香港钓虾场推荐　又玩又食钓虾5大推介

【A&M Diary】钓虾係近期放假大热嘅活动之一，无论係一班朋友定一家大细，都锺意去到香港各大钓虾场消遣，令香港钓虾场越开越多，除咗室外钓虾场，亦有唔少室内钓虾场选择，例如观塘钓虾场、元朗钓虾场、荃湾钓虾场同新蒲岗钓虾场等等。钓虾场之所以深受大家欢迎，係可以即钓即食，够晒新鲜弹牙！今期我同A姐就严选推荐5间香港钓虾场，让你体验钓虾乐趣。

钓虾技巧
钓鱼同钓虾都需要耐性，但好似我哋呢啲新手，就觉得钓虾速度相对快，所以成功感相当大，十分满足。以下有两个小贴士，等大家更快掌握钓虾技巧。
1：虾饵唔需要太大粒，然后将虾饵上鈎，遮盖鈎尖就得。
2：每支虾竿都有浮标，当见到浮标上下轻微郁动，只係活虾用钳去尝试接触虾饵，记住要等到浮标完全下沉，先至係上钓最佳时间。

观塘钓虾场：钓鱼船屋 Chougiyo Funaya Japanese Restaurant
地址：观塘骏业街56号中海日昇中心2H舖
电话：+852 3618 8260
营业时间：星期一至日 12:00-15:00、17:30-00:00

观塘有唔少钓虾场选择，而呢间钓鱼船屋就够晒吸睛！因为一入到嚟餐厅，就会见到大大艘日式钓鱼船，未开始钓虾已经可以疯狂打卡。而除咗钓虾，餐厅仲有两个海水鱼池，可以即场钓鱼添！同样地，所有嘅渔获可以即钓即煮。另外，餐厅亦放有多个海产鱼缸，倒如龙虾、蟹、鲍鱼、蚬，亦有多款日式料理选择，充满日本旅行嘅感觉。

观塘钓虾场：Y.L House 钓虾场
地址：观塘鸿图道76号联运工业大厦2A室
电话：+852 9530 8628
营业时间：星期二至日 14:00-02:00

观塘另一间钓虾场就係Y.L House，呢间钓虾场佔地大约2,800呎。除咗钓虾之外，仲可以钓蟹同钓波士顿龙虾！仲有专人为大家即钓即烧，仲可以选择以盐焗或蒸处理。餐厅亦唔建议加入太多调味料，等食客可以感受食材本身嘅鲜甜味。

新蒲岗钓虾场：虾立方休闲娱乐钓虾场 HA cube
地址：九龙新蒲岗大有街3号万迪广场8楼D及E室
电话：+852 3565 4233
营业时间：星期一、星期三至日12:00-02:00

虾立方休闲娱乐钓虾场位于新蒲岗大有街，每支竿最低收费为一小时HK$130、两小时HK$240、三小时HK$330、四小时HK$400。呢个钓虾场除咗钓虾，喺唔同季节仲会推出期间限定嘅钓肉蟹、钓膏蟹同钓奄仔蟹等垂钓活动！所有成功上钓嘅渔获就拎去烧烤区，即钓即烧。

元朗钓虾场：富来休闲农庄钓虾场
地点：元朗锦田水尾村
电话：+852 6273 0538
营业时间：星期一至四 09:00 – 23:00、星期五至日 09:00 – 01:00

除咗室内钓虾场，如果你锺意享受大自然，就推介位于元朗嘅富来休闲农庄钓虾场，呢度除咗钓虾，仲可以烧烤、露营、玩水喷水池、绿田园种植、踢足球、驾驶电动车同捞金鱼等等，啱晒小朋友嚟到尽情放电。

<

Tags：香港,钓虾场,推荐,又玩,又食,钓虾,推介,Diary,钓虾

转载：文章来自用户投稿不代表本站观点，如有侵权请联系我们。