〈好食〉欧洲宫廷气派历山酒店 北角历山餐厅半自助餐

【A&M Diary】位于炮台山嘅历山酒店以维多利亚时期为设计风格，当我哋踏入酒店，就好似置身喺欧洲嘅宫殿，劲多打卡位呀！除咗打卡，我哋仲嚟到历山酒店内嘅历山餐厅叹个半自助午餐添！更估唔到嘅係呢个半自助午餐嘅CP值超高，除咗自取区选择丰富，更重要係主菜质素够晒惊喜呀！

半自助餐区
历山餐厅嘅自助区範围好大，选择超多：前菜、沙律、餐汤、海鲜、刺身同甜品等等，非常丰富，真係未食主菜都已经饱咗7成喇！

前菜
无论係半自助餐区定主菜menu都会不定期更新，以让食客有新鲜感。其中前菜方面，除咗火腿之外，大厨亦特意安排四川小食，今期嘅四川风味就有川辣酸姜皮蛋，酸姜清香爽脆，皮蛋泛起溏心，软绵滑溜，够晒醒胃。

沙律
锺意食沙律嘅人，呢个沙律吧确实唔可以错过！沙律菜有成10款选择，款款都够晒新鲜爽脆；酱料有5款而配料亦有4款点缀。

餐汤
餐汤就有中西式两款，西汤係creamy嘅南瓜汤，南瓜超鲜甜浓郁，打得绵滑无渣；至于中汤就係节瓜章鱼煲猪骨，近排少汤水嘅我哋就啱晒，因为非常足料，感觉无落味精。

海鲜
喺半自助餐时段，餐厅提供冻虾、螺同青口，样样都够晒新鲜。我哋特别推介螺，因为真係非常鲜甜，肉身弹牙！另外，除咗海鲜冻盘，餐厅亦有提供任食嘅芝士焗生蚝，蚝肉鲜甜，肉质丰厚，芝士够creamy，生熟程度啱啱好。

KF2e.jpg" />

刺身
无论係自助餐定半自助餐，刺身都係唔少得。今日嘅选择有三文鱼、甜虾、鱿鱼等。其中三文鱼提供唔少腩位，油脂比例丰富，好好味呀！?

炭烧美国西冷扒配红酒汁
终于嚟到主菜喇！牛扒我哋拣咗5成熟，生熟度啱啱好，肉味浓郁，好juicy。至于薯块亦炸得非常香脆，薯味浓郁。

蒜香鹅肝牛柳
主菜除咗西式选择，仲有唔少中式小菜。我哋就叫咗蒜香鹅肝牛柳，鹅肝大大粒，入口即熔，鹅油丰富。至于牛柳软腍，份量十足。仲有好多炸蒜片，够晒香口，夹埋牛柳同鹅肝一齐食就更有口感。

甜品
提提大家记住留肚食甜品呀！呢度嘅半自助午餐供应5-6款甜品，其中芒果拿破仑蛋糕啲芒果爆多，够晒鬆化，真係好好味呀！另外，仲有芝士蛋糕、水果同啫喱，非常丰富。

<

Tags：好食,欧洲,宫廷,气派,历山,酒店,北角,餐厅,自助餐,Di

转载：文章来自用户投稿不代表本站观点，如有侵权请联系我们。