1

8大家居防潮法
轻鬆对抗潮湿回南天

1.用酒精抹墙身

喺回南天嘅时候墙身都特别容易发霉，有时墙身仲会黑得好劲，想解决呢个问题，大家可以试用乾布把墙身抺乾，再用酒精抺墙就可以啦！

一到回南天，天气又湿又热，酒精是一大防潮法宝，墙身潮湿发霉可用酒精抹！

2.蜡烛

点燃蜡烛其实有除潮同除霉嘅作用，有助令水气无法凝结，更可以降低空气湿度。大家可以试下用蜡烛抺墙壁缝隙，以形成保护膜，有助减低霉菌滋生，如果用有香味嘅蜡烛，更可辟走霉味。

可用蜡烛防潮和除霉，用蜡烛抹墙更可形成保护膜，辟霉菌。

3.旧报纸

大家千奇唔好睇少旧报纸嘅作用，报纸其实係天然嘅吸湿好工具！只要放报纸喺衣柜入面，就可以防止昆虫走近，亦可以加快晾乾衣服。另外，如果将旧报纸贴喺窗上更可防止雾水结聚！

旧报纸是家居清洁防潮的好帮手。

4.粗盐

粗盐有助令水气快啲吸乾，如果再以30-40温度嘅水去拖地，仲会令地板更乾爽同有效地杀菌。

粗盐除了有杀菌作用，也可以用来拖地，令水气更快乾。

5.梳打粉

最低成本嘅防潮方法，莫过于用梳打粉，而且係一种较天然嘅清洁方法。如果洗衫时加梳打粉入去洗衣机内，有效杜绝霉菌积聚。另外，将白醋加梳打粉混合后倒入排水口或马桶，都可以防止霉菌滋生！

用梳打粉洗衫，是天然防潮防霉的洗衫方法。

6. 漂白水

潮湿天气最容易滋生细菌，大家其实可以用1:50嘅稀释漂白水抺墙身，不但可以清除墙身上嘅霉菌，更可以有效将昆虫。

漂白水除了是肺炎病菌的剋星，也能对抗霉菌、昆虫，十分有用！

7.抽湿机

唔少家庭都用抽湿机抽湿，可以抽走屋内嘅湿气，亦可帮手抽乾衣服。不过，大家记得要留意放置嘅位置、使用时间、清洗方法等，如果唔係就好容易造成短路引致火警！

抽湿机当然是最实用的去湿方法。

8.防潮珠

大家买嘢嘅时候成日都会见到防潮珠，话明防潮咁就紧係对吸湿好有功效啦！虽然防潮珠吸湿能力唔算强，但就胜在够平同易买到，最适合放入衣柜或鞋盒内。

把防潮珠放在盒中或袋中更易处理。

防潮小锦囊DIY

吸湿防潮的小包包，虽然唔算太贵，但其实日常生活中有好多可以自製吸湿小锦囊的材料！

1. 破旧袜或不织布袋

首先可以把已清洁的旧袜或不织布袋製作小包包待用，只要不穿窿就可以当作小锦囊袋以下材料！

用旧袜或不织布袋可自製防潮小包包。

2. 咖啡渣

咖啡渣其实有好劲嘅乾燥及除味功能！大家可以打去星巴克分店同店员讲声，第二日就可以去店面自取啦！

咖啡渣是实用的防潮物。

3. 洗衣粉或梳打粉

洗衣粉除咗洗衫之外，同时可以吸水气！打开洗衣粉时不时会见到一嚿嚿嘅粉出现，其实就係湿气重所致，但就不影响洗衫！另外，梳打粉同样亦有吸湿功效，结块后就不建议再製作食物，但仍可作清洁霉菌之用。

4. 旧茶包

茶包吸湿方面未必有显着功效，但係吸味除臭方面表现亦唔错，除鞋臭味一流！

旧茶包除鞋臭味一流！