婚礼司仪痴咗线！新人恶梦「毕生难忘」成个婚礼「炒晒车」叫老豆咀外母
司仪确係一个专业嚟?！最近就有网民喺讨论区发起一人一个婚礼司仪黐咗线嘅一刻，将自己喺婚礼上遇过最尴尬嘅情况罗列出嚟，有啲都真係几大吉利是?！ 司仪係一男一女外面请，冇人识，无啦啦去到中间，男司仪话个女司仪今日生日，要全世界陪佢唱生日歌 + 畀惊喜个女司仪！ 司仪讲讲吓嘢讲到喊晒，然后话原来个新娘係佢锺意咗好多年嘅女神，然后无啦啦大叫咩『哈利路亚 CHANCE』！ MC:我叫 Martin 佢叫 Candy，所以我哋係MC！ 新人同家人亲戚朋友影相，影影吓，个MC嗌：『而家有请MC上台影相！』，然后自己冲上台婚礼司仪炒车实录
自high系列
在婚礼中司仪是非常重要的角色，但如果遇着个靠唔住嘅司仪，真係新人嘅一场恶梦！
个司仪玩到无嘢好玩，无啦啦叫我老豆咀我老婆个老母，下面班XX仲大大声叫咀佢！咀佢！搞到我外父同我老母黑晒面 !!!
就连旁观者都替新人捏一把冷汗（图片来源：《抱抱俏佳人》剧照）
开口夹着脷系列
切蛋糕既时候，MC:『我地祝对新人由头切到尾』，婚宴完嘅时候，MC:『我哋下次再见』
下次！？真係啋过你吧口啊！
MC:新郎都无得食新娘只猪，大家就有得食猪
MC:新郎依家可以揭起新娘嘅婚纱
司仪要有幽默感，识得搞气氛，但唔係样样嘢都可以攞黎讲笑。
亲戚係茶楼摆左十零围，有个驻场大婶司仪：『虽然今晚围数唔多，但我地都用最热烈既掌声欢迎一对新人』
MC:恭喜一对新人走上呢条不归路………er……..幸福之路!!
作为来宾听到呢啲说话，顿时觉得空气都要尴尬了…（图片来源：《必娶女人》剧照）
大吉利是系列
MC:我哋一齐睇番一对新人生前嘅片段
试过个 MC 叫: 『有请女家外母慈云阁嘅邻居』，外母住慈云山啲屋村，但係慈云阁係放骨灰果啲寺
大喜日子最棹忌听到唔吉利嘅说话。
试过去饮，新郎新娘多谢完四大长老之后，MC话: 『多谢完就要有啲表示啦，我地而家请新郎新娘向父母三鞠躬致谢』，新郎新娘又真係照做，四大长老块面黑到！
若果唔想係大日子中伏，选定司仪前记得约见一下司仪，减低濑野风险。（图片来源：《抱抱俏佳人》剧照）
睇完以上嘅炒车经历，令人更加明白请个可靠婚礼司仪嘅重要性！大家将来结婚嘅时候，记得带眼搵司仪喇！祝大家有个浪漫又美好的婚礼。
撰文：Sunday Kiss｜图片：新传媒资料室、《抱抱俏佳人》剧照、《必娶女人》剧照、林盛斌FB专页、IG｜原文刊于：Sunday Kiss
即睇更多：生日饭应邀最尾要夹钱 事主绝望：生日唔约我食饭我真係okay嫁！| 网络热话
即睇更多：老夫妻结婚57年一律AA制 八旬夫妻终 爷爷：我解脱了｜网络热话
本页关于 婚礼司仪痴咗线！新人恶梦「毕生难忘」成个婚礼「炒晒车」叫老豆咀外母内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。