1

圣诞节5大激嬲女朋友／女神陷阱
男朋友、兵仔要小心！

1. 无预约餐厅

其实大家都心知肚明，所谓圣诞节大餐，只係平时Menu转一转个名，再收你Double价钱，不过难得一年一次，就算几唔愿意被人劏都好，男朋友或者兵仔点都要预约定餐厅。食圣诞大餐嘅重点係情调，食物只係其次。假如圣诞节都无预约好餐厅，即使你女朋友或者女神唔係港女，点都会有少少唔开心。假如兵仔喺呢部分做得好，甚至可以做到投其所好，一早留意女生喜欢食的菜式，预先Book定女神锺意食嘅餐厅，话唔定从此可以退役。

虽然有部分女仔都喜欢简简单单食个饭就算，但亦唔排除你女朋友或者女神喜欢到餐厅食圣诞大餐。约佢之前，不妨问吓佢想食啲咩，咁就稳阵喇！ 有部分女仔就锺意食圣诞大餐，如果你可以Book到女朋友／女神锺意食嘅餐厅，真係完全加晒分！

2. 听唔出女朋友／女神真正嘅意思

其实唔少女性都係口是心非，当你问佢：想收到咩礼物啊BB／女神？大部分都唔会直接讲出答案，又或者叫你唔使送。当你以为真係唔使送圣诞礼物嘅时候，少年，你太年轻了！其实女性唔直接讲出答案，当然就係想你估吓佢嘅心谂紧咩，假如你估得中，又送得啱礼物的话，女朋友自然会觉得你十分了解佢；而女神当然对你嘅好感提升，甚至暗地里加分。

部分女人好蛊惑，佢话唔好送即係要送，各位男生唔好蠢吓蠢吓咁喇，谂定佢需要啲咩喇。

3. 送错礼物

其实送礼物係一种学问，首先你要了解收礼物对象需要啲咩、喜欢的牌子、款式，亦要考虑礼物的价钱及实用性。假如只係单方面从自己角度出发，送出认为对方一定好锺意嘅礼物，随时半只脚踩入陷阱。所以作为男朋友或兵仔，当然要打听一下女朋友或者女神的口风，假如最近对方话银包开始烂，你要识做呢！

各位男生唔好懒醒，唔好从自己嘅角度出发，尝试谂吓对方需要啲咩，咁就自然可以减少中伏机会。

想凼掂女朋友或女神，当然要买啱圣诞礼物！即睇：10大女朋友最想收到圣诞礼物提案！化妆品唇膏＋窝心小物｜购物优惠情报

圣诞礼物

4. 求其影相

在打卡至上的年代，唔少女仔都喜欢到不同地方影相打卡留念。再加上圣诞节咁多商场布置，就更加要影多啲相Po上IG呃Like啦！要帮女朋友／女神影靓相，当然唔可以求其影啦。要影一张靓相，绝对唔係咁易?叶师傅！

首先，你要做好无限影嘅準备。

第二，要準备好照片的构图，唔好有其他闲杂人喺张相度出现。

第三，要低炒，影到女朋友／女神的长腿（无论佢有冇一对长腿）。

第四，要捕捉到女朋友／女神最漂亮、最甜美的一面。假如你影相影得靓，兵仔话唔定可以有下一次出街嘅机会，又可以同女神增进感情！

5. 大时大节无表示

即使你做错以上4样其中一样，我谂女朋友／女神最多都会有少少嬲同唔开心。但如果你大时大节都无咩表示，例如：唔谂庆祝节目，甚至乎唔约女朋友出街，咁你可以执定包袱喇，下年吸取今年经验啦朋友！仲未谂到买咩送畀对方，咁就要睇埋下文，睇吓有无心水礼物喇！

既然你咩表示都无，基本上可以执定包袱，下年努力搵个新女朋友啦巴打！

仲未谂好去边好，即睇圣诞好去处推介，嘉年华、商场市集、圣诞灯饰等，谂吓约会地点啦！