1

2.2万大公司 vs 2.8万细公司

日前，有人于讨论区以选择题 22k 大公司定28k 细公司为题开post，指自己有两间公司的offer，不知应如何选择。

1.2.2万，大公司就轻鬆啲返5日，啲嘢做惯做熟，学嘅嘢都差唔多学哂，有时忙起上嚟都要ot，不过有补水

2.2.8万，细公司就返5.5日，部门得几个人，做嘅嘢会多咗，可以学到唔同嘅嘢

网民：返5.5日同返6日有咩分别

楼主帖文一出，不少网民热烈回应，大部分一面倒劝楼主应选择大公司、人工较低的offer。不少人指就算细公司人工高，惟返足5.5日，宁可选择人工低但返5日的工作。

5.5 同返6日有咩分别？ 5.5即係你星期五人人relax，你仲要第二朝爬起身喎！ 你返到屋企加食埋饭起码都三点啦 我识所有返5.5日嘅人基本都係当返6日。 返5.5日放一日假好似无休息咁，都唔知边个发明返足6日。 放多一日个人生活充实好多！ 叫你返5.5日， 做唔哂又咪要Ot ，跟住做足全日。 不少人指就算细公司人工高，惟返足5.5日，宁可选择人工低但返5日的工作（图片：Unsplash）

细公司不稳定、福利少 对将来搵工无帮助？网民指两份工作日薪仅差166元

又有网民表示，细公司人工虽然高，但福利较大公司少，且细公司或会随时变更政策，分分钟今日人工2.8万，听日人工2.2万，最后得不偿失。更有网民将两份工作的日薪比较，称细公司与大公司的日薪差距仅166元，认为楼主不应选择细公司。

22,000/22 = $1,000/日 vs 28,000/24= $1,166/日
为咗毎日多166蚊，又要畀多4日车钱早起身无happy friday，值得咩？

细公司加5.5日已经不了，仲要呢个环境细公司随时执。 最大问题细公司今日就答应你2.8万，但可能唔够一两个月，觉得无咩生意，转头就会直接炒人都唔出奇。 细公司人工高啲係因为包埋医药费。

亦有网民称，细公司的工作经验对将来搵工没有帮助，又认为细公司的学习机会不一定多。

细公司、香港公司、返5.5日，你入到去都好快quit；拎住细公司嘅经验去大公司又会睇低你，一样压返你价。 细公司学嘢係昆人，无制度、无叻人带你做，公司做大畀你管都管唔掂！ 你肯定你学晒所有嘢？大公司咁多职位又多机会，有无谂过调职可能可以升职或者搵多啲？ 网民将两份工作的日薪比较，称两者差距仅166元。（图片：Unsplash）

细公司人工高 将来转工可叫高价？

虽然大部分网民一面倒劝楼主应选择大公司的offer，但有网民却认为细公司的人工较高，楼主可以先返细公司，未来转工，叫价可以高于2.8万；反之，假若楼主选择大公司2.2万的offer，将来转工后的人工亦未必可以增加至2.8万。

细公司做住先，因为你下一份工嘅人工会同呢一份有关，同时搵返5日可以offer你2.8万嘅工。 梗係2.8万啦，再转大公司就有得叫高过28k。 6千差好多，3千内就唔会谂。往好嘅方面谂，返多半日少啲机会使钱，细公司少啲办公室，学多啲嘢，下次转工叫价高啲！ 6千其实唔少钱，你放假4日搵唔搵得返呢啲钱？你每个月储多6千，其实一年都7.2万，投资下一年差10万。5日工一定係舒服，但係我会拣6日2.8万，之后跳个人工又可以叫高啲！ 拣2.8万，做半年转工，叫价能力起跑线已经 喺你2.2万嘅20%以上，下份工唔使同人讲自己返5.5日。 2.8万做一年再搵工！2.2万之后再跳都未必有2.8万。

不过有网民却认为，楼主在作出决定前，应衡量自己的需要，假如有经济压力，应选择人工较高的细公司；若没有经济压力，可依照自己的心意决定。

要睇自己嘅状况同埋想要啲咩，楼主话自己廿中，如果要準备成家立室，自然有经济压力，咁当然2.8万；但如果有家底，唔忧柴忧米，无打算成家立室，当打工，咁咪2.2万。 而且应该睇比例，举例而言，如果7.2万对7.8万，咁6千算得上咩钱，我就会选7.2万而唔係7.8万；但2.2万对2.8万，差别算明显地大。 跟返自己心意最好！ 有网民建议楼主可以先返细公司，未来转工的话叫价分分钟高于2.8万（图片：Unsplash）