1

烧烤BBQ必学7式！

1. 薯片当炭精！
极速透炉法

要BBQ？先决条件就係要有火，不过要享受优美嘅郊野环境，就唯有放弃有人照顾嘅烧烤场。不过并唔係人人都识得透炉，其实只要学识几个小技巧，人人都可以自力更生，极速透炉！

首先将厨房用嘅厨纸，将佢捲成卷状，再用剪刀分开一半，再扭实，最后再点少少油。摆放炭嘅方法最2条直2条横咁搭成井型，再层层的堆叠上去，炭与炭之间必定要留有空间，让空气流通。最后加少少薯片碎上去，然后点火，因为薯片含油份，将佢放入炭堆凹入，一烧就会着火，比炭精更易起火！

厨纸先剪一半再扭实。

2. 别扫油！
薯仔加洋葱烧烤网防粘法

起完炉，千祈唔好咁心急放嘢食上去烧住，因为火未够猛好容易黐底?！特别係有啲人会比较钟意用烧烤网，扫油本身係好方法，但啲油係咁滴落火炉，搞到个火猛晒，好易烧燶嘢食。教你烧烤前，切开生薯仔，用薯仔同洋葱抹一下网面，当中嘅澱粉质经加热后就会形成一层薄膜，咁样即使係烧鱼都无咁易黐底，想烧乜都靓哂！

用叉叉住薯仔嚟扫一下网面，easy！ 烧完鱼都坚冇黐底！

3. 烧原个芝士！
自製芝士火锅

呢个方法简单又劲吸引，只要买件原个芝士摆喺炉边焊溶，爱嚟点牛柳粒呀，丸呀，车厘茄咁，真係惹味到晕！係咪乜芝士都得？我哋请教咗Cheese BB嘅店主，佢话一定要拣软芝士，例如Brie Cheese、Camembert Cheese同埋Gouda Cheese，通常买一个280g嘅小型芝士就够2-4人食，唔好浪费嘛！

热溶芝士配任何食物都咁惹味！

4. 无腌食物救星！
喜马拉亚山盐

近来好多Camping露营嘅朋友，都会用喜马拉亚山粉红岩盐板去整嘢食。其实拎呢块岩盐板去BBQ一样得！同芝士一样，只要放喺炉火边焊砖盐，跟手放啲食物上去！特别係一啲无腌嘅嘢食，例如茹类、海鲜之类，咁样盐烧法就唔会食物抢咗食物原本嘅鲜味，又有鹹味吊味，唉呀！总之就好味啦！而且岩盐板烧完可再用番，不过千祈唔好用洗洁精洗啊！只要后用布加水抹走砖上嘅污渍咁就搞掂。

喜马拉雅山盐是无腌食物救星！

5. 唔叉先易烧！
轻鬆烧多春鱼

好多人都钟意喺BBQ时烧多春鱼，不过其实要烧出完美嘅多春鱼，并唔使叉?！只要将多春鱼平放喺烧烤叉上面，放在火上烧大约一分钟，多春鱼就会开始收缩。再烧多约一分钟后，鱼皮就会开始会痴住烧烤叉，咁样就可直接反转烧烤叉，烧熟另一面，而多春鱼又可以保持完整唔会甩皮甩骨！

但记住一定要烧到微焦收缩，不然就会??

6. 烧鸡翼不能打直穿
横穿最易熟

好多人都钟意食烧鸡翼，不过需时又难烤得靓。虽然好多人都会教将鸡翼打竖串起，不过其实始易会令受热不均，而且叉得唔好后期仲会令鸡翼转唔停，只烧熟一面。正确方法应该将鸡翼打横串，串起厚肉，咁鸡翼就可以轻易烧熟！

好多人都钟意食烧鸡翼，不过需时又难烤得靓。

7. 烧棉花糖天才食法

喺日本就有网友将竹籤换成Pocky，插入棉花糖去用余火烤。融化嘅朱古力加上微焦嘅棉花糖，係咪睇到都好想食呢？

烧过棉花糖嘅人，都知如果没捉好时间同距离，棉花糖就会着火！发文嘅网民就俾咗个小贴士大家：要先让Pocky嘅朱古力稍微加热溶化后，再插入棉花糖烧！如果朱古力无融化就直接插入棉花糖，手拎嘅饼乾部分好易会断。