番茄减少血管脂肪形成、防癌！日本医生：只得番茄先有呢种营养！
番茄中含有两大营养素，首先係大家都耳熟能详嘅茄红素，继而就係有预防动脉硬化嘅新营养素X！ 发现呢种新营养素嘅永井龙儿医生，将为大家解释番茄内含嘅惊人营养素係啲咩嚟、有咩作用。 人嘅身体布满粗粗幼幼、长长短短嘅血管，若果将所有血管驳成一条直线，长度达至将10万km！医生话呢个长度足足等同围绕地球2周半！ 而一旦某一部分嘅血管受损或有任何伤害，则会令个体全体老化。因此，保护血管健康，应该係任何年龄层都应该注意！唔好等到出事先嚟正视呀！ 节目组去到夏季盛产番茄嘅北海道，找来喺自家农园种植、且每日都食番茄嘅人士做採访。透过专业仪器测试血管年龄，发现每日食2个番茄以上嘅受访人士，血管年龄都比实际岁数年轻！呢位老伯伯嘅血管年龄甚至比实际年轻咗10岁！ 原来呢啲都係茄红素嘅功劳！茄红素唔单止有美白效果，更加可以增加血液中嘅高密度脂蛋白胆固醇，令血管保持年轻。 身体内嘅所有血管，会因紫外线同积累嘅压力而日渐变硬老化。 血管一旦酸化，便会导致机能退化，身体就会开始变得衰弱。 茄红素中含有防止血管酸化嘅抗酸化成份，延缓身体衰老。 茄红素能有效抑制活性酸素增生，保持体内血管健康。 而且，茄红素能够增加称为高密度脂蛋白，一种好嘅胆固醇数量，有效防止血管闭塞。 研究指出，连续一个月，每日食300g番茄(1个半)，高密度脂蛋白嘅浓度，相较摄取番茄前高出15％。 咁咁大个番茄，边部分含有最多茄红素呢？答案就係外皮！ 医生表示，色泽越红嘅番茄，所含有嘅茄红素就越丰富。 而以茄红素嘅吸收量嚟比较嘅话，相比夜晚食用，朝早食嘅话，茄红素嘅吸收浓度高出2倍以上！ 咁係因为朝早係处于空腹状态，呢个状态可令营养素更容易被吸收，亦提升咗吸收率。 重点来了，要点食先可以提高吸收率呢？医生指，加热烹煮番茄可令水份挥发，营养素更加浓缩，继而提升茄红素嘅吸收率。 最好嘅食用方法，就係番茄+橄榄油嘅组合！ 相比起就咁食番茄，加埋橄榄油一齐食可以使茄红素嘅吸收率提高1.6倍！ 点解同橄榄油一齐食会吸收得更好呢？咁係因为茄红素係一种不溶于水，但溶于油嘅营养素。同橄榄油一齐食用可更容易摄取到茄红素。 除咗加橄榄油，烹调时加埋蒜头、洋葱可令茄红素更好地被吸收。 营养师就话，简单啲嘅做法嘅话，番茄炒蛋都可以有好好嘅吸收效果。 因为鸡蛋中含有良质油份，所以可以提升茄红素吸收率。 茄红素一日所需嘅摄取量，等同于1杯160ml嘅蕃茄汁、2个半新鲜番茄、4汤匙茄汁。 即使唔擅长食番茄，每日只食1汤匙嘅茄汁，已经可以摄取到足够嘅茄红素！ 而另一种非常神秘嘅新营养素，就係七叶甘糖A！ 呢种成份係番茄独有嘅成份。 七叶甘糖A係喺2003年永井医生同熊本大学进行共同研究先至发现出嚟嘅成份，呢种成份对于改善动脉硬化非常有用。动脉硬化係因为血管里堆叠咗脂肪，令血管被堵塞。 而七叶甘糖A可有效减少堵塞喺血管中嘅脂肪，预防动脉硬化。 研究中曾以老鼠做生物实验，找来3只同样有动脉硬化徵状嘅老鼠，喺同样嘅饲育环境下，仅给予唔同成份嘅粮食，经监测嚟睇下分别有咩变化。 分别检验3只老鼠嘅血管断面画像，发现投以普通粮食嘅A鼠血管中有脂肪积聚，而投以100mg七叶甘糖A嘅C鼠，血管中嘅脂肪则大大减少！ 医生推荐七叶甘糖A嘅1日摄取量，相当于食2～3个车厘茄。 七叶甘糖A现正以减少血管内脂肪嘅高效成份进行医学研究。 点解会咁迟先发现到呢种营养素呢？医生解释因为七叶甘糖A係透明成份，唔似茄红素般一目了然，于是就睇漏咗，直至2003年先被发现。 七叶甘糖A遍布成个番茄，而外皮係含量最高嘅部分。 之但係！有别于茄红素不怕受热，七叶甘糖A一旦受热，就会被分解！ 如果用100℃以上热力加热，会令七叶甘糖A中幅度减少！ 呢个时候，最好就将生蕃茄切片，再浇上橄榄油咁食用。咁就可以保存七叶甘糖A嘅营养成份。 唔想冻食嘅，可考虑喺已加热嘅蔬菜中拌入生番茄。呢个做法唔单止可以以最好方式摄取茄红素，更加以最大限度一同摄取七叶甘糖A！ 另一方面，夏季时，可选择将冷冻番茄磨成蓉，再加入冷麵汁中作为拌菜一同享用。因为如果存放于雪柜，蕃茄好快就会劣化，但如果拎去冷藏冻结，就能够保存营养不流失。嘉宾主持试食完都大讚好味又易入口呀！番茄2大营养价值
茄红素+新营养素X
番茄中含有两大营养素：茄红素、新营养素X！
永井龙儿医生係发现呢种新营养素嘅医生！
若果将所有血管驳成一条直线，长度达至将10万km！足足等同围绕地球2周半！
保护血管健康，应该係任何年龄层都应该注意！唔好等到出事先嚟正视呀！
测试发现，每日食2个番茄以上嘅受访人士，血管年龄都比实际岁数年轻！
茄红素唔单止有美白效果，更加可以增加血液中嘅高密度脂蛋白胆固醇，令血管保持年轻。
血管会因紫外线同积累嘅压力而日渐变硬老化。
血管一旦酸化，便会导致机能退化。
茄红素中含有防止血管酸化嘅抗酸化成份。
茄红素能有效抑制活性酸素增生。
茄红素能增加高密度脂蛋白，防止血管闭塞。
每日食300g蕃茄(1个半)，高密度脂蛋白嘅浓度，相较摄取蕃茄前高出15％。
番茄皮含有最丰富茄红素。
色泽越红嘅蕃茄，所含有嘅茄红素就越丰富。
研究指朝早食番茄，茄红素嘅吸收量比晚上食高出2倍有多！
空腹状态可令营养素吸收得更快、更多。
番茄加热食！吸收能力更佳
医生仲话，即使将蕃茄点样加热都好，茄红素都唔会流失，所以煮热反而更好吸收。
医生话番茄+橄榄油係超好嘅配搭！
蕃茄+橄榄油一齐食可以令茄红素吸收得更好！
茄红素係一种不溶于水，但溶于油嘅营养素。
除咗加橄榄油，烹调时加埋蒜头、洋葱可令茄红素更好地被吸收。
加埋蒜头、洋葱等食材一同烹调，可令茄红素更易被吸收。
营养师指番茄炒蛋都可令茄红素吸收嘅状况变得更好。
鸡蛋中含有良质油份，所以可以提升茄红素吸收率。
茄红素一日所需嘅摄取量，等同于1杯160ml嘅番茄汁、2个半新鲜番茄、4汤匙茄汁。
一餐蛋包饭所用到嘅1汤匙茄汁都已经好足够！
新营养素：七叶甘糖A
番茄仲蕴含一种称为七叶甘糖A嘅成份！
呢种成份係番茄独有嘅成份。
七叶甘糖A係2003年先至首被发现嘅营养素。
动脉硬化係因为血管里堆叠咗脂肪，令血管被堵塞。
七叶甘糖A可有效减少堵塞喺血管中嘅脂肪，预防动脉硬化。
A鼠给予普通粮食，B鼠投以50mg七叶甘糖A+普通粮食，C鼠投以100mg七叶甘糖A+普通粮食。
分别检验3只老鼠嘅血管断面画像，发现咗七叶甘糖A嘅惊人效果！
医生推荐七叶甘糖A嘅1日摄取量，相当于食2～3个车厘茄。
七叶甘糖A现正以减少血管内脂肪嘅高效成份进行医学研究。
七叶甘糖A係透明成份。
七叶甘糖A遍布成个番茄，而外皮係含量最高嘅部分。
有别于茄红素不怕受热，七叶甘糖A一旦受热，就会被分解！
如果用100℃以上热力加热，会令七叶甘糖A中幅度减少！
想吸收最多七叶甘糖A嘅话，医生建议生食番茄最好。
唔想冻食嘅，可考虑喺已加热嘅蔬菜中拌入生番茄。
夏季时，可选择将冷冻番茄磨成蓉，再加入冷麵汁中作为拌菜一同享用。
即睇更多：8款雪柜不能放的食物 受潮易变质 严重会产生致癌物｜好生活百科
本页关于 番茄减少血管脂肪形成、防癌！日本医生：只得番茄先有呢种营养！内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。