如果你係牛魔王就一定要留意啦！混合咗日、韩两地烧肉传统食法嘅日韩烧肉店牛魔Yakiniku More，主打多款唔同牛部位烧肉，加埋用水果特製而成嘅酱料，例如香梨、奇异果等，令肉质更加鲜嫩，食落仲唔会觉得漏。而最吸引係店内引入全港第一张同时拥有自助啤酒机同埋无烟地下抽气嘅烧烤枱，食完唔会成身烧肉味之余，仲可以自斟自饮日本进口啤酒Suntory Premium Malt’s。

厚过$1蚊 美国prime grade 45日熟成牛

由美国直送嘅dry ager熟成牛肉，厚度十足！进行乾式熟成程序45日，喺熟成室将肉块嘅水分风乾脱水，利用牛肉本身嘅天然酵素及微生物作用，分解胶原组织及肌肉纤维，令牛肉嘅嫩度、风味同埋肉汁大大提升，食落啖啖肉汁，送埋真係爽到爆！

超fresh海底奇兵

用上新鲜日本海胆同埋带子，海胆入口即溶，加上店内嘅秘製酱汁，酸酸甜甜， 清新又开胃，做前菜或者中间当清口菜都唔错?！

A4和牛牛肩肉配苹果条

用上A4和牛牛肩肉，薄切更令脂肪好快就溶化，做到入口即化嘅味蕾享受，烤成后加上苹果条清甜又去腻，甘香油脂同爽甜苹果条带出双重口感，十分惊喜！静静话你知，餐厅仲有秘密餐牌，好似日本料理嘅厨师发办一样，由厨师决定客人嘅和牛种类，配埋酒香浓郁嘅日本啤酒，就好似身处喺日本咁呀！

即烧特选美国龙虾尾

平时饮啤酒都係饮完一杯叫一杯，呢度就特别引入日本着名饮品品牌Suntory旗下嘅啤酒The Premium Malt’s，啤酒卖点係绵密幼滑嘅酒泡，酒泡可以阻隔啤酒与空气直接接触，锁住酒香，防止氧化，保持碳酸口感。入口有多重香气，由啤酒倒入杯中嗰刻香气扑鼻，入口即能感受到浓郁嘅口感同埋细绵泡沫，加埋自己斟就宁舍好饮！

而家牛魔仲推出优惠，包括：逢星期日至星期四，使用自助啤酒机自己斟啤酒可享有啤酒8折，而订枱仲每人送杯装Yogurt一个??！

牛魔
地址：尖沙咀棉登径8号地下5-6号舖
电话： 2750 8800

营业时间：12:00nn- 00:00am