吧 KE Bar

喺大快活电竞入面仲有一个好特别嘅地方竞吧。竞吧由下午五点开到午夜12点，提供六款黑鸢本地手工啤酒！

提供六款黑鸢本地手工啤酒 下午五时营业至午夜12时的竞吧 放咗工又有地方去啦！

5.直播区

大快活电竞直播区设有三间唔同大小、配备自助直播设备嘅房间，入面仲有高质摄影器材。大家可以同朋友一齐直播，一尝开Live嘅滋味。

小型房收费为每小时$200(金会员价)或$250(普通会员价)；而大型房收费为每小时$350(金会员价)或$400(普通会员价)。

6.多用途房间

大快活电竞入面仲有一间充满未来科技感嘅多用途房间，可容纳超过50人。客人可以喺呢度举办唔同嘅私人活动。

场地只需$2,888/天(会员价或非会员价)即可以于中午12时至午夜12点期间租用。

食客同玩家喺大快活电竞的只要连上场内20GB高速wifi，就可即场参与场内定期举行的电竞比赛，同其他在场玩家一决高下。

大快活电竞

营业时间：

电竞区 – 中午12时至午夜12时

用餐区 – 上午7时30分至午夜12时

大快活餐饮服务 – 早上7时30分至晚上9时

竞吧 – 下午5时至午夜12时

地址：九龙湾国际展览中心地库1楼