1

楼主：次次食lunch同放工之后都搵唔到班00后

日前，有位打工仔于香港讨论区以班00后新人一放工就搵唔到佢哋，到底仲有冇责任心？？为题发文，大呻带00后新人的不满。那位打工仔指，公司每年都会要求他带新人，讲解公司运作。00后新人返工1个月左右，他却发现一个严重问题，想向HR反映：

次次食lunch同放工之后都搵唔到佢哋，Email又好，WhatsApp又好，佢哋都唔会即时应，点都係返到公司先会应。咁我搵得佢哋都都係紧要嘢，点可以唔应机？??家科技咁发达，覆Email同WhatsApp都唔难，做嘢又方便，都唔明佢哋点谂。考虑紧同唔同HR讲呢个问题。

楼主表示，每次食lunch及收工后，00后新人都不会应机，斥他们无责任心。（图片：Unsplash）

有人指00后唔使养家糊口 自然任性？

楼主帖文一出，引起网民两极反应。有人认同楼主的观点，直言00后无生存压力、分分钟零用钱比人工还多，自然任性兼无责任感。

00后又唔使养家糊口，无生存压力，自然任性。 心态就係打份工，工作时间外无责任。而且个个都怀才不遇，打份工已经好屈就，可唔可以体谅一下年轻人。 一代不如一代。 00后啲零用钱仲多过份人工，点会认真做。

网民劝楼主：对00后不能要求太多

又有网民劝楼主睇开啲，对00后不能要求太多，要不然只会令自己心烦。

我公司嗰几件都係咁，讲完都无用。做咗几日之后又会打回原形。 ??家啲人係咁，你唔放开啲只有激死你。睇开啲啦兄弟。 佢哋无已经偷笑，对00后不能要求太多！ 网民坦言，不能对00后要求太多。（图片：Unsplash）

网民：并非00后问题

不过，有网民认为楼主不应将00后标籤化，问题出自人人对工作的态度不同，就算是70后、80后，同样会有一样的情况。

错， 并非00后的问题，而係你公司文化的问题。Lunch同收工后属于私人时间，如果好重要事情，就打电话啦！ 我公司啲『老屎忽』一样都会无影，唔关年龄事，係嗰人有无心嘅问题。 佢哋人工几多先？低嘅话好正常！有咩事咁急一定要食饭时间内要知答案？问题唔可以收工前问？自己无时间观念就话人哋无责任心；我想讲，好多70后、80后都咁啦，返工出去hea，收工第一个走。

有人反指楼主要求不合理：放工应你係人情 唔应你係道理

虽然有部分网民认同楼主观点，但亦有人认为为00后新人的做法并无不妥，反指楼主的要求不合理。有人认为，收工后属私人时间不回覆讯息、电邮合理。更有人直言，收工覆同事讯息是人情，不处理公事是道理。

你份工係咩工先？Lunch or 放工係我时间，一定要覆你？我会照睇message，不过睇情况先覆。ps：不是00后 事实上…收咗工都仲应上司/同事係人情，唔处理公事係道理…与期埋怨收工唔覆，不如谂下点样可以喺office hour 安排好晒所有嘢。 我80后，但认为放工就放工，除非好紧急情况，否则点解要即刻覆，随时要求别人非办工时间做嘢，呢啲叫剥削，我唔係后生但我都唔认同呢种理所当然的要求，尤其对人工唔高的一般打工仔。工作是工作，生活是生活。 Work life balance，你明唔明?？ 用私人时间去理你公司嘢？除非同你好熟好啱倾啦！咁如果调转用公司时间做私人嘢！公司又得唔得先？ 有人认为，放工应机係人情，唔应係道理。（图片：Unsplash）

科技发达唔等于打工仔要24小时stand by

亦网民指楼主的观念太古板，认为以前无智能电话一样第二日返到公司先处理，科技发达咗唔代表员工24小时stand by。又有网民认为楼主应将心比己，人人都有休息时间，放工时间覆讯息并非评定员工是否有责任心的标準。

如果我係你下属，我会半夜四点搵你倾公事，你唔覆就係你无责任感。我会去同HR讲你唔适合教人，係咪要咁样先显得你有价值？做人可唔可以将心比心，工人都有休息时间啦，返工使唔使畀埋条命你？

做嘢有无责任感唔係咁分，平时办公时间内都睇得出啦换转你放大假去旅行，都唔想老闆搵你啦！

网民指科技发达唔等于打工仔要24小时stand by。（图片：Unsplash）

网民：公司唔加人工就不要怨天尤人

有网民笑言，楼主想令00后对工作上心，收工后覆message，最佳的做法莫过于是加人工、OT钱。

同老细建议，放工时间后有公司嘢要WhatsApp倾的话，可以同老闆claim OT钱！佢哋会乐意即刻回覆你的！ 没有事係double人工解决唔到，如果有就triple。钱一够，佢留埋公司过夜，24小时听电话都得。如果无钱解决，就係公司太穷嘅问题，不要怨天由人。试下从好方面谂，员工出一份咁低人工，只係想帮公司悭钱。 图片：Unsplash