〈好食〉亲民价Omakase 南昌V Walk渔钏

【A&M Diary】近年无得返日本家乡，所以多咗好多人寻访港版嘅Omakase（厨师发板）。由于主打Omakase嘅餐厅选择越嚟越多，价钱亦越嚟越亲民，令Omakase唔再係遥不可及。今日嚟到南昌站V Walk嘅渔钏，呢度嘅和风料理选择非常全面，近期亦推出震撼价HK$298嘅Omakase，究竟係唔係真係咁抵，一于带A姐去试吓啦！

一人前Omakase：前菜
前菜就係鱼仔，鹹香十足。

一人前Omakase：沙律
前菜就係和风沙律，新鲜嘅蔬菜同车厘茄配上胡麻酱，都够开胃。

一人前Omakase：汁物
日本菜嘅汤当然就係麵豉汤啦，够晒热辣辣！

一人前Omakase：天妇罗
天妇罗即叫即炸，Omakase套餐会有三件，分别係虾、茄子同南瓜。炸粉唔厚，非常香口。

一人前Omakase：刺身三点
食完三道前菜同天妇罗，就梗係要嚟重点之一嘅刺身啦！话说Omakase係根据当日新鲜嘅食材，再由厨师了解食客嘅喜好，由淡口嘅白身鱼食到较浓嘅赤身鱼。虽然呢度嘅Omakase一切从简，直接将三款刺身奉上，但呢个价钱食到新鲜嘅刺身，已经够晒惊喜！三款刺身分别係中拖罗、三文鱼同鲷鱼，全部都劲厚切，特别锺意油脂丰富嘅三文鱼，口感丰富。

一人前Omakase：寿司九贯
至于寿司就有九件，今日厨师就帮我拣咗三文鱼、赤身、剑鱼腩、赤虾、帆立贝、鱲鱼
、炙烧三文鱼、炙烧和牛同炙烧左口鱼边。呢9件寿司全部手握，饭身软熟，特别锺意超鲜甜嘅赤虾同帆立贝。

大拖罗寿司
除咗Omakase，我哋亦叫咗平时去日本必食嘅大拖罗，拖罗够厚身，肉质绵滑，鱼油丰富，亦完全无筋，唔错。

软壳蟹蟹卷
餐厅亦推出唔少自家卷物，入面嘅软壳蟹炸到非常香脆，同软绵嘅饭身形成强烈对比。但我哋就略嫌卷得唔够实，所以食嘅时候好易鬆散。

蟹肉玉子烧
玉子烧够晒热辣辣，而且蛋香十足。上面放有蟹肉同劲多蟹籽，口感非常有层次。我哋就觉得如果可以将蟹肉放喺玉子烧内就更完美喇。

<

Tags：好食,亲民,Omakase,南昌,Walk,渔钏,Diary

转载：文章来自用户投稿不代表本站观点，如有侵权请联系我们。