大屿山週末轻鬆游 满足就係咁简单
辛苦咗成个星期先等到星期六日放假可以唞唞，就梗係要轻轻鬆鬆嚟个小旅行出走放鬆下啦！近近地去一转大屿山玩番日影下相都係一个唔错嘅选择。嚟到大屿山想舒舒服服周围去玩，搭昂坪缆车先去昂坪市集，玩完再直落大澳是常识吧！ ? ? 平日生活忙碌，惟有忙里偷闲周末去郊外游山玩水，过下写意人生。无论你係锺意蓝蓝绿绿嘅大自然定影相打卡，昂坪360都可以满足到唔同人士喜好！远离市中心，昂坪市集环抱大自然，环境清幽恬静，令人心旷神怡。大家可以轻鬆闲逛市集特色商店，仲可以击鼓祈求祝福，或者喺树下许愿。畅游市集期间，拎定相机随行随拍纪录低属于你同另一半，或者同屋企人最温馨难忘嘅画面啦！ ? ? ? 想360度玩转大屿山，可以去埋大澳水乡，由昂坪市集出发乘21号巴士，只需约20分钟就可以到达大澳，方便快捷。要享受人生，就唔可以错过每个机会欣赏靓景，去得大澳就当然要搵个靓位睇日落啦。大家只要校啱时间，就可以欣赏到好似明信片咁靓嘅大澳日落。其实喺大澳影日落真係有好多选择，不过首选一定係虎山同新基桥。 ? ? ? ? 就到中秋节，想感受节日气氛，唔一定要同人迫，喺大澳参加一年一度嘅大澳水乡花灯节。今年花灯节仲会有一个创举，就係有1,000个手绘灯笼贯穿整个大澳，咁大家就可以轻轻鬆鬆沿住成个大澳慢慢行，散住步欣赏中秋花灯啦。同场仲有4米长嘅大虾綵灯大型艺术装置展览，难得嚟到大澳又点可以错过，就算夜少少坐巴士返东涌市中心都值回票价啦！ ? 亮灯日期：由7/9/2019至1/10/2019 晚上6:30至9:30 ? ? 至于好动嘅你，推介嚟大屿山搭昂坪缆车展开两日玩乐旅程就满足到你嘅要求，畀你放电玩足一个周末。每个都市人都知星期六可以瞓到自然醒绝对係一件幸福嘅事，然后才施施然起身出发去玩就够晒舒服喇。 ? 中午过后去到昂坪市集，当然唔少得要歎番个港式下午茶同埋出名嘅鸡蛋仔先啦，之后就再去埋市集内360 VR体验馆玩餐饱。 ? ? ? 如果从未试过喺郊外赏月，今个中秋节就建议试下两手fing-fing快闪去露营，赏月过一晚啦！今次推介地点就係YHA昂坪戴维斯青年旅舍（温馨提示：记得网上预订入住日期），距离昂坪市集、心经简林、天坛大佛等景点，只有5至10分钟路程，非常方便。呢个露营预订服务专为冇露营经验嘅你而设，畀大家唔使一袋二袋，毋须携带任何装备，轻轻鬆鬆体验野外露营同郊外赏月乐趣。想玩得豪华啲，可以一尝升级版豪华露营（Glamping），专为热爱大自然又想住得舒适的人而设。帐营备有枕头铺、住客可无限次使用旅舍厨房及浴室，仲有Wi-Fi上网服务。生活起居所需用品齐全，保证可以轻鬆起行。 预订详情：https://www.yha.org.hk/en/hostel-booking/?id=831&channel ? ? ? 第二朝早起身，唞足精神直入大澳上山下海，第一站係位于大澳北面嘅虎山。搭巴士由昂坪市集去大澳，经永安街往杨侯古庙方向行，沿路小径虽有碎石但算轻鬆易行，大概45分钟慢慢就可以到达虎山观景台前一段小桥。虎山桥可以睇到整个大澳水乡同180度嘅无敌海景，同时能远眺另一边狮山象山景色。 ? ? 玩完陆上路线，下午当然要落埋海啦。大家不妨选择喺大澳坐小游艇出海，从海上角度欣赏返大澳嘅独特人文风光。 ? ? 昂坪360网站：www.np360.com.hk路线一： 昂坪市集 ＋ 大澳日落 ＋ 中秋花灯节
识玩就一定係搭昂坪缆车嘅水晶车厢，沿途睇到大自然360度靓景，仲可以睇埋脚下嘅昂坪栈道四周环境，景色一流。
昂坪市集慢活之旅
祝福鼓外形有啲似Q版长洲平安包，好有本土特色同亲切感。
许愿树下手牵手，许下甜蜜承诺。
写意人生 见证明信片式大澳水乡日落
大屿山其实有好多鲜为人知嘅隐蔽靓景，等大家去逐一发掘?！
想影呢个虎山无敌Panorama醉人夕阳靓景，就要校啱时间啦！
想轻轻鬆鬆唔使行山都影到靓日落，新基桥就啱晒喇。
大澳夜景感觉宁谧，别有一番风味。
漫游大澳 体验独有节庆活动
大澳水乡花灯节2019
路线二：畅玩昂坪市集＋中秋Glamping赏月＋大澳行山小游艇
昂坪市集边食边玩
去到市集就梗係要食匀咁多款地道小食啦！
充满香港特色嘅360VR体验馆，畀你玩尽6种虚拟实景体验同多媒体互动游戏，以科技带畀你耳目一新嘅玩乐体验。
两手fing-fing去露营
帐营是欧洲流行的波希米亚风，十分有格调。
帐营晚景充满波希米亚风情
上山下海玩尽大澳
大澳虎山係一条比较简单易行嘅行山路线
大澳水乡最好係下午去游玩
大澳水棚屋富有特色
查询电话：3666 0606
本页关于 大屿山週末轻鬆游 满足就係咁简单内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。