1

路线一： 昂坪市集＋童游时光+港人限时价HK$88来回缆车门票

辛苦咗成个星期先等到星期六日放假可以抖抖，梗係要轻轻鬆鬆嚟个小旅行出走放鬆下啦！近近地去一转大屿山玩番日，影吓相都係一个唔错嘅选择。嚟到大屿山想舒舒服服玩周围去玩，可以搭昂坪缆车先去昂坪市集，带大家回到小时候童游时光主题场景，喺多个巨型经典玩具装置前影相打卡 ，重温儿时情怀同小玩意！

为咗配合主题，昂坪360今次破天荒以开幕时的价钱推出港人优惠！由即日起至2019年11月10日，可以价$88购买来回缆车门票 (标準车厢)！两小口去拍拖玩足一日都唔使$200，超抵！就算一家人带小朋友去郊外放电，一家四口去玩亦都只係$266 (2名大人+ 2名小童)，就可以齐齐搭缆车，沿途睇到360度大自然靓景，仲可以睇埋昂坪栈道四周环境，景色一流。 详情请浏览https://www.np360.com.hk/tc/events-promotions/promotions/88-offer-Hong-Kong-resident

昂坪市集重拾童真之旅

平日生活忙碌，唯有忙里偷闲週末去郊外游山玩水。无论你锺意置身远离烦嚣嘅大自然，定係热爱影相打卡一族，昂坪360都可以满足到唔同人士嘅喜好！由即日起至 11 月 10 日期间，昂坪市集更会设置多个巨型经典打卡位，包括 3 米高巨型缆车扭蛋机、 飞行棋 、七彩扭计骰 、趣怪陀螺及东南西北，360旅游资讯中心更会化身成 玩具时光隧道，展出多款经典五十至千禧年代嘅香港流行玩具，透过展览认识香港新旧玩具转变同里程 ，重拾昔日玩具嘅独特趣味同风采！

多个巨型经典玩具装饰，各位大细路必定重拾童年时的快乐回忆!

?

昂坪市集边食边买边玩

要重温小时候回忆，当然唔少得歎番底鸡蛋仔啦！之后再去埋市集内嘅纪念品店，购买港式手信同去埋360 VR体验馆玩餐饱。

去到市集就梗係要食匀咁多款地道小食啦！

?

香港有爱纪念品店喺活动期间，特别推出精选港式复古手信，大家仲可以8折优惠价买到。

?

充满香港特色嘅360VR体验馆，畀你玩尽多种虚拟实景体验同多媒体互动游戏，以科技带畀你耳目一新嘅玩乐体验。

?

?

路线二： Glamping＋大澳游玩睇日落

两手fing-fing去露营

如果从未试过喺郊外露营，今个weekend就建议试下两手fing-fing快闪去露营，宁静relax咁过一晚！今次推介地点係YHA昂坪戴维斯青年旅舍（温馨提示：记得网上预订入住日期），距离昂坪市集、心经简林、天坛大佛等景点，只有5至10分钟路程，非常方便。呢个露营预订服务专为冇露营经验的嘅你而设，畀大家唔使一袋二袋，毋须携带任何装备，轻轻鬆鬆体验野外露营嘅乐趣。想玩得豪华啲，可以一尝升级版豪华露营（Glamping），专为热爱大自然又想住得舒适的人而设。帐营备有枕头铺、住客可无限次使用旅舍厨房及浴室，仲有Wi-Fi上网服务。生活起居所需用品齐全，保证可以轻鬆起行。

预订详情: https://www.yha.org.hk/en/hostel-booking/?id=831&channel

?

帐营是欧洲流行的波希米亚风，劲有格调同气氛。

?

上山下海玩尽大澳

第二朝早起身，抖足精神直入大澳上山下海，第一站係位于大澳北面嘅虎山。搭巴士由昂坪市集去大澳，经永安街往杨侯古庙方向行，沿路小径虽有碎石但算轻鬆易行，大概45分钟慢慢就可以到达虎山观景台前一段小桥。虎山桥可以睇到整个大澳水乡同180度嘅无敌海景，同时能远眺另一边狮山象山景色。

大澳虎山係一条比较简单易行嘅行山路线。

?

玩完陆上路线，下午当然要落埋海啦！大家不妨选择喺大澳坐小游艇出海，从海面角度欣赏返大澳嘅独特人文风光。

?

大澳水乡最好係下午去游玩。

?

大澳水棚屋富有特色。

?

路线三：大屿山随心随拍之行

热爱摄影嘅朋友可以入黎大屿山行返转，大屿山的拍摄热点实在多不胜数，无论係壮丽嘅自然风光，朴素嘅水乡风情，大家一定可以睇到闹市中睇唔到嘅画面，同埋影到最满意嘅作品！趁住秋高气爽天朗气清，一于入嚟到大屿山，齐齐探索大屿山之美！

?

?

最美影相位

[昂坪360xSONY缩时摄影比赛] 昂坪360同SONY联手举办摄影比赛得奖名单经已公布，而当中嘅参赛作品亦都透露咗d大屿山鲜为人知嘅摄影胜地，有助大家寻幽探秘！

云海下，大东山烂头营嘅景色美不胜收。

?

10月份开始，大东山踏入芒草盛放嘅季节。

?

水口泥滩嘅星空绝对係令人着迷！

?

弥深石涧有山有水，亦係拍照嘅好地点。

?

昂坪缆车上欣赏夕阳， 别有一番风味。

?

写意人生 见证明信片式大澳水乡日落

要享受人生就唔可以错过每个机会欣赏靓景！想影日落，就一定要校啱时间去大澳，欣赏好似明信片咁靓嘅大澳日落！其实喺大澳影日落真係有好多选择，不过首选一定係新基桥。

想轻轻鬆鬆唔使行山都影琴靓日落，新基桥就啱晒喇！

?

大澳夜景感觉宁谧。

?

?

昂坪360网站: www.np360.com.hk
查询电话: 3666 0606

?